Spicy Foods: కారం ఎక్కువగా తింటున్నారా ? అయితే ఈ అనారోగ్య సమస్యలు తప్పవు !

Spicy Foods: మన వంటకాల్లో కారం, మసాలాలకు ప్రత్యేక స్థానం ఉంటుంది. కొంత వరకు కారం తినడం వల్ల మెటబాలిజం మెరుగు పడటం వంటి ప్రయోజనాలు ఉన్నప్పటికీ.. పరిమితికి మించి కారం తీసుకోవడం వల్ల శరీరానికి అనేక ఇబ్బందులు కలుగుతాయి. ముఖ్యంగా మిరపకాయల్లో ఉండే ‘క్యాప్సైసిన్’ అనే పదార్థం అతిగా శరీరంలోకి చేరినప్పుడు రకరకాల సైడ్ ఎఫెక్ట్స్ కనిపిస్తాయి. కారం ఎక్కువగా తినడం వల్ల కలిగే 5 ప్రధాన సైడ్ ఎఫెక్ట్స్ ఇవే..

1. తీవ్రమైన జీర్ణ సమస్యలు, ఎసిడిటీ:
కారం ఎక్కువగా ఉండే ఆహారం తిన్నప్పుడు జీర్ణాశయంలోని లోపలి పొర చికాకుకు గురవుతుంది. దీని వల్ల కడుపులో మంట, వికారం, తీవ్రమైన ఎసిడిటీ ఏర్పడుతుంది. క్రమంగా ఇది గ్యాస్ట్రైటిస్ సమస్యకు దారితీస్తుంది. తిన్న ఆహారం తిరిగి పైకి వస్తున్నట్లు అనిపించే ‘యాసిడ్ రిఫ్లక్స్’ సమస్య ఉన్నవారు కారానికి దూరంగా ఉండటం మంచిది.

2. కడుపులో అల్సర్లు:
సాధారణంగా కారం వల్ల అల్సర్లు రావని కొందరు అంటుంటారు. కానీ ఇప్పటికే కడుపులో చిన్నపాటి ఇన్ఫెక్షన్లు ఉన్నవారికి అధిక కారం తోడైతే.. అది అల్సర్లను మరింత తీవ్రం చేస్తుంది. కారం వల్ల జీర్ణాశయ గోడలు దెబ్బతిని పుండ్లు పడే ప్రమాదం ఉంది. ఇది తీవ్రమైన కడుపు నొప్పికి కారణమవుతుంది.

3. విరేచనాలు,పేగు సమస్యలు:
అధిక కారం తిన్నప్పుడు అది పేగులలోని కదలికలను వేగవంతం చేస్తుంది. దీని వల్ల ఆహారం సరిగ్గా జీర్ణం కాకముందే బయటకు విసర్జించబడుతుంది. దీనినే ‘స్పైసీ ఫుడ్ డయేరియా’ అని కూడా అంటారు. ఇది మల విసర్జన సమయంలో తీవ్రమైన మంట, అసౌకర్యానికి దారి తీస్తుంది.

4. నిద్రలేమి:
రాత్రిపూట కారంగా ఉండే ఆహారాలు తినడం వల్ల శరీర ఉష్ణోగ్రత పెరుగుతుంది. దీనిని ‘థర్మోజెనిసిస్’ అంటారు. శరీర ఉష్ణోగ్రత పెరగడం, కడుపులో మంట వల్ల హాయిగా నిద్రపోవడం కష్టమవుతుంది. ఇది దీర్ఘకాలంలో నిద్ర లేమి సమస్యలకు దారి తీస్తుంది.

5. చర్మ సమస్యలు , చెమట:
కారం ఎక్కువగా తినడం వల్ల ముఖంపై మొటిమలు వచ్చే అవకాశం ఉంది. కారం వల్ల శరీరంలో వేడి పెరిగి, రక్తనాళాలు వ్యాకోచిస్తాయి. దీని వల్ల కొందరిలో చర్మం ఎర్రబడటం లేదా దద్దుర్లు రావడం వంటివి జరుగుతాయి.

నియంత్రించడం ఎలా ?
పరిమితి పాటించండి: వంటల్లో ఎండు మిర్చి కంటే పచ్చి మిర్చిని పరిమితంగా వాడటం మేలు.

పాల ఉత్పత్తులు: కారం తిన్నప్పుడు మంటగా అనిపిస్తే పాలు లేదా పెరుగు తీసుకోవాలి. ఇందులోని ‘కేసిన్’ అనే ప్రోటీన్ కారం ప్రభావాన్ని తగ్గిస్తుంది.

నీరు తాగడం: రోజంతా తగినంత నీరు తాగుతూ శరీరాన్ని హైడ్రేటెడ్ గా ఉంచుకోవాలి.

Join WhatsApp Channel

Share

• 
• 
• 
• 
• 
•