Silica Gel Uses: మనలో చాలామందికి సిలికా జెల్ అంటే తెలిసే ఉంటుంది. కొత్త షూస్ కొన్నా లేదంటే ఏదైనా ఎలక్ట్రానిక్ వస్తువు, వాటర్ బాటిల్స్ కొన్నా.. వాటిల్లో తెల్లటి చిన్న ప్యాకెట్లు కనిపిస్తాయి కదా. వాటి మీద సిలికా జెల్ అని రాసి ఉంటుంది. చాలామంది అవి ఎందుకులే అని చెత్తబుట్టలో పారేస్తుంటారు. నిజానికి ఆ చిన్న సిలికా జెల్ ప్యాకెట్ చేసే సాయం అంతా ఇంతా కాదు. గాలిలో ఉండే తేమను పీల్చుకోవడంలో వీటికి మించింది లేదు. ఈ నేపథ్యంలో సిలికా జెల్ను ఎలా వాడుకోవచ్చో చూద్దామా!
ఎప్పుడైనా స్మార్ట్ఫోన్ అనుకోకుండా నీళ్లలో పడితే.. వెంటనే బియ్యం డబ్బాలో పెట్టడం మనందరికీ తెలిసిన చిట్కానే. అయితే బియ్యం కంటే ఈ సిలికా జెల్ ప్యాకెట్లు ఇంకా వేగంగా పని చేస్తాయి. ఒక చిన్న డబ్బా తీసుకుని అందులో ఫోన్ పెట్టి, చుట్టూ నాలుగైదు సిలికా జెల్ ప్యాకెట్లు వేసి మూత పెట్టేయండి. ఫోన్ లోపల ఎక్కడైనా తడి ఉన్నా సరే, ఈ ప్యాకెట్లు ఆ తేమను లాగేసి మీ ఫోన్ మళ్లీ కండిషన్లో ఉండేలా చూస్తాయి.
Also Read: మీ పార్ట్నర్తో ముద్దుల్లో మునిగి తేలుతున్నారా? జాగ్రత్త.. ఆ జబ్బు ప్రాణాంతకంగా మారవచ్చు!
బంగారం, వెండి నగలను మనం చాలా జాగ్రత్తగా దాచుకుంటాం. కానీ కొన్నాళ్ల తర్వాత వెండి వస్తువులు నల్లగా మారిపోతుంటాయి. గాలిలో ఉండే తేమ వల్లే ఇలా జరుగుతుంది. అందుకే జ్యువెలరీ బాక్స్లో ఒక సిలికా ప్యాకెట్ వేసి ఉంచండి. అది తేమను రానీయదు. దీనివల్ల నగలు ఎప్పుడూ కొత్త వాటిలా మెరుస్తూనే ఉంటాయి. పదే పదే పాలిష్ చేయించాల్సిన అవసరం కూడా ఉండదు.
వర్షాకాలంలో షూస్ తడిచినా లేదా ఎక్కువ సేపు వేసుకోవడం వల్ల వచ్చే చెమట వల్లనైనా బ్యాడ్ స్మెల్ రావడం కామన్. అలాంటప్పుడు రాత్రి పూట షూస్లో ఈ ప్యాకెట్లను ఉంచండి. అవి తేమను, దుర్వాసనను పీల్చుకుని, మరుసటి రోజుకి మీ షూస్ని తాజాగా ఉంచుతాయి. బ్యాక్టీరియా చేరకుండా ఉండటానికి ఇదొక మంచి మార్గం.
మన దగ్గర ఉండే రేషన్ కార్డులు, పట్టా దస్తావేజులు లేదా పాత కాలపు ఫొటోలు తేమ తగిలితే ఒకదానికొకటి అంటుకుపోతాయి. అలా జరగకుండా ఉండాలంటే.. ఫైల్స్ మధ్యలో లేదంటే బీరువా అరల్లో ఈ చిన్న ప్యాకెట్లను పడేయండి. కాగితాలు పాడవకుండా, ఫంగస్ పట్టకుండా ఏళ్ల తరబడి పదిలంగా ఉంటాయి. చూశారుగా.. వేస్ట్ అనుకునే ఆ చిన్న ప్యాకెట్లు ఎన్ని రకాలుగా ఉపయోగపడతాయో. ఇన్ని బెనిఫిట్స్ ఉన్నాయని తెలిశాక కూడా వాటిని అస్సలు పారేయొద్దు.
Also Read: ఇంట్లో చీపురును ఆ దిశలో పెడితే.. అప్పుల బాధ తప్పదట, వాస్తుశాస్త్రం ఏం చెబుతోందంటే?
Share
పొలిటికల్ ఎంట్రీ తర్వాత పవన్ కళ్యాణ్ కి సినిమాలు కలిసి రావడం లేదా ?
ఏపీ ప్రైవేట్ ట్రావెల్స్ కు బిగ్ రిలీఫ్.. సీటు ట్యాక్స్ భారీగా తగ్గింపు!
