వేసవి కాలం వచ్చిందంటే ఐస్క్రీమ్కు డిమాండ్ పెరుగుతుంది. చాలా మంది ఒకేసారి ఎక్కువ ఐస్క్రీమ్ కొనుగోలు చేసి ఫ్రీజర్లో నిల్వ చేస్తారు. అవసరమైనప్పుడు తీసుకుని తింటారు. అయితే ఐస్క్రీమ్ను ఎంతకాలం ఫ్రీజర్లో ఉంచితే సురక్షితంగా ఉంటుందో చాలామందికి తెలియదు. సరైన ఉష్ణోగ్రతలో నిల్వ చేయకపోతే దాని రుచి, క్వాలిటీ ఆకృతి మారిపోతాయి. అందుకే ఐస్క్రీమ్ను ఎంతకాలం నిల్వ చేయాలో తెలుసుకోవడం అవసరం.
ఐస్క్రీమ్ ప్యాకెట్ తెరవకుండా ఉంటే సాధారణంగా ఒకటి నుంచి రెండు నెలల వరకు ఫ్రీజర్లో నిల్వ చేయవచ్చు. అయితే ప్యాకెట్పై ఉన్న గడువు తేదీని తప్పనిసరిగా పరిశీలించాలి. ఫ్రీజర్ వెనుక భాగంలో ఉంచితే చల్లదనం స్థిరంగా ఉండి ఐస్క్రీమ్ నాణ్యత ఎక్కువకాలం నిలుస్తుంది.
ఒకసారి ఐస్క్రీమ్ ప్యాకెట్ లేదా డబ్బా తెరిచిన తర్వాత దాన్ని ఏడు నుంచి పది రోజులలోపు తినేయడం బెస్ట్. ఈ సమయంలో దాని రుచి, తాజాదనం బాగానే ఉంటాయి. ఎక్కువ రోజులు నిల్వ చేస్తే క్వాలిటీ క్రమంగా తగ్గుతుంది.
ఐస్క్రీమ్.. ఎప్పుడూ మైనస్ 18 డిగ్రీల సెల్సియస్ లేదా అంతకంటే తక్కువ ఉష్ణోగ్రతలో ఉంచాలి. ఇలా చేస్తే త్వరగా పాడయ్యే అవకాశం తగ్గుతుంది. అలాగే ఐస్క్రీమ్కు ఉండే మృదువైన, క్రీమీ షేప్ కూడా అలాగే ఉంటుంది. టెంపరేచర్ తరచుగా మారితే ఐస్క్రీమ్ క్వాలిటీ దెబ్బతింటుంది.
ఐస్క్రీమ్ను చాలా రోజుల పాటు ఫ్రీజర్లో ఉంచితే దాని అసలు రుచి తగ్గిపోతుంది. పైభాగంలో మంచు స్ఫటికాలు ఏర్పడవచ్చు. దాని ఆకృతి గరుకుగా మారుతుంది. కొన్నిసార్లు ఫ్రీజర్ వాసన కూడా వస్తుంది. ఇవన్నీ ఐస్క్రీమ్ క్వాలిటీ తగ్గిందని సూచించే సంకేతాలు.
ఐస్క్రీమ్ తీసుకున్న తర్వాత డబ్బాను బాగా మూసి ఉంచాలి. దీనివల్ల గాలి లోపలికి వెళ్లదు. అవసరమైతే ఐస్క్రీమ్ పైభాగంలో బటర్ పేపర్ లేదా ప్లాస్టిక్ ర్యాప్ ఉంచవచ్చు. దీని వల్ల ఫ్రీజర్ వాసన ఐస్క్రీమ్లోకి రాదు. ప్లాస్టిక్ ర్యాప్ అడ్డుకుంటుంది. అలాగే ఐస్క్రీమ్ తరచుగా బయటకు తీసి మళ్లీ ఫ్రీజర్లో పెట్టకూడదు.
ఐస్క్రీమ్ రుచి విచిత్రంగా అనిపిస్తే దాన్ని తినకూడదు. ఎక్కువగా మంచు పేరుకుపోయినా జాగ్రత్తగా ఉండాలి. గరుకుగా లేదా ఇసుకలాగా అనిపించే టెక్సచర్ ఉంటే ఐస్క్రీమ్ పాతబడినట్లు సంకేతం. చెడు వాసన వస్తే వెంటనే పారేయడం మంచిది.
Also Read: మద్యం సేవించే వారికి క్యాన్సర్ ప్రమాదం.. తాగే సమయంలో ఈ జాగ్రత్తలు పాటించడం తప్పనిసరి
కరిగిపోయిన ఐస్క్రీమ్ను మళ్లీ గడ్డకట్టించడం మంచిది కాదు. అలాగే డబ్బాను తెరిచి ఫ్రీజర్లో ఉంచకూడదు. ఎక్కువకాలం నిల్వ చేయడం కూడా సరైన పద్ధతి కాదు. ఎప్పుడూ శుభ్రమైన స్పూన్తో మాత్రమే తీసుకోవాలి.
మీరు నెమ్మదిగా తినే అలవాటు ఉంటే చిన్న ప్యాకెట్లు కొనడం మంచిది. బలమైన వాసన ఉన్న ఆహార పదార్థాలకు దూరంగా నిల్వ చేయాలి. ఫ్రీజర్ ఉష్ణోగ్రతను తరచూ పరిశీలించడం కూడా అవసరం. ఈ చిన్న జాగ్రత్తలు పాటిస్తే ఐస్క్రీమ్ ఎక్కువకాలం తాజాగా ఉంటుంది. వేసవిలో మీ ఫేవరెట్ ఐస్క్రీమ్ సురక్షితంగా ఎంజాయ్ చేయవచ్చు.
Share
జీవంలేని ఇంటి గోడలకు నిమిషాల్లో స్టైలిష్గా రెడీ చేయండి.. ఈజీ డెకరేషన్ టిప్స్ మీ కోసం
ఇంత తక్కువ ధరకా? Samsung Galaxy S2 5G కొనడానికి ఇదే బెస్ట్ టైమ్, ఏకంగా రూ.27వేలు తగ్గింపు!
