Broccoli For Weight Loss: కొంతమంది క్రమం తప్పకుండా వ్యాయామం చేస్తున్నా.. నిపుణులు చెబుతున్న డైట్ ఫాలో అవుతున్నా కూడా అధిక బరువును తగ్గించుకోలేక పోతుంటారు. దీనికి కారణం వాళ్లు అనుసరించే డైట్ ప్లానింగ్ మిస్టేక్స్. ముఖ్యంగా వెయిట్ లాస్ అవ్వాలనుకుంటున్న వారికి క్యాలరీలు లేని ఆహారం ఏది? ఎప్పుడు తినాలి? ఎంత మోతాదులో తీసుకోవాలి.. అనే విషయాలపై అవగాహన ఉండాలి. అందుకే.. శారీరక శ్రమ చేస్తున్నప్పటికీ బరువు తగ్గడంలో ఎలాంటి మార్పులు కనిపించవు. ఈ క్రమంలో బ్రోకలీని బ్రేక్ఫాస్ట్లో చేర్చితే.. శరీరంలో జరిగే మార్పులేంటో చూద్దాం.
బరువు తగ్గాలనుకునే వారు ఉదయం పూట ఫైబర్ అధికంగా ఉండే ఆహారం తీసుకుంటే.. ఆ రోజంతా ఆకలి నియంత్రణలో ఉంటుంది. దీంతో అనవసరంగా ఎక్కువ తినే అవకాశం తగ్గుతుందని నిపుణులు చెబుతున్నారు. ఈ క్రమంలో ఫైబర్ ఎక్కువగా ఉండేది బ్రోకలిలోనే. ఎందుకంటే.. దీనిలోని ఫైబర్ ఎక్కువసేపు పొట్టను నిండుగా ఉంచడంతో పాటు మీ జీర్ణవ్యవస్థను కూడా మెరుగుపరుస్తుంది.
Also Read: శీతాకాలంలో ఇమ్యూనిటీకి అంజీర్ వరం.. డైట్లో చేర్చుకుంటే శరీరంలో జరిగే మార్పులివే!
వెయిట్ లాస్ జర్నీలో ఉన్నవాళ్లు ఉదయం బ్రేక్ఫాస్ట్లో బ్రోకలితో తయారుచేసే ఓ సింపుల్ రెసిపీని ట్రై చేయవచ్చు. ఇందులో ప్రత్యేకత ఏమిటంటే.. ఈ రెసిపీని చాలా తక్కువ పదార్థాలతో, కేవలం పది నిమిషాల్లోనే తయారు చేసుకోవచ్చారు. ఈ బ్రోకలీ వంటకంతో మీ ఆరోగ్యం మెరుగుపడటమే కాకుండా.. మంచి శరీరాకృతిని కూడా పొందవచ్చు. దీని కోసం ఏమేం పదార్థాలు కావాలంటే..
బ్రోకలీ – పావు కిలో
వెల్లుల్లి – మూడు రెబ్బలు
మిరియాల పొడి – పావు టీ స్పూను
వేరుశనగలు – గుప్పెడు
చిల్లీ ఫ్లేక్స్ – ఒక టీ స్పూన్
ఉప్పు – రుచికి సరిపడేంత
ఆలివ్ ఆయిల్ – రెండు టీ స్పూన్లు
ముందుగా బ్రోకలీని చిన్న చిన్న ముక్కలుగా కట్ చేసుకోండి. దాంతో పాటు చిల్లీ ఫ్లేక్స్ను కూడా తీసుకోవాలి. తర్వాత వెల్లుల్లి రెబ్బలను సన్నగా తరుక్కుని, వేరుశనగలను ఒకసారి దోరగా వేయించి పక్కన పెట్టుకోండి. స్టవ్ మీద కడాయి పెట్టి.. సరిపడ ఆలివ్ ఆయిల వేసుకోవాలి. నూనె వేడెక్కాక వెల్లుల్లిని వేసి పచ్చివాసన పోయేదాకా తిప్పుతుండాలి. ఆ తర్వాత బ్రోకలీ, పల్లీలను కలిపి వేయించాలి. ఆ తర్వాత తరిగిన చిల్లీ ఫ్లేక్స్ను కలుపుకోవాలి. ఇక రుచికి సరిపడా ఉప్పు, మిరియాల పొడిని కలిపి.. ఐదు నిమిషాలపాటు వేయించుకుని చల్లారిన తర్వాత తింటే సరి.
ఆరోగ్యానికి మేలు చేసే పోషకాలతో కూడి ఉంటుందీ బ్రోకలీ. దీనిలో C, K విటమిన్స్, ఫోలేట్తో పాటు అధిక మొత్తంలో ఫైబర్ కూడా ఉంటుంది. అంతేకాదు ఇది చాలా తక్కువ క్యాలరీలతో ఉండటం ద్వారా వెయిట్ లాస్ అవ్వాలనుకుంటున్న వారికి బెస్ట్ ఆప్షన్గా చెప్పవచ్చు. ముఖ్యంగా బ్రోకలీలో ఉన్న ఫైబర్ జీర్ణక్రియను మెరుగుపరచడంలో సహాయపడుతుంది.
Also Read: అరెరే.. ఇన్ని ప్రయోజనాలున్న ముల్లంగి ఆకులను ఎందుకు పడేస్తున్నాం?
Share
Agriculture Mechanization Scheme: ఉమ్మడి ఖమ్మం జిల్లా సాగునీటి కల సాకారం.. వ్యవసాయ యాంత్రీకరణతో రైతులకు కొత్త ఊపిరి
Payal Rajputh: ఎరుపు రంగు చీరలో హీట్ పుట్టిస్తున్న పాయల్!
