Health Tips: కొన్నిసార్లు ఎంతో ముచ్చటపడి కొనుక్కున్న కొత్త చెప్పులు లేదా షూస్ వేసుకున్న కాసేపటికే కరుస్తుంటాయి. దీంతో కాళ్లపై బొబ్బలు ఏర్పడి, తెగ మంట పెడుతుంటాయి. ఇలా కొత్త చెప్పులు కాళ్లను కరుస్తుంటే నొప్పిగానే కాదు.. నడవడానికి కూడా అసౌకర్యంగానే ఉంటుంది. అందుకే కొత్త చెప్పులు కరవకుండా ఉండాలంటే ఈ సింపుల్ చిట్కాలను పాటించేయండి మరి.
* కొత్తగా కొనుక్కున్న చెప్పుల్ని వెంటనే వేసుకుంటే కొన్నిసార్లు కరుస్తాయి. దీంతో వేళ్లు, మడమల దగ్గర బొబ్బలు వస్తుంటాయి. ఇలా కాకుండా ఉండాలంటే.. అక్కడ డియోడరెంట్ స్టిక్తో రుద్దితే లూబ్రికెంట్లా పనిచేస్తుంది. దీని కోసం గ్లిజరిన్ కూడా వాడొచ్చు. ఇవి గాయాలు కాకుండా రక్షణ కల్పిస్తాయి.
* శాండిల్స్ లేదా షూలను కొత్తగా వేసుకునేటప్పుడు పాదాలకు డియోడరెంట్ లేదా హెయిర్ సీరమ్ పూయండి. ఇవి పాదాలు, పాదరక్షలకు మధ్య రాపిడిని తగ్గిస్తాయి. దాంతో బొబ్బలు, గాయాలు అవ్వకుండా ఉంటాయి. లేదంటే.. ఇంట్లో పెట్రోలియం జెల్లీ ఉంటే.. దానిని పాదాలపై మందంగా పట్టించినా ఫలితం ఉంటుంది.
* కొత్త షూలను ధరించేటప్పుడు మెత్తటి సాక్సులను వేసుకుంటే ఎలాంటి సమస్య ఉండదు. పైకి కనిపిస్తాయన్న బెంగ ఉంటే.. వాటిల్లోనూ ఇప్పుడు మడమల వరకే కప్పుతూ బోలెడు రకాలు అందుబాటులో ఉన్నాయి. అలాంటి సాక్సులను ప్రయత్నిస్తే సరిపోతుంది.
* మీరు ధరిస్తున్న శాండిల్స్కు పాదాల యొక్క చర్మం ఒరుసుకుంటుంటే.. ఆ ప్రదేశంలో బ్యాండెయిడ్ లేదా సర్జికల్ టేప్ వేయండి. వీటిలోనూ ట్రాన్స్పరెంట్ రకాలు అందుబాటులో ఉన్నాయి. వాటిని వేసుకుంటే.. గాయాలు, బొబ్బలు కనిపించవు.
* అలాగే కొత్త షూస్లో బేబీ పౌడర్ని బాగా చల్లి ఆపై వేసుకున్నా బొబ్బల భయం ఉండదు. లేదంటే.. ఇంట్లో ఉన్న హెయిర్ డ్రైయర్ని మొదట హీట్ మోడ్లో పెట్టండి. ఈ తర్వాత చెప్పులను వేసుకొని, హెయిర్ డ్రైయర్తో షూ వెనక, ముందు కొంతసేపు వేడిగాలి తగిలేలా చేసినా కొంచెం వదులవుతాయి. దీంతో చెప్పులు కరిచే సమస్య ఉండదు.
Share
MS Dhoni-Kohli: కోహ్లీకి ధోని ఆశీర్వాదం...నిద్రపోయిన సెక్యూరిటీ, గ్రౌండ్ లోకి ఆగంతకుడు
Rohit Sharma: కోహ్లీ సెంచరీ..గంభీర్ ను బండ బూతులు తిట్టిన రోహిత్..."తెరీ మా***" అంటూ
