Roasted Chana vs Sprouted Chana: శనగలు శాఖాహారులకు ప్రోటీన్ అందించే అద్భుతమైన వనరు. బాడీ బిల్డింగ్ చేసేవారైనా, బరువు తగ్గాలనుకునేవారైనా వీటిని తమ డైట్లో తప్పనిసరిగా చేర్చుకుంటారు. అయితే.. చాలామందికి వచ్చే సందేహం ఏమిటంటే.. వేయించిన శనగలు మంచిదా? లేక మొలకెత్తిన శనగలు తింటే ఎక్కువ లాభమా? వేయించిన శనగలు రుచికరమైన స్నాక్ ఆప్షన్గా నిలిస్తే, మొలకెత్తిన శనగలు పోషకాల గనిగా పేరుగాంచాయి. ఈ రెండింటిలో ఏది మీ శరీరానికి పూర్తిస్థాయి మేలు చేస్తుందో ? వాటి పోషక విలువలు, ఆరోగ్య ప్రయోజనాల మధ్య ఉన్న ప్రధాన తేడాలను ఇప్పుడు వివరంగా తెలుసుకుందాం.
1. మొలకెత్తిన శనగలు (Sprouted Chana):
శనగలను నీటిలో నానబెట్టి మొలకలు కట్టినప్పుడు, వాటిలోని పోషక విలువలు రెట్టింపు అవుతాయి.
ఎక్కువ విటమిన్లు: మొలకెత్తే ప్రక్రియలో విటమిన్ C, విటమిన్ A, క్యాల్షియం వంటి పోషకాలు పెరుగుతాయి.
సులభంగా జీర్ణం అవుతాయి: మొలకలు కట్టడం వల్ల శనగల్లో ఉండే ‘యాంటీ న్యూట్రియెంట్స్’ (ఫైటిక్ యాసిడ్) తగ్గుతాయి. దీని వల్ల మన శరీరం ఖనిజాలను సులభంగా గ్రహిస్తుంది.
ఎంజైమ్స్: మొలకల్లో ఉండే సజీవ ఎంజైమ్లు జీర్ణక్రియను మెరుగుపరుస్తాయి.
ఎవరికి మంచిది?: రోగనిరోధక శక్తిని పెంచుకోవాలనుకునే వారికి.. గర్భిణీ స్త్రీలకు, కండరాల పుష్టి కావాలనుకునే వారికి ఇవి శ్రేష్ఠం.
2. వేయించిన శనగలు (Roasted Chana):
వేయించిన శనగలు (పుట్నాలు) చాలా రుచిగా ఉండటమే కాకుండా అద్భుతమైన స్నాక్ ఆప్షన్.
ఫైబర్ సమృద్ధి: వేయించిన శనగల్లో ఫైబర్ చాలా ఎక్కువగా ఉంటుంది. ఇది తిన్న తర్వాత కడుపు నిండుగా ఉన్న అనుభూతిని కలిగిస్తుంది. దీని వల్ల అతిగా తినడం తగ్గుతుంది.
తక్కువ గ్లైసెమిక్ ఇండెక్స్: డయాబెటిస్ ఉన్నవారికి ఇది వరం. ఇది రక్తంలోని చక్కెర స్థాయిలను అదుపులో ఉంచుతుంది.
ప్రయాణాలకు అనుకూలం: మొలకలు త్వరగా పాడైపోతాయి.. కానీ వేయించిన శనగలను ఎక్కడికైనా తీసుకెళ్లవచ్చు. ఇవి త్వరగా పాడవవు.
ఎవరికి మంచిది?: బరువు తగ్గాలనుకునే వారికి.. ఆఫీసులో పని మధ్యలో ఆకలి వేసే వారికి ఇది బెస్ట్ స్నాక్.
ముఖ్యమైన తేడాలు: ఏది ఎప్పుడు తినాలి?
మీరు ఏది ఎంచుకోవాలి అనేది మీపై ఆధారపడి ఉంటుంది.
జీర్ణ సమస్యలు ఉంటే: కొందరికి పచ్చి మొలకలు తింటే గ్యాస్ లేదా కడుపు ఉబ్బరం రావచ్చు. అలాంటి వారు వేయించిన శనగలు లేదా ఉడకబెట్టిన మొలకలు తినడం మంచిది.
వర్కౌట్ తర్వాత: వ్యాయామం చేసిన తర్వాత కండరాల రికవరీ కోసం మొలకెత్తిన శనగలుతింటే ప్రోటీన్, విటమిన్లు వేగంగా అందుతాయి.
సాయంత్రం స్నాక్: ఆయిలీ ఫుడ్ లేదా జంక్ ఫుడ్ తినే బదులు, గుప్పెడు వేయించిన శనగలు తినడం వల్ల గుండె ఆరోగ్యానికి మంచిది.
జాగ్రత్తలు:
శుభ్రత: మొలకలు కట్టేటప్పుడు బ్యాక్టీరియా చేరే అవకాశం ఉంటుంది. కాబట్టి నీటిని ఎప్పటికప్పుడు మారుస్తూ ఉండాలి. సాధ్యమైతే మొలకలను కొద్దిగా ఆవిరి మీద ఉడికించి తింటే ఇంకా సురక్షితం.
ఉప్పు: వేయించిన శనగలు మార్కెట్లో ఉప్పుతో దొరుకుతాయి. రక్తపోటు ఉన్నవారు ఉప్పు లేని శనగలను ఎంచుకోవడం మేలు.
Share
కవిత నోట పాత సర్కార్ వైఫల్యం.. సొంత పార్టీకే సెల్స్ గోల్ యుద్ధం!
స్కూల్ ముందు ఆ షాపులు పెట్టారా ఖబడ్ధార్.. సజ్జనార్ మాస్ వార్నింగ్!
