Sinusitis: సైనసైటిస్ అనేది ముక్కు చుట్టూ ఉండే గాలి గదులు వాపుకు గురయ్యే ఆరోగ్య సమస్య. సాధారణంగా జలుబు, అలర్జీలు లేదా ఇన్ఫెక్షన్ల వల్ల ఈ గదుల్లో శ్లేష్మం నిలిచిపోయి బ్యాక్టీరియా పెరుగుతుంది. దీని వల్ల ముక్కు దిబ్బడ, తలనొప్పి, ముఖంపై ఒత్తిడి వంటి ఇబ్బందులు కలుగుతాయి. ఇది స్వల్పకాలికంగా లేదా దీర్ఘకాలికంగా ఉండవచ్చు. సరైన సమయంలో చికిత్స తీసుకుంటే దీనిని సులభంగా నయం చేయవచ్చు.
సైనసైటిస్ లక్షణాలు, కారణాలు:
సైనసైటిస్ అనేది నేడు చాలా మందిని వేధిస్తున్న సమస్య. మన పుర్రె ఎముకలలో ఉండే ఖాళీ గదులనే ‘సైనస్‌లు’ అంటారు. వీటి పని గాలిని వడపోసి, తేమను అందించడం. ఈ గదుల లోపలి పొర వాపుకు గురైనప్పుడు దానిని సైనసైటిస్ అని పిలుస్తారు.
సైనసైటిస్ లక్షణాలు:
సైనసైటిస్ ఉన్నప్పుడు కనిపించే ప్రధాన లక్షణాలు ఇవే:
ముక్కు దిబ్బడ: శ్వాస తీసుకోవడంలో ఇబ్బంది కలగడం, ముక్కు పూర్తిగా మూసుకుపోయినట్లు అనిపించడం.
ముఖంపై నొప్పి, ఒత్తిడి: కళ్ల కింద, ముక్కు పక్కన, నుదుటి భాగంలో తీవ్రమైన నొప్పి లేదా భారం అనిపించడం.
చిక్కటి ద్రవాలు: ముక్కు నుంచి పసుపు లేదా పచ్చ రంగులో ఉండే చిక్కటి ద్రవం కారడం.
తలనొప్పి: ముఖ్యంగా ముందుకు వంగినప్పుడు తలలో నొప్పి ఎక్కువగా ఉండటం.
వాసన తెలియకపోవడం: రుచి , వాసన చూసే సామర్థ్యం తగ్గడం.
దగ్గు: రాత్రిపూట ఎక్కువగా వచ్చే పొడి దగ్గు లేదా గొంతులో ఏదో అడ్డుపడినట్లు ఉండటం.
ఇతర లక్షణాలు: చెవి నొప్పి, దంతాల నొప్పి, అలసట, నోటి దుర్వాసన.
సైనసైటిస్ రావడానికి కారణాలు:
సైనసైటిస్ రావడానికి అనేక కారణాలు ఉంటాయి. అవి..
వైరల్ ఇన్ఫెక్షన్లు: సాధారణ జలుబు కలిగించే వైరస్‌లు సైనసైటిస్‌కు ప్రధాన కారణం.
అలర్జీలు: దుమ్ము, ధూళి, పెంపుడు జంతువుల వెంట్రుకలు లేదా పుప్పొడి రేణువుల వల్ల కలిగే అలర్జీలు సైనస్ మార్గాలను మూసివేస్తాయి.
నాసికా పాలిప్స్ : ముక్కు లోపల పెరిగే చిన్న కండరాలు గాలి ప్రసరణను అడ్డుకుంటాయి.
ముక్కు ఎముక వంకర: ముక్కు మధ్యలో ఉండే ఎముక వంకరగా ఉండటం వల్ల ఒ కవైపు సైనస్ మార్గం మూసుకు పోతుంది.
బ్యాక్టీరియా, శిలీంధ్రాలు: వైరల్ ఇన్ఫెక్షన్ తగ్గిన తర్వాత కూడా బ్యాక్టీరియా చేరడం వల్ల క్రానిక్ సైనసైటిస్ రావచ్చు.
రకాలు:
అక్యూట్ సైనసైటిస్: ఇది సాధారణంగా 2 నుంచి 4 వారాల వరకు ఉంటుంది.
క్రానిక్ సైనసైటిస్: ఇది 12 వారాల కంటే ఎక్కువ కాలం ఇబ్బంది పెడుతుంది.
Also Read: నడుము నొప్పికి అసలు కారణం ఇదేనా? ప్రమాదకరమైన వ్యాధులను గుర్తించే వన్ మినిట్ గైడ్
నివారణ, చికిత్స:
గోరువెచ్చని నీటితో ఆవిరి పట్టడం చాలా మంచి ఫలితాన్ని ఇస్తుంది.
పుష్కలంగా నీరు తాగడం వల్ల శ్లేష్మం పల్చబడి బయటకు వస్తుంది.
అలర్జీ కలిగించే వస్తువులకు దూరంగా ఉండాలి.
డాక్టర్ సలహా మేరకు యాంటీ బయోటిక్స్ లేదా నాసల్ స్ప్రేలు వాడాలి.
చల్లటి వాతావరణంలో ఎక్కువ సమయం గడపకుండా జాగ్రత్తలు తీసుకోవాలి.
Share
Yamaha R15 V4 vs Yamaha R15S: యమహా R15 vs యమహా R15S.. రెండింటిలో తేడాలు ఇవే!
Border 2: వరుణ్ ధావన్ కి గాయం.. నొప్పి భరించలేకపోతున్నా..వీడియో వైరల్!
