Organic Hair Oil: 30 రోజులు ఈ ఆర్గానిక్ హెయిర్ ఆయిల్ వాడితే.. జుట్టు ఊడమన్నా ఊడదు!

Organic Hair Oil: ప్రస్తుతం చాలా మందిలో జుట్టు రాలడం , పొడిబారడం సాధారణ సమస్యగా మారింది. దుమ్ము కాలుష్యం, ఒత్తిడి , చెడు ఆహారపు అలవాట్ల కారణంగా మన జుట్టు బలహీనంగా మారి రాలడం ప్రారంభమవుతుంది. మనం ప్రతిరోజూ మన జుట్టుకు వివిధ రకాల హెయిర్ ఆయిల్స్ తో పాటు , కెమికల్స్ తో తయారు చేసిన షాంపూలను కూడా వాడతాము. ఇది కూడా జుట్టు రాలడానికి ఒక ప్రధాన కారణం. ఇలాంటివి జరగకుండా ఉండాలంటే మీరు ఇంట్లోనే ఆయుర్వేదిక్ హెయిర్ ఆయిల్ తయారు చేసుకోవచ్చు. దాని ప్రభావం 30 రోజుల్లోనే మీకు కనిపిస్తుంది.

ఈ ఆయుర్వేద హెయిర్ ఆయిల్ అప్లై చేయడం వల్ల మీ జుట్టు పొడిగా , బలహీనంగా మారడం తగ్గిపోతుంది. అంతే కాకుండా జుట్టు రాలే సమస్య కూడా పూర్తిగా తగ్గుతుంది. మరి ఇన్ని ప్రయోజనాలు ఉన్న ఆర్గానిక్ హెయిర్ ఆయిల్ ఎలా తయారు చేసుకుని వాడాలనే విషయాలను గురించి ఇప్పుడు తెలుసుకుందాం.

ఈ ఆయుర్వేదం ప్రకారం తయారుచేసిన హెయిర్ ఆయిల్ సురక్షితమైన , ప్రభావ వంతమైన ఎంపిక. ఇది జుట్టును బలోపేతం చేయడమే కాకుండా, మందంగా, ఆరోగ్యంగా ఉంచడంలో సహాయపడుతుంది. మీరు ఇంట్లోనే ఆయుర్వేద హెయిర్ ఆయిల్ తయారు చేసుకుని 30 రోజుల్లో రిజల్ట్ చూడొచ్చు.

ఆయుర్వేదిక్ హెయిర్ ఆయిల్:

కావాల్సినవి:

కొబ్బరి నూనె, నువ్వుల నూనె- 50 గ్రాములు
ఉసిరి పొడి- 2 టీస్పూన్లు
బ్రాహ్మి పొడి – 2 టీస్పూన్లు,
భ్రింగ్‌రాజ్ పొడి- 2 టీస్పూన్లు
మెంతులు- 1 టీస్పూన్
వేప ఆకులు – 10-12 ఆకులు
కుంకుడు కాయ పౌడర్- 1 టీస్పూన్
లవంగాలు- 4-5
దాల్చిన చెక్క- 1 చిన్న ముక్క

తయారీ విధానం:
ఈ ఆయిల్ తయారు చేయడానికి ముందుగా ఒక పాన్ తీసుకుని అందులో కొబ్బరి నూనె, నువ్వుల నూనె వేసి వేడి చేయాలి. నూనె వేడి అయ్యాక, దానికి పైన తెలిపిన మోతాదుల్లో మెంతులు, వేప ఆకులు, లవంగాలు , దాల్చిన చెక్క వేయండి. వేప ఆకులు లేత గోధుమ రంగులోకి మారే వరకు ఈ పదార్థాలను నూనెలో వేయించాలి. ఇప్పుడు ఆ ఆయిల్‌కు ఉసిరి పొడి, బ్రాహ్మి పొడి, భ్రింగ్‌ రాజ్ పొడి, కుంకుడు కాయ పొడి కలపండి. తర్వాత అన్ని పదార్థాలను బాగా కలిపి, తక్కువ మంట మీద 5-7 నిమిషాలు ఉడికించాలి. ఆ తర్వాత గ్యాస్ ఆఫ్ చేసి ఆయిల్ చల్లార నివ్వాలి. అనంతరం శుభ్రమైన క్లాత్ తో వడకట్టండి. ఇలా తయారు చేసుకున్న ఈ నూనెను సీసాలో నిల్వ చేయండి.

ఆయుర్వేదిక్ హెయిర్ ఆయిల్ యొక్క ప్రయోజనాలు:
ఈ ఆయుర్వేదిక్ హెయిర్ ఆయిల్ సహజ మూలికలు , నూనెలతో తయారు చేయబడింది. అందుకే ఇది జుట్టు మూలాలను పోషించి బలంగా చేస్తుంది. ఈ నూనె తలపై చర్మాన్ని ఆరోగ్యంగా ఉంచుతుంది. అంతే కాకుండా రక్త ప్రసరణను పెంచుతుంది. జుట్టు రాలడాన్ని కూడా పూర్తిగా నివారిస్తుంది. అంతేకాకుండా జుట్టును నల్లగా, మందంగా, సహజంగా మెరిసేలా చేయడంలో సహాయపడుతుంది. మీరు ఈ ఆయిల్ ను వాడటం వల్ల 30 రోజుల్లోనే మంచి రిజల్ట్ చూస్తారు. జుట్టు రాలే సమస్యతో ఇబ్బంది పడుతున్న వారు ఈ ఆయిల్ వాడితే మాత్రం సమస్య పూర్తిగా తగ్గిపోతుంది.

Also Read: ఆముదంలో ఈ ఒక్కటి కలిపి వాడితే.. జన్మలో బట్ట తల రాదు

ఆయుర్వేదిక్ హెయిర్ ఆయిల్ ఎలా ఉపయోగించాలి ?
ఈ ఆయుర్వేదిక్ హెయిర్ ఆయిల్‌ను వారానికి 2-3 సార్లు మీ జుట్టుకు అప్లై చేయండి. నూనెను అప్లై చేసే ముందు, దానిని కొద్దిగా వేడి చేసి, ఆపై తలకు , జుట్టు మూలాలకు బాగా మసాజ్ చేయండి. మసాజ్ చేసిన తర్వాత, జుట్టును 1-2 గంటలు అలాగే ఉంచి ఆపై షాంపూతో వాష్ చేయండి. ఈ నూనెను క్రమం తప్పకుండా ఉపయోగించడం ద్వారా 30 రోజుల్లో మీ జుట్టు మెరుగుదల కనిపించడం ప్రారంభమవుతుంది.