పీరియడ్స్ సమయంలో రుతుస్రావం ఎక్కువగా ఉందా? నొప్పి నుంచి ఉపశమనం కోసం జీవనశైలిలో ఈ మార్పులు చేయండి

Heavy Periods Relief| చాలామంది మహిళలు ఎక్కువ రుతుస్రావం వల్ల కలిగే నొప్పి, అసౌకర్యం లాంటి సమస్యలు ఎదుర్కొంటుటారు. ఈ సమస్య వారి రోజువారీ జీవితాన్ని, శక్తిని బాగా ప్రభావితం చేస్తుంది. ఎక్కువ రక్తస్రావం వలన శరీరంలో బలహీనత, అసౌకర్యం, నొప్పిగా ఉంటుందది. కాలక్రమేణా ఈ సమస్య వల్ల శరీరంలో ఐరన్ లోపం వస్తుంది. ఈ నొప్పి, అసౌకర్యం నుంచి ఉపశమనం కోసం మీ జీవనశైలిలో చిన్న మార్పులు చేయండి.

ప్రతిరోజూ ఐరన్ అధికంగా ఉండే ఆహారం తినాలి

ఎక్కువ రుతుస్రావం వల్ల శరీరంలో ఐరన్ లెవెల్స్ తగ్గుతాయి. తక్కువ ఐరన్ ఉండడం వల్ల శరీరం త్వరగా అలసిపోవడం, బలహీనతను కలిగిస్తుంది. అందుకే ప్రతిరోజూ ఐరణ్ పుష్కలంగా ఉండే ఆహారాలు తినండి. పాలకూర, కందిపప్పు, ఖర్జూరాలు క్రమం తప్పకుండా తీసుకోండి. ఈ ఆహారాలు రుతుస్రావం సమయంలో శరీరంలో శక్తినిస్తాయి. దీంతో అలసట, బలహీనంగా అనిపించదు.

రోజంతా నీరు బాగా తాగాలి

తగినంత నీరు తాగడం శరీర పనితీరుకు మద్దతు ఇస్తుంది. ఇది సరైన రక్త ప్రసరణను కాపాడుతుంది. అలసటను తగ్గిస్తుంది. గోరువెచ్చని నీరు జీర్ణక్రియను కూడా మెరుగుపరుస్తుంది. మంచి హైడ్రేషన్ రుతుస్రావం ఆరోగ్యాన్ని మెరుగుపరుస్తుంది.

సమతుల్య ఆహారం తినాలి

సమతుల్య ఆహారం హార్మోన్ల ఆరోగ్యానికి, శరీర బలానికి తోడ్పడుతుంది. పండ్లు, కూరగాయలు, తృణధాన్యాలు భోజనంలో తీసుకోండి. ప్రాసెస్ చేసిన, ఉప్పు ఎక్కువగా ఉన్న ఆహారాలను తగ్గించండి. దీంతో కడుపులో ఉబ్బరాన్ని, అసౌకర్యాన్ని పెంచుతాయి.

ఉప్పు, ప్రాసెస్ ఫుడ్స్ తినడం తగ్గించాలి

ఎక్కువ ఉప్పు తీసుకోవడం వలన శరీరంలో నీరు నిలిచిపోతుంది. ఇది రుతుస్రావం సమయంలో ఉబ్బరాన్ని మరింత దెబ్బతీస్తుంది. ప్యాకెట్ ఆహారాలు, సాల్ట్ స్నాక్స్ తగ్గించండి. వీలైనంతవరకు తాజా, ఇంటి భోజనం ఎంచుకోండి.

తేలికపాటి శారీరక శ్రమ చేయాలి

తేలికపాటి వ్యాయామం శరీరంలో రక్త ప్రసరణను మెరుగుపరుస్తుంది. ఇది తిమ్మిర్లను, అసౌకర్యాన్ని తగ్గించవచ్చు. భోజనం తర్వాత కాసేపు నడవడం వల్ల ఆరోగ్యం మెరుగుపడుతుంది. క్రమం తప్పకుండా తేలికపాటి వ్యాయామం, రుతుస్రావం సమయంలో ఆరోగ్యానికి మేలు చేస్తుంది.

Also Read: మీ పిల్లలు ఎత్తు పెరగడం లేదా? సహజంగా ఎత్తు పెరగడానికి ఈ ఆహారాలు తినిపించండి

ఒత్తిడిని జాగ్రత్తగా తగ్గించాలి

ఒత్తిడి హార్మోన్లు, రుతు చక్రాలను ప్రభావితం చేస్తుంది. అధిక ఒత్తిడి రుతుస్రావం సమస్యలను పెంచుతుంది. ధ్యానం లేదా లోతైన శ్వాస వంటి సడలింపు పద్ధతులు అభ్యసించండి. ప్రశాంతమైన మనస్సు మంచి శారీరక ఆరోగ్యానికి దారి తీస్తుంది.

ఎక్కువ రుతుస్రావం చాలా బాధాకరంగా అనిపించవచ్చు, కానీ ఈ చిన్న చిన్న మార్పులు చాలా సహాయపడతాయి. ఆరోగ్యకరమైన ఆహారం, హైడ్రేషన్. విశ్రాంతి మీ స్థితిని మెరుగుపరుస్తాయి.