మిక్స్డ్ ఫ్రైడ్ రైస్ రెసిపీ ఇంట్లో సులభంగా చేసుకోవచ్చు. ఇది తింటే ఎవరికైనా నచ్చేస్తుంది. మిగిలిపోయిన అన్నంతో కూడా దీన్ని తయారుచేసుకోవచ్చు. తాజా కూరగాయలతో పాటు సరైన మసాలాలు కలిపి చేసే ఈ రైస్ రెసిపీ అదిరిపతుంది. దీన్ని ఎలా చేయాలో ఇక్కడ ఇచ్చాము.
మిక్స్ డ్ ఫ్రైడ్ రెసిపీకి కావాల్సిన పదార్థాలు
వండిన బాస్మతి అన్నం – 2 కప్పులు
క్యారెట్ – ఒకటి
పచ్చి బఠాణీలు – అరకప్పు
ఉల్లిపాయ – ఒకటి
అల్లం పేస్ట్ – ఒక టీ స్పూన్
వెల్లుల్లి పచ్చిమిర్చి పేస్ట్ – ఒక స్పూన్
వంటనూనె – రెండు స్పూన్లు
కారం – అర స్పూన్
మిరియాల పొడి – అరస్పూన్
మాగీ మసాలా లేదా ఫ్రైడ్ రైస్ మసాలా – అరస్పూన్
ఉప్పు – తగినంత
Also Read: Bandar Halwa: ఇంట్లోనే బందరు హల్వా చేసేయచ్చు, రెసిపీ ఇదిగో
మిక్స్ డ్ ఫ్రైడ్ రైస్ రెసిపీ
1. అన్నాన్ని ముందే ఉడికించి పూర్తిగా చల్లార్చాలి. అన్నం ముద్దకాకుండా పొడిపొడిగా వచ్చేలా చేసుకోవాలి.
2. స్టవ్ మీద కళాయి పెట్టి నూనె వేసి వేడెక్కనివ్వాలి. నూనె వేడయ్యాక తరిగిన ఉల్లిపాయలను వేసి లేతగా మారేవరకు వేయించాలి.
3. తర్వాత అల్లం పేస్ట్, వెల్లుల్లి పచ్చిమిర్చి పేస్ట్ వేసి ఒక నిమిషం పాటు కలుపుతూ వేయించాలి.
4. ఇప్పుడు క్యారెట్ ముక్కలు, బఠాణీలు వేసి రెండు నుంచి మూడు నిమిషాలు వేయించాలి.
5. ఇప్పుడు మంటను కొంచెం ఎక్కువ చేసి, చల్లార్చిన అన్నాన్ని కళాయిలో వేయాలి. గరిటెతో మెల్లగా కలుపుతూ అన్నం విరిగిపోకుండా చూసుకోవాలి.
6. తర్వాత ఉప్పు, కారం, మిరియాల పొడి, మాగీ మసాలా వేసి మెల్లగా కలపాలి.
7. మసాలాలు అన్నంలో సమానంగా కలిసేలా కలపాలి. అవసరమైతే ఒక చెంచా నూనె పై నుంచి వేసుకోవచ్చు.
8. బాగా కలిపాక రెండు నుంచి మూడు నిమిషాలు వేయించాలి. ఈ సమయంలో మంట ఎక్కువగా ఉంచాలి. అలా చేస్తే ఫ్రైడ్ రైస్కు ప్రత్యేకమైన రుచి వస్తుంది.
9. అంతే టేస్టీ మిక్స్డ్ ఫ్రైడ్ రైస్ రెడీ అయినట్టే. దీన్ని వేడివేడిగా తింటే రుచిగా ఉంటుంది.
ఈ రైస్ తో పాటూ పక్కన వెజ్ మంచూరియా కాంబినేషన్ తో తింటే అదిరిపోతుంది. ఒక్కసారి ఈ రెసిపీని ప్రయత్నించి చూడండి మీకు కచ్చితంగా నచ్చుతుంది.
Also Read: Dum Aloo: ధాబా స్టైల్ దమ్ ఆలూ రెసిపీ, బగారా రైస్ తో తింటే అదిరిపోతుంది
Share
Honda Activa 7G: వచ్చేస్తోంది హోండా యాక్టివా 7G, లాంచింగ్ ఎప్పుడో తెలుసా?
Harish Rao: రెండు కార్డుల విధానం సరికాదు.. జర్నలిస్టుల మధ్య చిచ్చు పెట్టొద్దు: హరీష్ రావు
