పైనాపిల్, దానిమ్మ పండ్లు కట్ చేయడం చాలా ఈజీ.. ఈ టెక్నిక్‌తో నిమిషాల్లోనే కటింగ్

Pineapple, Pomegranate Cutting| పైనాపిల్, దానిమ్మ వంటి ఫ్రూట్స్ కట్ చేయడం చాలా మందికి కష్టంగా అనిపిస్తుంది. కానీ సరైన టెక్నిక్ తెలిస్తే నిమిషాల్లో సులభంగా, అందంగా కట్ చేయవచ్చు. క్లిష్టమైన ఆకారంలో ఉండే పండ్లు సులభంగా కట్ చేయడానికి ప్రముఖ షెఫ్ కునాల్ కపూర్ సులభమైన కిచెన్ హ్యాక్స్ తెలిపారు.

ఫ్రూట్స్ సరిగ్గా కట్ చేయడం ఎందుకు ముఖ్యం?

కట్ చేయడానికి కష్టంగా ఉంటుందని చాలా మంది కొన్ని పండ్లు కొనడం మానేస్తారు. అదే వీటి కట్ చేసే సరైన పద్ధతి తెలిస్తే సమయం ఆదా అవుతుంది, వ్యర్థం తగ్గుతుంది. ఫలితంగా ఈ ఫ్రూట్స్ కూడా అందంగా కనిపిస్తాయి.

పైనాపిల్ సులభంగా కట్ చేయడం ఎలా?

పైనాపిల్ ఆకారం పైకి ముళ్ల లాంటి గట్టి తొక్క కలిగి ఉంటుంది. పైగా ఈ తొక్క కొండల ఆకారంలో ఎగుడుదిగుడుగా కనిపిస్తుంది. అందుకే దీన్ని కట్ చేయడం చాలా కష్టంగా అనిపిస్తుంది. పైనాపిల్ కట్ చేయడానికి ముందు పైన ఉన్న క్రౌన్‌తో పాటు కింది భాగాన్ని కట్ చేయండి. పైనాపిల్‌ని నిలువుగా నిలబెట్టి, పొడవుగా నిలువైన ఆకారంలో ముక్కలుగా తొక్క తీయండి. ఆ తరువాత మిగిలిన గోధుమ రంగు చుక్కలను తీసివేయండి. తర్వాత పైనాపిల్‌ని రెండు భాగాల్లో కట్ చేసి, చిన్న చిన్న ముక్కలుగా తరిగి, చివరికి బైట్ సైజ్ క్యూబ్స్‌గా కట్ చేయండి. ఈ విధంగా చేస్తే అనానస్ కట్ చేయడం చాలా సులభం, శుభ్రంగా ఉంటుంది.

దానిమ్మ పండు సులభంగా కట్ చేయడం ఎలా?

దానిమ్మ తప్పుగా కట్ చేస్తే దాని జ్యూస్ చిందరవందరగా బయటకు వ్యర్థంగా కారిపోతుంది. ముందు దానిమ్మ పైన ఉన్న క్రౌన్ కట్ చేయండి. లోపల సహజంగా ఉన్న లైన్లు కనిపిస్తాయి. ఆ లైన్ల వెంట నెమ్మదిగా కట్ చేయండి. దానిమ్మ పండుని జాగ్రత్తగా విభాగాలుగా విడదీయండి. తొక్క నుంచి గింజలను సులభంగా వేరు చేయండి. నీటిలో వేసి కడిగితే త్వరగా తొక్క తొలగిపోతుంది. ఈ పద్ధతితో దాని జ్యూస్ కిందపడకుండా దానిమ్మ గింజలు తీయవచ్చు.

కివి ఫ్రూట్ సులభంగా కట్ చేయడం ఎలా?

కివి ఫ్రూట్ చర్మం సన్నగా ఉండటం వల్ల కత్తితో కట్ చేస్తే దాని గుజ్జు వృథా అవుతుంది. ముందుగా దాని రెండువైపులా ఉన్న చివరి భాగాలు కట్ చేయండి. ఒక స్పూన్‌ను చర్మం కిందకు చొప్పించి, చుట్టూ తిప్పండి. చర్మం సులభంగా వేరు అవుతుంది. తర్వాత కివిని రౌండ్ లేదా క్యూబ్ ముక్కలుగా కట్ చేయండి. ఈ ట్రిక్ సమయం ఆదా చేస్తుంది, వ్యర్థం తగ్గుతుంది.

Also Read: యవ్వనంలోనే ముసలితనం ఛాయలు.. దేశంలో పెరుగుతున్న సమస్య.. ధృడమైన శరీరం కోసం ఈ టిప్స్

సరైన కటింగ్ టెక్నిక్‌ల వల్ల కలిగే ప్రయోజనాలు

సరైన పద్ధతితో కట్ చేస్తే సమయం ఆదా, కిచెన్ శుభ్రంగా ఉంటుంది. ఫలాల్లో ఎక్కువ పల్ప్ దక్కుతుంది. అందంగా కట్ చేసిన ఫలాలు సర్వ్ చేసేటప్పుడు అందంగా కనిపిస్తాయి. దాని తినడానికి ఈజీగా ఉంటుంది.

తప్పులు చేయకండి

మందమైన కత్తి ఉపయోగించకూడదు. ఈ ఫ్రూట్స్ ఆకారం అర్థం చేసుకోకుండా కట్ చేయకండి. తొందరపాటు చేయకండి. ఓపికగా, జాగ్రత్తగా కట్ చేయండి.

పైనాపిల్, దానిమ్మ, కివి వంటి ఫ్రూట్స్ కట్ చేయడం ఇకపై కష్టం కాదు. షెఫ్ కునాల్ కపూర్ ఇచ్చిన ఈ సులభ చిట్కాలు అనుసరిస్తే మీరు కూడా ప్రొఫెషనల్ షెఫ్ లాగా ఫ్రూట్స్ కట్ చేయవచ్చు. ఇవి సమయం ఆదా చేసి, వ్యర్థం తగ్గించి, మీ పర్‌ఫామెన్స్‌ని మెరుగుపరచవచ్చు.