Tips For Hair Fall Control: బట్టతలపై కూడా జుట్టు రావాలంటే.. ఇలా చేయండి !

Tips For Hair Fall Control: ప్రస్తుతం చాలా మంది బట్టతలతో ఇబ్బంది పడుతున్నారు. చిన్నా పెద్దా తేడా లేకుండా బట్టతల సమస్యను ఎదుర్కుంటున్నారు. జుట్టు రాలడం వల్ల మన ఆత్మ విశ్వాసం కూడా తగ్గిపోతుంది. ఇదిలా ఉంటే జుట్టు రాలడానికి అనేక కారణాలు ఉన్నాయి. కారణాలేమైనప్పటికీ కొన్ని సార్లు మనం తీసుకునే జాగ్రత్తల జుట్టు రాలడాన్ని చాలా వరకు తగ్గిస్తాయి. హోం రెమెడీస్ ఇందుకు ప్రభావవంతంగా పనిచేస్తాయి. ఉసిరితో పాటు కలబంద జుట్టుకు వాడటం వల్ల మంచి ఫలితం ఉంటుంది.

ఉసిరి, కలబందను కలిపి ఉపయోగించడం వల్ల జుట్టుకు బలం వస్తుంది. ఇది అనేక రకాల జుట్టు సమస్యలను దూరం చేస్తుంది. మరి జుట్టుకు కలబంద, ఉసిరిని ఎలా ఉపయోగించాలనే విషయాలను గురించి ఇప్పుడు తెలుసుకుందాం.

ఆయుర్వేదంలో ఉసిరి, అలోవెరా జుట్టుకు చాలా ప్రయోజనకరంగా పరిగణించబడతాయి. జుట్టు సమస్యలను పరిష్కరించడానికి ఈ రెండు సహజ నివారణలు శతాబ్దాలుగా ఉపయోగించబడుతున్నాయి.

ఉసిరికాయలో విటమిన్ సి, యాంటీఆక్సిడెంట్లు, పాలీఫెనాల్స్ పుష్కలంగా ఉన్నాయి. ఇవి జుట్టును బలోపేతం చేస్తాయి. అంతే కాకుండా జుట్టు రాలడాన్ని నివారిస్తాయి. అదే సమయంలో, కలబంద జుట్టుకు తేమను అందిస్తుంది. చుండ్రు కూడా సమస్యను తొలగిస్తుంది. ఉసిరి, కలబంద జుట్టును ఆరోగ్యంగా, దృఢంగా మార్చడానికి ఎలా ఉపయోగపడుతుందో తెలుసుకుందాం.

ఉసిరి , అలోవెరా యొక్క ప్రయోజనాలు:

జుట్టు పెరుగుదలకు ఉపయోగపడుతుంది- ఉసిరి, అలోవెరా రెండూ జుట్టు మూలాలను బలోపేతం చేస్తాయి. రక్త ప్రసరణను పెంచుతాయి. దీని ఫలితంగా జుట్టు వేగంగా పెరుగుతుంది.
జుట్టును బలపరుస్తుంది- ఉసిరిలో ఉండే విటమిన్ సి కొల్లాజెన్ ఉత్పత్తిని పెంచుతుంది. ఇది జుట్టును బలపరుస్తుంది.
చుండ్రును తొలగిస్తుంది- కలబందలో యాంటీ ఫంగల్ లక్షణాలు ఉన్నాయి. ఇది చుండ్రును తొలగించడంలో సహాయపడుతుంది .
జుట్టుకు తేమను అందిస్తుంది- కలబంద జుట్టు యొక్క తేమను అందించడంలో సహాయపడుతుంది. అంతే కాకుండా జుట్టు పొడిబారకుండా చేస్తుంది.
జుట్టును మెరిసేలా చేస్తుంది- ఉసిరి, అలోవెరా రెండూ జుట్టును మెరిసేలా , మృదువుగా చేస్తాయి .

ఉసిరి, అలోవెరా ఎలా ఉపయోగించాలి ?

ఉసిరి, కలబందను అనేక రకాలుగా ఉపయోగించవచ్చు. మీరు ఈ రెండింటిని మిక్స్ చేసి హెయిర్ మాస్క్‌ని తయారు చేసుకోవచ్చు లేదా విడివిడిగా కూడా ఉపయోగించవచ్చు.
కావాల్సినవి:
2 టీస్పూన్లు ఉసిరి పొడి
3 స్పూన్లు అలోవెరా జెల్
1 టీస్పూన్ కొబ్బరి నూనె
1 గుడ్డు (ఇష్టమైతే)

తయారీ విధానం:
పైన చెప్పిన అన్ని పదార్థాలను బాగా కలపండి. తర్వాత మీ జుట్టుకు అప్లై చేయండి. 30 నిమిషాల తర్వాత తేలికపాటి షాంపూతో వాష్ చేయండి.

ఉసిరి నూనె- మీరు మీ జుట్టుకు ఉసిరి నూనెను అప్లై చేసి తేలికగా మసాజ్ చేయండి.

అలోవెరా జెల్- మీరు అలోవెరా జెల్‌ను నేరుగా మీ జుట్టుకు అప్లై చేయవచ్చు.

ఉసిరి రసం- మీరు మీ షాంపూలో ఉసిరికాయ రసాన్ని కలపడం ద్వారా ఉపయోగించవచ్చు.

రసం- మీరు ఉసిరి , అలోవెరా కలిపి జ్యూస్ తయారు చేసి త్రాగవచ్చు.

Also Read: ఇలా చేస్తే.. పొడవాటి, ఒత్తైన జుట్టు గ్యారంటీ !

ఈ విషయాలను గుర్తుంచుకోండి:

మీకు ఉసిరి లేదా కలబందకు అలెర్జీ ఉంటే, వీటిని ఉపయోగించకండి.
మీ జుట్టు చాలా పొడిగా ఉంటే, మీరు కొబ్బరి నూనె ఎక్కువగా వాడవచ్చు.
హెయిర్ మాస్క్‌ని జుట్టుపై ఎక్కువసేపు ఉంచకూడదు.

ఎన్ని సార్లు ఉపయోగించాలి ?
మీరు ఉసిరి , కలబందను వారానికి రెండు మూడు సార్లు ఉపయోగించవచ్చు.

Share

• 
• 
• 
• 
• 
•