తల్లిదండ్రులు అందరూ తమ పిల్లలు సంతోషకరమైన వైవాహిక జీవితాన్ని గడపాలని కోరుకుంటారు. ముఖ్యంగా కుటుంబాన్ని ప్రేమించే, అందరినీ కలుపుకొని వెళ్లే జీవిత భాగస్వామి దొరకాలని ఆశిస్తారు. అలాగే కుటుంబ విలువలను గౌరవించే కోడలు రావాలని చాలా మంది కోరుకుంటారు.
న్యూమరాలజీ (సంఖ్య శాస్త్రం) ప్రకారం.. పుట్టిన తేదీలు వ్యక్తుల స్వభావం గురించి కొన్ని ఆసక్తికరమైన విషయాలను తెలియజేస్తాయని నమ్మకం. ముఖ్యంగా మూల అంకం 2, మూల అంకం 3 కలిగిన అమ్మాయిలు కుటుంబ బంధాలను బలంగా నిలబెట్టే లక్షణాలను కలిగి ఉంటారని చెబుతారు.
న్యూమరాలజీలో మూల అంకం 2కు చంద్రుడు అధిపతిగా పరిగణించబడతాడు. 2, 11, 20, 29 తేదీల్లో జన్మించినవారి రూట్ నంబర్ 2గా ఉంటుంది. ఈ సంఖ్యకు చెందిన అమ్మాయిలు సాధారణంగా దయగల మనసు కలిగి ఉంటారు. ఇతరుల భావాలను సులభంగా అర్థం చేసుకునే స్వభావం వీరికి ఉంటుంది. సంబంధాలకు వీరు ఎక్కువ ప్రాధాన్యం ఇస్తారు. కుటుంబ సభ్యుల మధ్య శాంతి, సామరస్యాన్ని కాపాడేందుకు ప్రయత్నిస్తారు. అందుకే వీరు కొత్త కుటుంబంలో కూడా త్వరగా కలిసిపోతారు.
మూల అంకం 2 కలిగిన వారు కుటుంబ సభ్యులందరినీ కలుపుకొని వెళ్లడానికి ఇష్టపడతారు. ముఖ్యమైన నిర్ణయాల సమయంలో అందరి అభిప్రాయాలను గౌరవిస్తారు. వారి సున్నితమైన స్వభావం కుటుంబంలో ఆప్యాయతను పెంచుతుంది. గొడవలకు దూరంగా ఉండి సమస్యలను ప్రశాంతంగా పరిష్కరించడానికి ప్రయత్నిస్తారు. ఈ లక్షణాల వల్ల కుటుంబ సభ్యుల మధ్య మంచి అనుబంధం ఏర్పడుతుంది.
3, 12, 21, 30 తేదీల్లో జన్మించినవారి మూల అంకంగా ఉంటుంది. ఈ సంఖ్యకు గురుగ్రహం అధిపతిగా పరిగణించబడుతుంది. మూల అంకం 3 కలిగిన అమ్మాయిలు ఆత్మవిశ్వాసంతో ముందుకు సాగుతారు. ఎలాంటి బాధ్యతనైనా ధైర్యంగా స్వీకరిస్తారు. వీరు కష్టపడటానికి వెనుకాడరు. వ్యక్తిగత జీవితాన్ని, ఉద్యోగ బాధ్యతలను సమతుల్యం చేయడంలో నైపుణ్యం చూపిస్తారు.
ఈ సంఖ్యకు చెందిన వారు ప్రతి పనిని అంకితభావంతో చేస్తారు. కుటుంబ అవసరాలను అర్థం చేసుకొని వాటికి అనుగుణంగా వ్యవహరిస్తారు. వారి క్రమశిక్షణ, బాధ్యతాయుతమైన వైఖరి కుటుంబంలో స్థిరత్వాన్ని తీసుకువస్తుంది. అందుకే వీరిని నమ్మదగిన వ్యక్తులుగా చాలామంది భావిస్తారు.
మూల అంకం 3 ఉన్న అమ్మాయిలు పెద్దలను గౌరవిస్తారని న్యూమరాలజీ చెబుతోంది. కుటుంబ సభ్యుల సంతోషాన్ని ముఖ్యంగా భావిస్తారు. వీరి సానుకూల దృక్పథం కుటుంబ సంబంధాలను మరింత బలపరుస్తుంది. సంప్రదాయాలను గౌరవిస్తూనే కాలానికి అనుగుణంగా మారగల సామర్థ్యం కూడా వీరికి ఉంటుంది.
Also Read: మాట్లాడే సమయంలో ఈ ట్రిక్స్ చేస్తే ఎదుటివారు మిమ్మల్నే చూస్తుండిపోతారు.. చూపుతిప్పుకోలేరు
ఈ రెండు సంఖ్యలకు చెందిన వ్యక్తులు సంబంధాలను బలోపేతం చేసే లక్షణాలను కలిగి ఉంటారని నమ్మకం. చిన్నవారితో, పెద్దవారితో సులభంగా కలిసిపోగలరు. వారి సహకార స్వభావం కుటుంబంలో ఆనందం, సామరస్యాన్ని పెంచడంలో సహాయపడుతుంది. అందుకే వీరిని మంచి జీవిత భాగస్వాములుగా, కోడళ్లుగా భావిస్తారు.
న్యూమరాలజీ వ్యక్తిత్వానికి సంబంధించిన కొన్ని సూచనలను మాత్రమే అందిస్తుంది. ఒక వ్యక్తి స్వభావాన్ని కేవలం పుట్టిన తేదీ ఆధారంగా నిర్ణయించలేం.
తల్లిదండ్రుల పెంపకం, కుటుంబ విలువలు, జీవిత అనుభవాలు, వ్యక్తిగత నిర్ణయాలు కూడా వ్యక్తిత్వాన్ని ప్రభావితం చేస్తాయి. జీవితాంతం ఒక సంబంధం విజయవంతం పరస్పర గౌరవం, నమ్మకం, అవగాహన అత్యంత ముఖ్యమైనవి.
Share
అరుణాచలం గిరిప్రదక్షిణ దారిలో ఘోరం..ఇద్దరు యువతులపై గ్యాంగ్రే*ప్
మెగాస్టార్ను మించిపోయిన రామ్ చరణ్.. అంతగా ‘పెద్ది’తో ఏం చేశాడంటే?
