నెయిల్ పాలిష్‌ బాటిల్‌లోనే గట్టి పడిపోయిందా? పడేయకండి.. దాన్ని సరిచేసే చిట్కాలు ఇవిగో

చాలామందికి చేతి వేళ్లకు నెయిల్ పాలిష్, పెయింట్స్ వేసుకోవడం ఇష్టం. దీని వల్ల వేళ్లు అందంగా కనిపిస్తాయి. అయితే మీకు ఇష్టమైన నెయిల్ పెయింట్ చాలా సార్లు బాటిల్ లోనే ఎండిపోవడం, లేదా గట్టిపడి పోవడం జరుగుతుంది. అలాంటప్పుడు అందరూ అది ఇక పనికిరాదని భావించి.. దాన్ని పడేస్తారు. అయితే చేయాల్సిన అవసరం లేదు. ఇంట్లోనే కొన్ని చిట్కాలు ఉపయోగించి మళ్లీ వేసుకోవడానికి రెడీ చేయొచ్చు. ఈ చిట్కాలు పాటిస్తే మళ్లీ నెయిల్ పెయింట్ స్మూత్‌గా, షైనింగ్‌గా మారిపోతుంది.

వెచ్చని నీటిలో బాటిల్ పెట్టండి

పొడిబారిన నెయిల్ పాలిష్‌ను మెత్తగా చేయడానికి వెచ్చని నీళ్లు చాలా మంచి మార్గం. ఒక గిన్నెలో వెచ్చని నీళ్లు పోసి, పాలిష్ బాటిల్ మూత గట్టిగా మూసి బాటిల్ నీళ్లలో పెట్టండి. 8 నుంచి 10 నిమిషాలు అలాగే ఉంచండి. తర్వాత బాటిల్ తీసి చేతుల మధ్య మెల్లగా రోల్ చేయండి. ఇలా చేస్తే పాలిష్ మళ్లీ సులభంగా వస్తుంది. మరీ ఎక్కువ వేడి నీళ్లు వాడకండి.

నెయిల్ పాలిష్ థిన్నర్ వాడండి

నెయిల్ పాలిష్ థిన్నర్ ఉంటే ఎండిపోయిన పాలిష్‌ను త్వరగా సరిచేయవచ్చు. బాటిల్‌లో 2-3 చుక్కలు మాత్రమే వేయాలి. మూత మూసి చేతుల మధ్య రోల్ చేయండి. ఎక్కువ థిన్నర్ వేస్తే రంగు, క్వాలిటీ చెడిపోవచ్చు. కాబట్టి తక్కువగా వాడటం మంచిది.

షేక్ చేయకుండా రోల్ చేయండి

చాలా మంది పాలిష్ బాటిల్‌ను గట్టిగా షేక్ చేస్తారు. కానీ ఇలా చేస్తే లోపల గాలి బుడగలు ఏర్పడి పాలిష్ అసమానంగా వస్తుంది. బదులుగా బాటిల్‌ను చేతుల మధ్య మెల్లగా రోల్ చేయాలి. ఇలా చేస్తే పాలిష్ సరిగ్గా మిక్స్ అవుతుంది, అందంగా వస్తుంది.

నెయిల్ పాలిష్ రిమూవర్ వాడటం

థిన్నర్ లేనప్పుడు నెయిల్ పాలిష్ రిమూవర్ కూడా తాత్కాలికంగా సహాయపడుతుంది. 2-3 చుక్కలు వేసి మెల్లగా మిక్స్ చేయాలి. ఎక్కువ వేయకూడదు. ఇది అత్యవసర సమయంలో మాత్రమే వాడాలి.

Also Read: ఇంట్లో పొరపాటున కూడా ఈ మొక్కలు పెంచకూడదు.. నిరాశ, దారిద్ర్యం మీ చుట్టూనే..

నెయిల్ పాలిష్‌ సరిగ్గా భద్రపరచండి

పాలిష్ ఇంట్లో తప్పుడు విధానంలో నిల్వ చేయడం వల్లే అది పొడిబారుతుంది. ప్రతిసారి వాడిన తర్వాత బాటిల్ మూత గట్టిగా మూయాలి. బాటిల్ అంచులు శుభ్రం చేసి మూయాలి. చల్లని, పొడి ప్రదేశంలో భద్రపరచాలి. ఎండ, వేడికి దూరంగా ఉంచాలి.

పై చెప్పిన సులభమైన చిట్కాలు అనుసరిస్తే నెయిల్ పాలిష్ ఎక్కువ కాలం తాజాగా ఉంటుంది. వెచ్చని నీరు, థిన్నర్, సరైన నిల్వ విధానాలు పాలిష్‌ను మళ్లీ కొత్తలాగా చేస్తాయి. ఇలా చేస్తే డబ్బు ఆదా అవుతుంది. అందమైన మేకప్ సాధ్యమవుతుంది.

Share

• 
• 
• 
• 
• 
•