Knee pain relief home remedies: ఒకప్పుడు మోకాళ్ల నొప్పులు అంటే కేవలం ముసలివారికి మాత్రమే వచ్చేవి. కానీ.. మారుతున్న లైఫ్ స్టైల్, ఆహారపు అలవాట్ల వల్ల ఇప్పుడు 30 ఏళ్ల యువత కూడా కీళ్ల నొప్పులతో కుర్చీకే పరిమితమవుతున్నారు. నడవాలన్నా, మెట్లు ఎక్కాలన్నా నరకం కనిపిస్తోందా? పెయిన్ కిల్లర్స్ వాడి విసిగిపోయారా? అయితే కంగారు పడకండి! మన లైఫ్ స్టైల్ లో చిన్న చిన్న మార్పులు చేసుకుంటూ, ఇంట్లో దొరికే వస్తువులతోనే ఈ సమస్యను ఎలా ఎదుర్కోవాలో ఇప్పుడు చూద్దాం.
మోకాళ్ల నొప్పులకు చెక్ పెట్టే అద్భుతమైన చిట్కాలు:
మోకాళ్ల నొప్పులు తగ్గడానికి భారీ ఖర్చుతో కూడిన ట్రీట్మెంట్లు అవసరం లేదు. మన అమ్మమ్మల కాలం నాటి చిట్కాలే ఈ సమస్యకు చక్కటి పరిష్కారం చూపుతాయి.
1. పసుపు పాలు నేచురల్ పెయిన్ కిల్లర్:
పసుపులో ‘కుర్కుమిన్’ అనే శక్తివంతమైన యాంటీ ఇన్ఫ్లమేటరీ గుణాలు ఉంటాయి. ఇది మోకాళ్ల వాపును, నొప్పిని తగ్గించడంలో అద్భుతంగా పని చేస్తుంది. ప్రతి రోజూ రాత్రి పడుకునే ముందు ఒక గ్లాసు గోరు వెచ్చని పాలలో చిటికెడు పసుపు కలిపి తాగడం వల్ల లోపల ఉన్న గాయాలు నయమై, కీళ్ల కదలిక సులభతరం అవుతుంది.
2. అల్లం టీ, నూనె:
అల్లంలో నొప్పులను తగ్గించే గుణాలు పుష్కలంగా ఉన్నాయి. అల్లం ముక్కను వేడి నీళ్లలో మరిగించి టీలా తీసుకోవడం లేదా అల్లం నూనెతో మోకాళ్లపై మృదువుగా మసాజ్ చేయడం వల్ల రక్త ప్రసరణ మెరుగుపడుతుంది. ఇది కండరాల బిగుతును తగ్గించి వెంటనే ఉపశమనం కలిగిస్తుంది.
3. మెంతుల మహిమ:
కీళ్ల నొప్పులకు మెంతులు ఒక దివ్యౌషధం. రాత్రి పూట ఒక స్పూన్ మెంతులను నీటిలో నానబెట్టి, ఉదయాన్నే ఆ నీటిని తాగి మెంతులను నమిలి తినాలి. మెంతులు శరీరంలోని వాతాన్ని తగ్గించి, కీళ్ల మధ్యలో ఉండే గుజ్జు తగ్గిపోకుండా కాపాడతాయి.
4. సరైన నూనెలతో మసాజ్:
ఆవనూనె లేదా నువ్వుల నూనెను గోరు వెచ్చగా చేసి అందులో రెండు వెల్లుల్లి రెబ్బలు వేసి మరిగించాలి. ఈ నూనెను మోకాళ్లపై రాసి నెమ్మదిగా మసాజ్ చేయడం వల్ల ఎముకలకు బలం చేకూరుతుంది. ముఖ్యంగా చలికాలంలో వచ్చే నొప్పులకు ఇది బెస్ట్ రెమెడీ.
5. ఆపిల్ సైడర్ వెనిగర్:
మోకాళ్లలో విషతుల్యాలను బయటకు పంపడానికి ఆపిల్ సైడర్ వెనిగర్ బాగా ఉపయోగపడుతుంది. ఒక గ్లాసు నీటిలో రెండు చెంచాల ఆపిల్ సైడర్ వెనిగర్ కలిపి తాగడం వల్ల కీళ్లలో ఉండే వాపు తగ్గుతుంది.
Also Read: సిక్ అయినప్పుడు ఇమ్యూనిటీ పెరగాలంటే.. ఈ హోమ్ రెమెడీస్ పాటించాల్సిందే!
ఆహారంలో మార్పులు – లైఫ్ స్టైల్ జాగ్రత్తలు:
కేవలం పైన చెప్పిన చిట్కాలు పాటించడమే కాకుండా.. మన శరీరానికి అవసరమైన పోషకాలను కూడా అందించాలి.
కాల్షియం, విటమిన్-డి: ఎముకల బలానికి పాలు, పెరుగు, ఆకుకూరలు , కోడిగుడ్లు తీసుకోవాలి. ఉదయాన్నే కొద్దిసేపు ఎండలో ఉండటం వల్ల సహజంగా విటమిన్-డి లభిస్తుంది.
బరువు నియంత్రణ: అధిక బరువు వల్ల మోకాళ్లపై ఒత్తిడి పెరుగుతుంది. అందుకే బరువు తగ్గడం ద్వారా 50% నొప్పులను తగ్గించుకోవచ్చు.
నీరు ఎక్కువగా తాగాలి: కీళ్ల మధ్య ఉండే ద్రవ పదార్థం సరైన స్థాయిలో ఉండాలంటే తగినంత నీరు తాగడం ముఖ్యం.
చిన్నపాటి వ్యాయామాలు:
రోజూ ఒకే చోట కూర్చోకుండా చిన్నపాటి వాకింగ్, యోగా లేదా స్ట్రెచింగ్ వ్యాయామాలు చేయాలి. ఇది కీళ్లను ఫ్లెక్సిబుల్ గా ఉంచుతుంది. అయితే తీవ్రమైన నొప్పి ఉన్నప్పుడు మాత్రం డాక్టర్ సలహా తీసుకోవడం మర్చిపోవద్దు.
మోకాళ్ల నొప్పులు అనేది వయస్సు వల్ల వచ్చే సమస్య మాత్రమే కాదు.. అది మన అలసత్వం వల్ల కూడా వస్తుంది. ఆరోగ్యకరమైన ఆహారం, క్రమం తప్పని వ్యాయామం,ఈ సహజ చిట్కాలు పాటిస్తే మోకాళ్ల నొప్పులకు టాటా చెప్పేయవచ్చు.
Share
బెల్జియం రేసులో సత్తా చాటిన అజిత్ కుమార్.. దేశానికే గర్వకారణం..
భారత్లో వివో అగ్రస్థానం.. డీలా పడ్డ శాంసంగ్, షావోమి, ఒప్పో.. యాపిల్, గూగుల్ సంగతేంటి?
