Yamaha R15 V4 vs Yamaha R15S Comparison: యమహా ఎక్కువగా యువతను టార్గెట్ చేసుకుని అదిరిపోయే బైక్స్ ను అందుబాటులోకి తీసుకొస్తుంది. అందులో భాగంగా వచ్చిందే యమహా R15S. ఈ బైక్ గతంలో విడుదల అయిన యమహా R15కి అప్ డేటెడ్ వెర్షన్ లో విడుదల అయ్యింది. యమహా R15S అదే పవర్ తో, మెరుగైన అప్ డేట్స్ అందుబాటులోకి వచ్చింది. R15 మంచి లుక్, TFT డాష్, ట్రాక్షన్ కంట్రోల్, క్విక్ షిఫ్టర్ ను కలిగి ఉండేది. అధునాతన ఫీచర్లతో ఎక్కువ ధరను కలిగి ఉండేది. R15S మరింత సౌకర్యవంతమైన సెటప్ కంటే కొంచెం ఎక్కువ రైడింగ్ అనుకూలతను కలిగి ఉంది. బడ్జెట్ ఫ్రెండ్లీగా అందుబాటులోకి వచ్చింది. ఇంతకీ ఈ రెండు బైక్స్ మధ్య తేడాలు ఏంటి? ఎవరికి ఏది అనుకూలంగా ఉంటుందంటే..
⦿ ధర: R15 ధర సుమారు రూ. 1.67 లక్షల నుంచి రూ. 1.92 లక్షలు ఉంటుంది. అటు R15S రూ. 1.51 లక్షల నుంచి రూ.1.54 లక్షల వరకు ఉంటుంది. రెండింటిని పోల్చినప్పుడు R15S ధర తక్కువగా ఉంటుంది.
⦿ ఫీచర్లు: R15 V4 లో TFT, TCS, క్విక్ షిఫ్టర్ ఉన్నాయి. R15S లో బేసిక్ LCD ఉంది, TCS, క్విక్ షిఫ్టర్ లేదు. అయితే, R15S సాధారణంగా సౌకర్యవంతంగా ఉంటుంది. ముఖ్యంగా సిటీ వినియోగానికి అనుకూలంగా ఉంటుంది.
⦿ ఇంజిన్: R15, R15S 155cc, లిక్విడ్ కూల్డ్, 4-స్ట్రోక్, SOHC, 4 వాల్వ్ ఇంజిన్ను కలిగి ఉంటాయి. కానీ, ఫీచర్లు, పనితీరు ట్యూనింగ్లో భిన్నంగా ఉంటాయి. రెండూ 18.4 PS పవర్, 14.2 Nm టార్క్ ను ఉత్పత్తి చేస్తాయి. వేరియబుల్ వాల్వ్ యాక్చుయేషన్, స్లిప్ అండ్ అసిస్ట్ క్లచ్ తో 6 స్పీడ్ గేర్ బాక్స్ ను లింక్ చేసి ఉంటాయి. కోర్ ఇంజిన్, పవర్ ఒకేలా ఉన్నా, కానీ V4 అదనపు సాంకేతికతను కలిగి ఉంటుంది.
యమహా R15S తక్కువ ధర, మరింత సౌకర్యవంతంగా ఉంటుంది. మంచి పవర్, స్లిప్పర్ క్లచ్, VVA లను కలిగి ఉంది. పాత డిజైన్, ప్రైవరీ LCD ఇన్స్ట్రుమెంట్ క్లస్టర్, ట్రాక్షన్ కంట్రోల్ లాంటి లేటెస్ట్ ఫీచర్లు లేవు.
యమహా R15 V4 అగ్రెసివ్ స్టైలింగ్, TFT డిస్ ప్లే, ట్రాక్షన్ కంట్రోల్ సిస్టమ్, క్విక్ షిఫ్టర్, USD ఫోర్కులు, బ్లూటూత్ కనెక్టివిటీ ఉంటాయి. ఎక్కువ ధర, ఇరుకైన హెడ్ లైట్ బీమ్ మైనస్ గా చెప్పుకోవచ్చు.
బడ్జెట్ ఫ్రెండ్లీ కొనుగోలుదారులు, రోజువారీ ఉపయోగం కోసం సౌకర్యానికి ప్రాధాన్యత ఇచ్చేవారు, అధునాతన ఎలక్ట్రానిక్స్ కోసం డబ్బు చెల్లించకుండా గొప్ప పనితీరును కోరుకునే రైడర్లకు R15S అనుకూలంగా ఉంటుంది. అటు లేటెస్ట్ టెక్నాలజీని ఇష్టపడే వాళ్లు, ట్రాక్ డే రైడర్లు, స్టైలింగ్, ఫీచర్లను కోరుకునే వారు, ప్రీమియం బైక్ కొనుగోలు చేయాలనుకునే వాళ్లు ఆర్15ని సెలెక్ట్ చేసుకోవచ్చు.
Read Also: హీరో డెస్టినీ ప్రైమ్ vs సుజుకి యాక్సెస్ 125.. ఏది బెస్ట్ అంటే?
Share
Love And Death: ప్రియురాల్ని చంపేసి.. కొత్త స్టోరీ అల్లిన ప్రియుడు, తాండూరులో దారుణం
Sinusitis: ముక్కు దిబ్బడ, తలనొప్పితో ఇబ్బంది పడుతున్నారా? అది సైనసైటిస్ కావచ్చు జాగ్రత్త!
