తక్కువ ఖర్చుతో మంచి ప్రొటీన్ ఫుడ్స్.. కండరాల బలానికి డాక్టర్లు సూచించే పోషకాహారాలు

Protein Rich Cheap Foods: శరీరంలో బలం, కండరాల నిర్మాణం, శరీర మరమ్మత్తు కోసం ప్రోటీన్ శక్తి అవసరం. చాలా మంది భారతీయులు ఇప్పటికీ ప్రతిరోజు అవసరమైన ప్రోటీన్ కంటే తక్కువగా తీసుకుంటున్నారు. తక్కువ ప్రోటీన్ తీసుకోవడం వలన శరీరం బలహీనంగా, పేలవంగా మారుతుంది. రోగనిరోధక శక్తి తగ్గిపోతుంది. ప్రొటీన్ లోపం.. కండరాలు, చర్మం, జుట్టు ఆరోగ్యాన్ని కూడా ప్రభావితం చేస్తుంది. శాఖాహారులు తరుచూ ప్రొటీన్ ఏం తినాలో గందరగోళానికి గురవుతుంటారు. ఈ సమస్యకు పరిష్కారంగా ఇన్‌స్టాగ్రామ్‌లో జెనెరల్ ఫిజీషియన్ అండ్ డయాబెటీజ్ వైద్య నిపుణులు డాక్టర్ కోమల్ కులకర్ణి ఇండియన్ డైట్ లో తక్కువ ఖర్చుతో లభించే మంచి ప్రొటీన్ ఫుడ్స్ సూచించారు.

ఉదయాన్నే ప్రోటీన్ అధికంగా ఉండే అల్పాహారం తీసుకోవాలి

చాలా మంది భారతీయులు ఉదయాన్నే ఎక్కువ కార్బోహైడ్రేట్లు ఉండే ఆహారం తింటారు. దీంతో ఎనర్జీ లెవెల్స్ తక్కువగా ఉంటాయి. ఆకలి త్వరగా అవుతుంది. ఉదయపు ఆహారంలో ప్రోటీన్ తీసుకోవాలని వైద్యులు సూచిస్తున్నారు. మూంగ్ దాల్ చిల్లా, గుడ్లు, పనీర్ టోస్ట్, మొలకలు ఆహారాలు అధిక మొత్తంలో ప్రొటీన్ కలిగి ఉంటాయి. ప్రోటీన్ అధికంగా ఉండే అల్పాహారం రోజంతా శక్తినిస్తాయి.

పప్పులు, కూరగాయలను ప్రతి రోజూ తినాలి

ప్రొటీన్ తక్కువ ఖర్చుతో ఈజీగా లభించే ఆహారం పప్పులు. రాజ్మా, చనా, మూంగ్ దాల్ కూడా ముఖ్యమైన పోషకాలను కలిగి ఉంటాయి. ప్రతిరోజూ పప్పులు తినడం వలన ప్రోటీన్ తీసుకోవడం సహజంగా మెరుగుపడుతుంది. అవి మంచి జీర్ణక్రియకు ఫైబర్ ను కూడా అందిస్తాయి. వైద్యుల ప్రకారం.. ధాన్యాలను పప్పులతో కలపడం మంచిది. చపాతీతో దాల్ లేదా అన్నంతో పప్పు కలిపి తినడం చాలా మంచి ఆప్షన్.

పాల ఉత్పత్తులు, గింజలు, డ్రై ఫ్రూట్ నట్స్ చేర్చాలి

పాలు, పెరుగు, పనీర్‌లో హై క్వాలిటీ ప్రోటీన్ ఉంటుంది. ఈ ప్రొటీన్ ఫుడ్స్ భారతీయ ఆహారంతో పాటు తినడం సులభం.పెరుగు జీర్ణక్రియకు, ప్రేగుల ఆరోగ్యానికి తోడ్పడుతుంది. బాదం, వేరుశెనగ, అవిసె గింజలు ప్రోటీన్, ఆరోగ్యకరమైన కొవ్వులను అందిస్తాయి. వీటిని సలాడ్ లేదా అల్పాహార గిన్నెలలో చేర్చవచ్చు. కాల్చిన చనా కూడా ఆరోగ్యకరమైన ప్రోటీన్ స్నాక్ గా పనిచేస్తుంది.

Also Read: ఎంత సంపాదించినా డబ్బు మిగలడం లేదా? ఈ నాలుగు అలవాట్లే కారణం..

గుడ్లు, చేపలు, చికెన్ ఎందుకు ఎంచుకోవాలి?

మాంసాహార ఆహారాలలో పూర్తి ప్రోటీన్ మూలాలు ఉంటాయి. గుడ్లు సరసమైనవి, వండడానికి కూడా సులభంగా ఉంటాయి. చేపలు, చికెన్ కండరాల పెరుగుదల, పునరుద్ధరణకు తోడ్పడతాయి. అవి అవసరమైన పోషకాలు, ఒమేగా-3 కొవ్వులను కూడా అందిస్తాయి. వైద్యులు గ్రిల్ చేసిన లేదా తేలికగా వండిన ఆహారాలను సూచిస్తున్నారు.