Cold: జలుబుతో ఇబ్బంది పడుతున్నారా ? క్షణాల్లోనే తగ్గించే టిప్స్ ఇవిగో..

Cold: చలికాలం ప్రారంభం కాగానే ఎక్కువ మందిని వేధించే సాధారణ సమస్య జలుబు.ముక్కు కారడం,గొంతు నొప్పి, దగ్గు, తలనొప్పి వంటి లక్షణాలతో ఇది చాలా అసౌకర్యాన్ని కలిగిస్తుంది. సాధారణంగా వైరస్ (రైనోవైరస్) వల్ల వచ్చే జలుబుకు, వెంటనే యాంటీబయాటిక్స్ వాడకుండా.. ఇంట్లో లభించే సహజ సిద్ధమైన పదార్థాలతో ఉపశమనం పొందవచ్చు. మీ ఇంట్లోనే సులభంగా తయారు చేసుకోగలిగే.. జలుబు నుంచి త్వరగా ఉపశమనం కలిగించే కొన్ని ప్రభావవంతమైన చిట్కాలు ఉన్నాయి. అవేంటో ఇప్పుడు తెలుసుకుందాం.

1. వేడి నీటి ఆవిరి:
ఎలా పనిచేస్తుంది: ఆవిరి పీల్చడం అనేది ముక్కు దిబ్బడను తగ్గించడానికి, శ్లేష్మం (కఫం) పల్చబడటానికి అత్యంత ప్రభావవంతమైన మార్గం.

చిట్కా: ఒక పెద్ద పాత్రలో వేడి నీరు పోసి, తలకు టవల్ కప్పుకుని ఆ నీటి ఆవిరిని లోతుగా పీల్చాలి. మరింత మంచి ఫలితం కోసం నీటిలో కొన్ని తులసి ఆకులు, పసుపు లేదా విక్స్వేసుకుంటే మరింత ఉపశమనం లభిస్తుంది. రోజుకు 3-4 సార్లు ఇలా చేయవచ్చు.

2. తేనె, అల్లం మిశ్రమం:
ఎలా పనిచేస్తుంది: తేనె సహజంగా దగ్గును తగ్గించే గుణం కలిగి ఉంది. అల్లంలో రోగ నిరోధక శక్తిని పెంచే, యాంటీ ఇన్‌ఫ్లమేటరీ గుణాలు ఉంటాయి.

చిట్కా: ఒక టీస్పూన్ తాజా అల్లం రసంలో ఒక టీస్పూన్ స్వచ్ఛమైన తేనె కలిపి రోజుకు 2-3 సార్లు తీసుకోవాలి. ఇది గొంతు నొప్పిని కూడా తగ్గిస్తుంది.

3. పసుపు పాలు:
ఎలా పనిచేస్తుంది: పసుపును ‘గోల్డెన్ మిల్క్’ అని కూడా అంటారు. పసుపులో ఉండే కర్కుమిన్ శక్తివంతమైన యాంటీ-వైరల్, యాంటీ-బయాటిక్, యాంటీ-ఇన్‌ఫ్లమేటరీ లక్షణాలను కలిగి ఉంది.

చిట్కా: ఒక గ్లాసు గోరువెచ్చని పాలలో చిటికెడు పసుపు, కొద్దిగా మిరియాల పొడి, కొద్దిగా బెల్లం లేదా తేనె కలిపి రాత్రి పడుకునే ముందు తాగాలి. ఇది వేడిగా ఉండి త్వరగా నిద్ర పట్టడానికి సహాయపడుతుంది.

4. ఉప్పు నీటితో పుక్కిలించడం:
ఎలా పనిచేస్తుంది: ఇది గొంతు నొప్పిని తగ్గించడానికి , గొంతులోని ఇన్‌ఫెక్షన్లను, శ్లేష్మాన్ని తొలగించడానికి సహాయ పడుతుంది.

చిట్కా: ఒక గ్లాసు గోరువెచ్చని నీటిలో అర టీస్పూన్ ఉప్పు కలిపి, ఆ నీటిని నోట్లో పోసుకుని గొంతు వరకు తీసుకెళ్లి పుక్కిలించాలి. రోజుకు కనీసం 3-4 సార్లు చేస్తే ఉపశమనం లభిస్తుంది.

Also Read: ఊపిరితిత్తుల ఇన్ఫెక్షన్.. కారణాలేంటో తెలిస్తే షాక్ అవుతారు !

5. హెర్బల్ టీ, డ్రింక్స్:
ఎలా పనిచేస్తుంది: జలుబు సమయంలో శరీరం డీహైడ్రేట్ కాకుండా ఉండటం చాలా ముఖ్యం. ద్రవ పదార్థాలు శ్లేష్మాన్ని పల్చబరుస్తాయి.

చిట్కా: తులసి ఆకులు, అల్లం, మిరియాలు, కొద్దిగా నిమ్మరసం కలిపిన వేడి హెర్బల్ టీ లేదా చికెన్/వెజిటబుల్ సూప్‌లు తీసుకోవడం చాలా మంచిది. గోరువెచ్చని నీటిని తరచుగా తాగాలి.

6. తగినంత విశ్రాంతి:
ఎలా పనిచేస్తుంది: శరీరం వైరస్‌తో పోరాడటానికి శక్తిని ఆదా చేసుకోవడానికి, త్వరగా కోలుకోవడానికి విశ్రాంతి కీలకం.

జలుబు లక్షణాలు 5-7 రోజుల్లో తగ్గకపోతే లేదా తీవ్రంగా మారితే.. ఆలస్యం చేయకుండా డాక్టర్‌ని సంప్రదించడం చాలా ముఖ్యం.