Best Time to Exercise: సంపూర్ణ ఆరోగ్యం పొందాలంటే వ్యాయామం చేయాలని మనందరికీ తెలుసు. అయితే, జిమ్కు వెళ్లాలన్నా లేదా వాకింగ్ చేయాలన్నా చాలామందికి వచ్చే అతిపెద్ద సందేహం ఏ సమయంలో చేయాలి? అని. కొందరు ఉదయాన్నే నిద్రలేవగానే వర్కవుట్ చేయడానికి ఇష్టపడితే.. మరికొందరు ఆఫీసు పనులు ముగిశాక సాయంత్రం వేళల్లో చెమట చిందిస్తుంటారు. నిజానికి ఏ సమయంలో వ్యాయామం చేసినా శరీరానికి మేలే జరుగుతుంది. కానీ, ఇటీవల 14వేల మందిపై జరిగిన ఒక ఆసక్తికర పరిశోధన ప్రకారం.. మనం వ్యాయామం చేసే సమయం మన గుండె ఆరోగ్యంపై, దీర్ఘకాలిక వ్యాధులపై గణనీయమైన ప్రభావం చూపుతుందని తేలింది.
ఈ పరిశోధనలో పాల్గొన్న వారి హృదయ స్పందన రేటును విశ్లేషించినప్పుడు ఒక ముఖ్యమైన విషయం బయటపడింది. ఎవరైతే ఉదయం పూట క్రమం తప్పకుండా వ్యాయామం చేస్తారో.. వారిలో గుండె సంబంధిత సమస్యలు వచ్చే అవకాశం చాలా తక్కువగా ఉంది. ముఖ్యంగా ఉదయం 7 నుండి 8 గంటల మధ్య శారీరక శ్రమ చేసేవారిలో రక్తపోటు, కొలెస్ట్రాల్, మధుమేహం వంటి సమస్యలు తక్కువగా ఉన్నట్లు పరిశోధకులు గుర్తించారు. సాయంత్రం వేళల్లో వ్యాయామం చేసేవారితో పోలిస్తే, ఉదయం పూట యాక్టివ్గా ఉండేవారిలో గుండె జబ్బుల ముప్పు దాదాపు 31 శాతం తగ్గినట్లు ఈ గణాంకాలు చెబుతున్నాయి.
Also Read: పీరియడ్స్ పిల్స్ వాడినప్పుడు ఈ లక్షణాలు కనిపిస్తే ఇక పైకే!
ఉదయాన్నే వ్యాయామం చేయడం వల్ల ఇన్ని లాభాలు ఎందుకు కలుగుతాయనే దానికి కొన్ని శాస్త్రీయ కారణాలు ఉన్నాయి. మన శరీరంలో ఒక జీవ గడియారం (సర్కాడియన్ రిథమ్) ఉంటుంది. తెల్లవారుజామున వ్యాయామం చేయడం వల్ల మన జీవక్రియ మెరుగుపడటమే కాకుండా, హార్మోన్ల నియంత్రణ, రక్తంలో చక్కెర స్థాయిలు అదుపులో ఉంటాయి. ఇది రోజంతా మనల్ని ఉత్సాహంగా ఉంచడమే కాకుండా, రాత్రిపూట మంచి నిద్ర పట్టడానికి కూడా సహాయపడుతుంది. అంతేకాదు.. ఉదయాన్నే వర్కవుట్ పూర్తి చేస్తే ఆ రోజంతా మనం తీసుకునే ఆహారం విషయంలో కూడా క్రమశిక్షణతో ఉండే అవకాశం ఉంటుంది.
కేవలం పరిశోధనలు చెప్పాయి కదా అని ఒకే రోజులో మీ దినచర్యను మార్చుకోవాల్సిన అవసరం లేదు. ప్రస్తుతం మీరు గనుక సాయంత్రం వేళల్లో వ్యాయామం చేస్తుంటే.. అది శరీరానికి మేలు చేస్తుంది. అయితే, మరిన్ని మెరుగైన ఫలితాల కోసం మెల్లమెల్లగా మీ వ్యాయామ సమయాన్ని ఉదయానికి మార్చుకోవడానికి ప్రయత్నించవచ్చు. మొదట్లో ఇబ్బందిగా అనిపించినా మెల్లమెల్లగా అలవాటు అవుతుంది. వ్యాయామం ఎంత సేపు చేశామన్నది కాదు.. క్రమం తప్పకుండా చేస్తున్నామ, లేదా అన్నదే ముఖ్యం.
నిజానికి ఆరోగ్యంగా ఉండటానికి ఫలానా సమయంలోనే వ్యాయామం చేయాలంటూ ఏమీ లేదు. కానీ ఉదయం పూట చేసే ప్రయత్నం మన శరీరానికి అదనపు బలాన్ని ఇస్తుంది. కాబట్టి.. మీ జీవనశైలికి ఏ సమయం వీలవుతుందో చూసుకుని, రోజూ కనీసం కొద్దిసేపైనా వ్యాయామం చేయడం అలవాటు చేసుకోండి. లేదంటే.. చిన్న చిన్న ఆరోగ్య సమస్యలకే ఇబ్బంది పడాల్సి ఉంటుంది.
Also Read: నోటిఫికేషన్స్ గోల లేదు, ఛార్జింగ్ కష్టాలు ఉండవ్.. మీ ఆరోగ్యం ఇక ఈ స్మార్ట్ రింగ్ చేతుల్లో!
Share
Jio Recharge Plan: జియో నయా ప్లాన్.. 25GB డేటా, ఫ్రీ ఓటీటీలు.. 3 నెలల పాటు నాన్ స్టాప్ వినోదం!
Nikhil Siddhartha: మార్కాపురం బస్ యాక్సిడెంట్పై నిఖిల్ ఆవేదన.. ప్రధానికి రిక్వెస్ట్!
