చాలామంది తల్లిదండ్రులు టీనేజ్ పిల్లలు చదువు, భవిష్యత్తును పట్టించుకోకపోవడం చూసి ఆందోళన చెందుతుంటారు. మొబైల్, గేమ్స్, సోషల్ మీడియా వల్ల పిల్లలు బాధ్యతలను నిర్లక్ష్యం చేస్తుంటారు. ఈ సమయంలో తల్లిదండ్రులు ఓపికగా, సానుకూలంగా వారికి మార్గనిర్దేశం చేయాలి. ఎక్కువ ఒత్తిడి చేయకుండా, మంచి జీవిత పాఠాలు నేర్పితే పిల్లలు బాధ్యతాయుతంగా మారుతారు.
పిల్లలు తమ వద్ద ఎంతో సమయం ఉందని భావిస్తారు. కానీ సమయం వృథా చేస్తే భవిష్యత్తులో కష్టాలు వస్తాయని వారికి అర్థం చేయాలి. ప్రతి రోజు నిర్ణీత సమయంలో చదువు, పనులు పూర్తి చేయడం అలవాటు చేయాలి. ఇది క్రమశిక్షణ, ఏకాగ్రతను పెంచుతుంది.
పిల్లలు నిజ జీవితంలో ఎదురయ్యే కష్టాలు, ఆర్థిక బాధ్యతల గురించి తెలియకపోవచ్చు. తల్లిదండ్రులు సానుకూలంగా చర్చించి వారిని సిద్ధం చేయాలి. భయపెట్టకుండా వాస్తవాలు చెప్పడం ద్వారా పిల్లలు బాధ్యతావంతంగా మారుతారు.
పిల్లలు స్పష్టమైన లక్ష్యాలు ఉంటే మంచి దిశలో ప్రయాణిస్తారు. చిన్న చిన్న లక్ష్యాలు సాధించడం ద్వారా ఆత్మవిశ్వాసం పెరుగుతుంది. లక్ష్యాలను రాసి ఉంచడం అలవాటు చేయాలి.
పిల్లలకు పాకెట్ మనీ ఇచ్చి సేవింగ్, ఖర్చు ఎలా చేయాలో నేర్పాలి. డబ్బు విలువ తెలిస్తే వారు బాధ్యతాయుతంగా మారుతారు.
మొబైల్, టీవీ ఎక్కువగా వాడటం వల్ల చదువు, ఏకాగ్రత తగ్గుతాయి. బయట ఆటలు, హాబీలు, వ్యాయామం ప్రోత్సహించాలి. సమతుల్య రొటీన్ మానసిక ఆరోగ్యాన్ని మెరుగుపరుస్తుంది.
ఈ వయసులో పిల్లలు తమ చుట్టూ ఉన్న స్నేహితులు ఏం చేస్తున్నారో చూసి అదే చేయాలనుకుంటారు. అయితే అలా చేయడం పూర్తిగా సరికాదు. పిల్లాడికి ఏది మంచిదో స్వయంగా నిర్ణయించుకోవాలనే పాఠం నేర్పాలి. ఇతరులను అనుకరిస్తే వారికి స్వ నిర్ణయాలపై నమ్మకం లేదని అర్థం. అందుకే ఎటువంటి పరిస్థితులైనా జాగ్రత్తగా తమ నిర్ణయాలు స్వయంగా తీసుకోవాలని నేర్పించాలి.
నిరంతర విమర్శలు.. పిల్లల ఆత్మవిశ్వాసాన్ని తగ్గిస్తాయి. ప్రయత్నాన్ని అభినందించండి. సానుకూల మద్దతు ఇస్తే పిల్లలు కష్టాలను ధైర్యంగా ఎదుర్కొంటారు.
రోజువారీ చిన్న చిన్న పనులు అప్పగించి క్రమశిక్షణ నేర్పాలి. పిల్లలు ఇంట్లో తమ తల్లిదండ్రులను చూసి నేర్చుకుంటారు. అందుకే తల్లిదండ్రులు స్వయంగా ఉదాహరణగా ఉండాలి.
టీనేజ్ పిల్లలు భవిష్యత్తును నిర్లక్ష్యం చేస్తే ఓపికగా జీవిత పాఠాలు నేర్పండి. సమయం విలువ, లక్ష్యాలు, ఆర్థిక బాధ్యత, క్రమశిక్షణ, ఆత్మవిశ్వాసం వంటి అలవాట్లు వారిని బాధ్యతావంతులుగా మారుస్తాయి. తల్లిదండ్రుల మార్గదర్శకత్వం వారి భవిష్యత్తును మెరుగుపరుస్తుంది.
Share
స్మార్ట్ వాషింగ్ మెషీన్ కొంటున్నారా? 20 ఏళ్ల మోటార్ వారంటీతో పవర్ఫుల్ మోడల్స్
Niharika Konidela : తస్సాదియా.. రెడ్ డ్రెస్ లో నిహారిక కేక..
