State Bank Of India Jobs| స్టేట్ బ్యాంక్ ఆఫ్ ఇండియా (SBI)లో ఉద్యోగం పొందాలనుకునే సాంకేతిక నిపుణులకు ఇది మంచి అవకాశం. ఆర్టిఫిషియల్ ఇంటెలిజెన్స్ (AI), డేటా అనలిటిక్స్, డేటా ఇంజినీరింగ్, టెక్నాలజీ ఆర్కిటెక్చర్ విభాగాల్లో అనుభవం ఉన్న అభ్యర్థుల కోసం బ్యాంకు ప్రత్యేక నియామక ప్రక్రియను ప్రకటించింది. ఈ నియామకాల ద్వారా సీనియర్ లెవెల్ పోస్టులను భర్తీ చేయనుంది. అర్హత ఉన్న అభ్యర్థులు అధికారిక వెబ్‌సైట్ ద్వారా ఆన్‌లైన్‌లో దరఖాస్తు చేసుకోవచ్చు.
స్టేట్ బ్యాంక్ ఆఫ్ ఇండియా.. స్పెషలిస్ట్ క్యాడర్ ఆఫీసర్ (SCO) విభాగంలో పలు పోస్టులను భర్తీ చేయనుంది. వీటిలో జనరల్ మేనేజర్ అండ్ చీఫ్ ఏఐ ఆఫీసర్, డిప్యూటీ జనరల్ మేనేజర్, ఏఐ సొల్యూషన్ ఆర్కిటెక్ట్, ఎంటర్‌ప్రైజ్ ఏఐ ఆర్కిటెక్ట్ పోస్టులు ఉన్నాయి. ఎంపికైన అభ్యర్థులను నిర్ణీత కాలానికి నియమించనున్నారు.
జనరల్ మేనేజర్ అండ్ చీఫ్ ఏఐ ఆఫీసర్ పోస్టుకు దరఖాస్తు చేసుకునే అభ్యర్థుల వయస్సు 40 నుంచి 55 సంవత్సరాల మధ్య ఉండాలి. సంబంధిత విభాగంలో బీఈ, బీటెక్ లేదా ఎంటెక్ పూర్తి చేసి ఉండాలి. కంప్యూటర్ సైన్స్, ఇన్ఫర్మేషన్ టెక్నాలజీ, ఎలక్ట్రానిక్స్, ఎలక్ట్రికల్ అండ్ ఎలక్ట్రానిక్స్, ఎలక్ట్రానిక్స్ అండ్ కమ్యూనికేషన్ విభాగాల్లో విద్యార్హతలు ఉన్నవారు అప్లై చేయవచ్చు. నోటిఫికేషన్‌లో పేర్కొన్న షరతుల ప్రకారం కొన్ని పీజీ అర్హతలు, ఎంఎస్‌సీ, ఎంఏ స్టాటిస్టిక్స్, ఎం.స్టాట్ లేదా ఎంసీఏ చేసినవారు కూడా దరఖాస్తు చేసుకోవచ్చు.
డిప్యూటీ జనరల్ మేనేజర్ పోస్టులను మూడు ప్రత్యేక విభాగాల్లో భర్తీ చేయనున్నారు.
ఈ పోస్టులకు దరఖాస్తు చేసుకునే అభ్యర్థుల వయస్సు 35 నుంచి 50 సంవత్సరాల మధ్య ఉండాలి. సంబంధిత ఇంజినీరింగ్ లేదా టెక్నాలజీ విభాగాల్లో అర్హతలు కలిగి ఉండాలి. ఇతర విద్యార్హతల వివరాలను అధికారిక నోటిఫికేషన్‌లో పరిశీలించాలి.
ఏఐ సొల్యూషన్ ఆర్కిటెక్ట్, ఎంటర్‌ప్రైజ్ ఏఐ ఆర్కిటెక్ట్ పోస్టులకు 30 నుంచి 45 సంవత్సరాల వయస్సు ఉన్నవారు అర్హులు కావచ్చు. కంప్యూటర్ సైన్స్, ఇన్ఫర్మేషన్ టెక్నాలజీ, డేటా సైన్స్, ఆర్టిఫిషియల్ ఇంటెలిజెన్స్, ఇంజినీరింగ్ లేదా సంబంధిత విభాగాల్లో బ్యాచిలర్ లేదా మాస్టర్స్ డిగ్రీ ఉండాలి. కొన్ని పోస్టులకు మేనేజ్‌మెంట్ సంబంధిత అర్హతలను కూడా పరిగణించవచ్చు.
అభ్యర్థుల ఎంపికలో షార్ట్‌లిస్టింగ్, ఇంటర్వ్యూ, సీటీసీ చర్చలు ఉంటాయి. ఇంటర్వ్యూకు 100 మార్కులు కేటాయించారు. ఇంటర్వ్యూలో సాధించిన మార్కుల ఆధారంగా తుది మెరిట్ జాబితాను రూపొందిస్తారు. నోటిఫికేషన్‌లో పేర్కొన్న మొదటి నాలుగు పోస్టులకు షార్ట్‌లిస్ట్ అయిన అభ్యర్థులు తమ అనుభవం, ప్రాజెక్టులు లేదా వృత్తిపరమైన విజయాలపై 10 నిమిషాల ప్రజెంటేషన్ ఇవ్వాలి.
Also Read: సెక్యూరిటీ గార్డ్ జాబ్ వదిలేసి చిన్న వ్యాపారం.. కట్ చేస్తే నెలకు రూ.50 లక్షల ఆదాయం
అభ్యర్థులు SBI అధికారిక వెబ్‌సైట్ sbi.bank.in సందర్శించాలి. కెరీర్స్ విభాగంలో SCO నియామక నోటిఫికేషన్‌ను తెరవాలి. అర్హతలు, దరఖాస్తు గడువు, అవసరమైన పత్రాల వివరాలను పరిశీలించాలి. అనంతరం ఆన్‌లైన్ రిజిస్ట్రేషన్ పూర్తి చేసి, వివరాలు నమోదు చేయాలి. అవసరమైన పత్రాలను అప్‌లోడ్ చేసి, దరఖాస్తును సమర్పించాలి.
ముఖ్య గమనిక: దరఖాస్తు గడువు, పూర్తి అర్హతలు, ఇతర నియమాల కోసం SBI అధికారిక నోటిఫికేషన్‌ తప్పనిసరిగా పరిశీలించండి.
Also Read: మీరు నమ్మిన వ్యక్తి మోసం చేస్తే నిశ్శబ్దంగా సహించాల్సిన అవసరం లేదు.. చాణక్యుడు ఏం చెప్పాడంటే
Share
రూ.2,099కే ల్యాప్టాప్ ఛార్జ్ చేసే..పవర్ఫుల్ పవర్ బ్యాంక్!
జైలర్ 2 విలన్ భార్య ఎవరో తెలిస్తే షాక్!
