పంటి నొప్పితో నరకం చూస్తున్నారా? నిమిషాల్లో తగ్గించే చిట్కాలు ఇవే!

Toothache: పంటి నొప్పి ఎప్పుడు వస్తుందో ఎవరికీ తెలియదు.ముఖ్యంగా అర్ధరాత్రి పూట పంటి నొప్పి స్టార్ట్ అయితే హాస్పిటల్‌కి వెళ్లడం కూడా కష్టంగా మారుతుంది. పన్ను పుచ్చిపోవడం, చిగుళ్ల వాపు లేదా ఇన్ఫెక్షన్ల వల్ల వచ్చే ఈ నొప్పిని తట్టుకోవడం ఎవరికైనా నరకప్రాయమే. అయితే.. డెంటిస్ట్ దగ్గరికి వెళ్లేలోపు మన వంటిట్లోనే దొరికే కొన్ని నేచురల్ వస్తువులతో ఆ నొప్పిని నిమిషాల్లో తగ్గించుకోవచ్చు. మన అమ్మమ్మల కాలం నుంచి సక్సెస్‌ఫుల్‌గా పనిచేస్తున్న ఆ సింపుల్ అండ్ మోస్ట్ పవర్‌ఫుల్ ఇంటి చిట్కాలు ఏంటో ఇప్పుడే చూసేద్దాం.

పంటి నొప్పిని చిటికెలో తగ్గించే 5 అద్భుతమైన చిట్కాలు:

మన ఇంట్లోనే ఉండే ఈ ఐదు వస్తువులను వాడి పంటి నొప్పికి ఎలా బై-బై చెప్పాలో ఇక్కడ డీటెయిల్డ్‌గా తెలుసుకుందాం.

1. పంటి నొప్పికి బ్రహ్మాస్త్రం.. ‘లవంగం’:
అమ్మమ్మ చెప్పే చిట్కాలలో మొదటి స్థానం లవంగానిదే. లవంగాలలో ‘యూజెనాల్’అనే నేచురల్ అనస్థీషియా మరియు యాంటీ-సెప్టిక్ గుణాలు ఉంటాయి. ఇవి నొప్పిని మొద్దుబారేలా చేస్తాయి.

ఎలా వాడాలి?: నొప్పి ఉన్న పంటి కింద ఒక లవంగం మొగ్గను పెట్టుకుని నమలాలి. దాని నుండి వచ్చే రసం పంటికి తగిలితే నొప్పి వెంటనే తగ్గుతుంది. లేదా కొద్దిగా లవంగం నూనెను కాటన్ బాల్‌పై వేసి నొప్పి ఉన్న చోట ఉంచితే ఇన్‌స్టంట్ రిలీఫ్ వస్తుంది.

2. ఉప్పు నీళ్ల పుక్కిలింత :
పంటి నొప్పి వచ్చినప్పుడు మనం చేసే అత్యంత సులువైన, పవర్‌ఫుల్ ట్రిక్ ఇది. ఉప్పు నీరు సహజ క్రిమినాశకారిగా పని చేస్తుంది.

ఎలా వాడాలి?: ఒక గ్లాసు గోరు వెచ్చని నీటిలో అర చెంచా ఉప్పు కలపండి. ఈ నీటిని నోట్లో పోసుకుని కనీసం 30 సెకన్ల పాటు బాగా పుక్కిలించి ఉమ్మేయండి. ఇది పంటి సందుల్లో ఉన్న మురికిని తొలగించి, చిగుళ్ల వాపును తగ్గిస్తుంది.

3. యాంటీ-బయాటిక్ ‘వెల్లుల్లి:
వెల్లుల్లి కేవలం వంటలకే కాదు.. మెడిసిన్‌లా కూడా పనిచేస్తుంది. ఇందులో ఉండే ‘అల్లిసిన్’ అనే కాంపౌండ్ పంటి నొప్పికి కారణమయ్యే బ్యాక్టీరియాను నాశనం చేస్తుంది.

ఎలా వాడాలి?: ఒక వెల్లుల్లి రెబ్బను తీసుకుని కొద్దిగా దంచి, దానికి చిటికెడు ఉప్పు కలపండి. ఈ పేస్ట్‌ను నొప్పి ఉన్న పంటిపై పెడితే కాసేపట్లోనే నొప్పి మాయమవుతుంది.

4. ‘జామ ఆకు’ :
జామ ఆకుల్లో ఉండే యాంటీ ఇన్‌ఫ్లమేటరీ గుణాలు పంటి నొప్పిని, చిగుళ్ల నుంచి వచ్చే రక్తాన్ని కంట్రోల్ చేయడానికి బాగా హెల్ప్ అవుతాయి.

ఎలా వాడాలి?: లేత జామ ఆకులను శుభ్రంగా కడిగి నోట్లో వేసుకుని నమలవచ్చు. లేదా జామ ఆకులను నీటిలో వేసి బాగా మరిగించి, ఆ నీరు గోరు వెచ్చగా అయ్యాక పుక్కిలిస్తే చిగుళ్ల వాపులు తగ్గుతాయి.

Also Read: ఉప్పు ఎక్కువ తింటున్నారా? అయితే త్వరగా ముసలివాళ్లు అయిపోవడం ఖాయం,

5. ఐస్ ప్యాక్ ట్రిక్ :
నొప్పి వల్ల బుగ్గ వాపు వచ్చినప్పుడు లేదా పన్ను విపరీతంగా గుంజుతున్నప్పుడు ఈ ట్రిక్ వాడాలి.

ఎలా వాడాలి?: కొన్ని ఐస్ ముక్కలను ఒక టవల్‌లో చుట్టి, నొప్పి ఉన్న వైపు బుగ్గపై బయట నుంచి 15 నిమిషాల పాటు కాపడం పెట్టాలి. చల్లదనం వల్ల అక్కడ రక్తప్రసరణ కాస్త నెమ్మదించి, నొప్పి త్వరగా కంట్రోల్‌లోకి వస్తుంది.

ఈ హోమ్ రెమెడీస్ అన్నీ పంటి నొప్పి నుంచి తాత్కాలిక ఉపశమనం ఇవ్వడానికి మాత్రమే ఉపయోగపడతాయి. మీ పంటి లోపల ఇన్ఫెక్షన్ లేదా క్యావిటీస్ (పిప్పి పన్ను) ఉంటే.. అవి హోమ్ రెమెడీస్‌తో పూర్తిగా నయం కావు. కాబట్టి నొప్పి తగ్గిన తర్వాత ఖచ్చితంగా ఒకసారి క్వాలిఫైడ్ డెంటిస్ట్‌ను కలిసి ట్రీట్‌మెంట్ తీసుకోవడం చాలా ముఖ్యం.

పంటి నొప్పి రాకుండా ఉండాలంటే.. రోజుకు రెండు సార్లు బ్రష్ చేయడం, తిన్న ప్రతి సారీ నోటిని శుభ్రంగా పుక్కిలించడం అలవాటు చేసుకోవాలి. స్వీట్స్, చాక్లెట్స్ ఎక్కువగా తింటే వెంటనే వాటర్ తో క్లీన్ చేసుకోవాలి. ఒకవేళ సడన్‌గా పెయిన్ వస్తే మాత్రం టెన్షన్ పడకుండా మనం చెప్పుకున్న అమ్మమ్మ చిట్కాలను ట్రై చేయండి. మీ పంటిని, నవ్వుని హెల్తీగా ఉంచుకోండి.