Health Tips: సాధారణంగా మన ఇంట్లో ఎవరైనా గర్భవతి అయితే.. అందరి దృష్టి తల్లి మీదే ఉంటుంది. అమ్మాయికి మంచి ఆహారం ఇవ్వండి, తను జాగ్రత్తగా ఉండాలి, అప్పుడే పుట్టబోయే బిడ్డ ఆరోగ్యంగా ఉంటుంది అని చెప్తుంటారు. ఇది నిజమే కానీ.. దీనిలో సగం నిజం మాత్రమే ఉంది. పుట్టబోయే బిడ్డ ఆరోగ్యం విషయంలో తండ్రి పాత్ర కూడా అంతే కీలకమని మీకు తెలుసా? అవును.. మీరు విన్నది నిజమే! నాన్న ఫిట్నెస్ని బట్టే బిడ్డ ఫ్యూచర్ డిసైడ్ అవుతుందని లేటెస్ట్ రీసెర్చ్లు చెబుతున్నాయి.
చాలామంది ఏమనుకుంటారంటే.. కేవలం తల్లి ఆరోగ్యం మాత్రమే బిడ్డ మీద ప్రభావం చూపుతుందని భావిస్తారు. కానీ సైన్స్ ఏం చెబుతోందంటే, తండ్రి లైఫ్స్టైల్ నేరుగా బిడ్డ DNA మీద ప్రభావం చూపుతుందట. దీన్నే ‘ఎపిజెనెటిక్స్’’ అంటారు. అంటే.. తండ్రి తినే తిండి, చేసే వ్యాయామం, అలవాట్లు అతని వీర్యకణాల ద్వారా బిడ్డకు అందుతాయి. ఒకవేళ తండ్రికి సరైన అలవాట్లు లేకపోతే.. పుట్టబోయే బిడ్డకు భవిష్యత్తులో ఊబకాయం లేదా షుగర్ వంటి సమస్యలు వచ్చే ఛాన్స్ ఎక్కువగా ఉంటుంది.
Also Read: త్వరగా బరువు తగ్గాలంటే ఏ టైంలో వర్కౌట్స్ చేయాలి? ఉదయమా లేక సాయంత్రమా?
జిమ్కి వెళ్లి కష్టపడటం వల్ల కేవలం మీకే సిక్స్ ప్యాక్ రాదు.. మీ బిడ్డకు మంచి జ్ఞాపకశక్తి కూడా వస్తుంది. తండ్రి రెగ్యులర్గా వ్యాయామం చేయడం వల్ల బాడీలో జరిగే మార్పులు బిడ్డ మేధోశక్తిని పెంచే జన్యువులను యాక్టివేట్ చేస్తాయట. నాన్న ఫిట్గా ఉంటే.. పిల్లలు కూడా చాలా చురుగ్గా, తెలివైన వాళ్లుగా పుట్టే అవకాశం ఉంటుంది. కాబట్టి.. ఫిట్గా ఉండటం అనేది కేవలం వ్యక్తిగత విషయం మాత్రమే కాదు, అది వంశాభివృద్ధికి సంబంధించిన విషయం అని కూడా గుర్తుంచుకోవాలి.
మీరు తండ్రి కావాలని ప్లాన్ చేసుకుంటుంటే.. కనీసం మూడు నుండి ఆరు నెలల ముందే మీ లైఫ్స్టైల్ను మార్చుకోవాలి. జంక్ఫుడ్ తగ్గించి పోషకాలు ఉన్న ఆహారం తీసుకోవడం చాలా ముఖ్యం. ధూమపానం, మద్యం వంటి అలవాట్లు DNA నిర్మాణాన్ని దెబ్బతీస్తాయి. ఇది బిడ్డలో పుట్టుకతో వచ్చే లోపాలకు కారణం కావచ్చు. అలాగే తండ్రి మరీ ఎక్కువ బరువు ఉండటం వల్ల కూడా బిడ్డ మెటబాలిజం దెబ్బతినే ప్రమాదం ఉంది.
బిడ్డ ఆరోగ్యానికి అమ్మ ఎంత ముఖ్యమో.. నాన్న కూడా అంతే ముఖ్యం. పిల్లలకు తల్లిదండ్రులు ఇచ్చే డబ్బు, ఆస్తి కంటే.. వారి నుంచి అందే హెల్దీ DNAనే ఆ బిడ్డకు అతిపెద్ద గిఫ్ట్. తండ్రి ఆరోగ్యకరమైన జీవనశైలిని పాటిస్తే, అది ఆ బిడ్డకు మంచి పునాది అవుతుంది. క్రమం తప్పకుండా వ్యాయామం చేయడం, సరైన ఆహారం తీసుకోవడం, మానసిక ప్రశాంతతను కలిగి ఉండటం ద్వారా ఆరోగ్యకరమైన తర్వాతి తరాన్ని నిర్మించవచ్చు. అందుకే తండ్రులు ఇప్పటి నుండే తమ ఫిట్నెస్పై దృష్టి సారించడం ఎంతో అవసరం.
Also Read: పీరియడ్స్ పిల్స్ వాడినప్పుడు ఈ లక్షణాలు కనిపిస్తే ఇక పైకే!
Share
AI Jobs: ఏఐ ముప్పు.. కంపెనీలపై 'పీపుల్ టాక్స్'.. హార్వర్డ్ సదస్సులో సీఎం కీలక వ్యాఖ్యలు!
Telangana: తల్లిదండ్రులను పట్టించుకోని ఉద్యోగి జీతంలో 15 శాతం కోత.. అసెంబ్లీలో కీలక బిల్లులు
