వేసవిలో ఇంటి ఫ్లోర్ మండిపోతోందా? మాపింగ్ వాటర్‌లో ఇది కలిపితే గంటలపాటు కూలింగ్

వేసవి కాలంలో ఉష్ణోగ్రతలు ఎక్కువగా ఉండడం వల్ల ఇంట్లో కూడా వాతావరణం వేడిగా ఉంటుంది. ఈ క్రమంలో
ఇంటి ఫ్లోర్ వేడెక్కడం చాలా మందికి సమస్యగా మారుతుంది. వేడి ఫ్లోర్ గది ఉష్ణోగ్రతను పెంచి, సౌకర్యాన్ని తగ్గిస్తుంది. ఫ్యాన్లు, కూలర్లు వాడినా ఫ్లోర్ చల్లబరచడం మరచిపోతాం. కానీ ఇంట్లో ఉన్న సాధారణ పదార్థాలు, చిన్న చిట్కాలతో ఫ్లోర్‌ను చల్లగా ఉంచవచ్చు. ఈ టిప్స్‌తో ఇల్లు ఫ్రెష్‌గా, సౌకర్యవంతంగా మారుస్తాయి.

ఫ్లోర్ ఎందుకు వేడెక్కుతుంది?

సూర్యకాంతి నేరుగా పడటం వల్ల కాంక్రీట్, టైల్స్ ఎక్కువ వేడిని గ్రహించి నెమ్మదిగా విడుదల చేస్తాయి. గాలి ప్రసరణ లేకపోవడం, కిటికీలు మూసి ఉంచడం వల్ల ఫ్లోర్ వేడెక్కుతుంది. గ్రౌండ్ ఫ్లోర్ కంటే ఎగువ అంతస్తుల్లో ఈ సమస్య ఎక్కువగా ఉంటుంది.

ఫ్లోర్ మాపింగ్ చేసేటప్పుడు చల్లని నీళ్లు వాడండి

ఉదయం, సాయంత్రం సమయాల్లో చల్లని నీళ్లతో ఫ్లోర్ మాప్ చేయండి. ఇది ఫ్లోర్ ఉష్ణోగ్రతను తగ్గించి, గదిని చల్లగా ఉంచుతుంది. వేడి నీళ్లు వాడకండి. ఈ చిట్కా వేసవిలో త్వరగా ఉపశమనం ఇస్తుంది.

మాప్ నీళ్లలో ఉప్పు కలపండి

చల్లని నీళ్లలో కొంచెం ఉప్పు కలిపి మాప్ చేస్తే ఫ్లోర్ చాలా సేపు చల్లగా ఉంటుంది. ఉప్పు మరకలను కూడా తొలగించి, గదిని తాజాగా ఉంచుతుంది. ఈ సాధారణ చిట్కా వేసవిలో చాలా ఉపయోగకరం.

మాప్ నీళ్లలో నిమ్మరసం లేదా పుదీనా కలపండి

నిమ్మరసం లేదా పుదీనా ఆకులను నీళ్లలో కలిపి మాప్ చేయండి. ఇది గదికి తాజా సువాసన ఇచ్చి, వేడిని తగ్గించి, మూడ్‌ను మెరుగుపరుస్తుంది.

మధ్యాహ్నం కర్టెన్స్ మూసి ఉంచండి

మధ్యాహ్నం సమయంలో సూర్యకాంతి నేరుగా పడకుండా మందం కర్టెన్స్ మూసి ఉంచండి. ఇది ఫ్లోర్ వేడెక్కకుండా చూస్తుంది. గది ఉష్ణోగ్రత కూడా తగ్గుతుంది.

గదిలో గాలి ప్రసరణ మెరుగుపరచండి

ఉదయం, సాయంత్రం కిటికీలు తెరిచి గాలి వచ్చేలా చూడండి. ఎగ్జాస్ట్ ఫ్యాన్లు వాడటం వల్ల వేడి గాలి బయటకు వెళ్తుంది. మంచి వెంటిలేషన్ గదిని చల్లగా ఉంచుతుంది.

మందంగా ఉండే కార్పెట్లు తొలగించండి

వేసవిలో మందం కార్పెట్లు, రగ్గులు తొలగించి, తేలికపాటి కాటన్ మ్యాట్లు వాడండి. ఇది ఫ్లోర్ వేడిని తగ్గించి, నడకను సౌకర్యవంతంగా చేస్తుంది.

కిటికీల దగ్గర మొక్కలు ఉంచండి

మనీ ప్లాంట్, అలోవెరా వంటి మొక్కలు గదిని చల్లగా ఉంచి, గాలిని శుద్ధి చేస్తాయి. ఆకుపచ్చ మొక్కలు వేసవి అసౌకర్యాన్ని తగ్గిస్తాయి.

Also Read: భోజనంలో రోజూ ఆవకాయ తింటున్నారా? ఆరోగ్యానికి లాభమా లేదా నష్టమా?

కూలింగ్ పరికరాలను తెలివిగా వాడండి

ఫ్యాన్, కూలర్‌ను సరైన విధంగా ఉపయోగించండి. అనవసరమైన ఎలక్ట్రానిక్ పరికరాలు వేడిని పెంచుతాయి కాబట్టి తగ్గించండి.

వేసవిలో ఫ్లోర్ చల్లగా ఉంచడం చాలా సులభం. చల్లని నీళ్లు, ఉప్పు, నిమ్మరసం, మంచి వెంటిలేషన్, కర్టెన్స్ మూసి ఉంచడం వంటి చిన్న చిట్కాలు ఇంటిని సౌకర్యవంతంగా మారుస్తాయి. ఈ అలవాట్లు అనుసరిస్తే వేసవిలో కూడా ఇంటిని చల్లగా ఉంటుంది.