వేసవి కాలంలో ఎండలు తీవ్రంగా ఉంటాయి. బయట ఎండలో తిరిగి ఇంటికి వచ్చిన తర్వాత శరీరం చాలా వేడిగా ఉంటుంది. డీహైడ్రేషన్, అలసట, కళ్లు తిరగడం, మైకం వంటి సమస్యలు ఎక్కువవుతాయి. ఈ సమయంలో కొన్ని చిన్న తప్పులు చేయడం వల్ల ఆరోగ్యంపై తీవ్ర ప్రభావం ఉంటుంది. ఈ తప్పులను నివారించడం ద్వారా వేసవిలో ఆరోగ్యంగా ఉండవచ్చు.
ఎండలో తిరిగి వచ్చిన వెంటనే ఫ్రిజ్ నీళ్లు తాగడం చాలా మందికి అలవాటు. కానీ హఠాత్తుగా చల్లని నీళ్లు తాగడం వల్ల జీర్ణక్రియ దెబ్బతింటుంది. తలనొప్పి, గొంతు సమస్యలు వచ్చే అవకాశం ఉంది. సాధారణ లేదా కొద్దిగా చల్లని నీళ్లు నెమ్మదిగా తాగండి.
ఎండలో నుంచి వచ్చిన వెంటనే చల్లని నీటితో స్నానం చేయడం వల్ల రక్త ప్రసరణకు అంతరాయం కలుగుతుంది. శరీరం వేడిగా ఉన్న సమయంలో ఇలా చేస్తే అలసట, మైకం వచ్చే అవకాశం ఉంది. కొంతసేపు విశ్రాంతి తీసుకుని, శరీరం చల్లబడిన తర్వాత స్నానం చేయండి.
ఎండలో తిరిగి ఇంట్లోకి రాగానే వేడిగా ఉన్న శరీరంతో ఏసీ కింద కూర్చోవడం వల్ల హఠాత్తుగా ఉష్ణోగ్రతలో మార్పుల వల్ల జలుబు, తలనొప్పి, కండరాల నొప్పులు వస్తాయి. ముందు సాధారణ గదిలో కూర్చుని శరీరం చల్లబడేలా చూడండి.
ఇంటికి వచ్చిన వెంటనే టీ లేదా కాఫీ తాగడం వల్ల డీహైడ్రేషన్ పెరుగుతుంది. అంటే శరీరంలో నీరు తగ్గిపోతుంది. కెఫీన్ శరీరంలోని నీటిని ఎక్కువగా వెళ్లగొట్టి వేడిని పెంచుతుంది. అందుకే టీ, కాఫీ బదులు నీళ్లు, నారింజ జ్యూస్, లేదా కొబ్బరి నీళ్లు తాగండి.
వేసవిలో చాలా చెమట పట్టడం వల్ల శరీరం.. నీరు ఎక్కువగా కోల్పోతుంది. తగినంత నీళ్లు తాగకపోతే అలసట, మైకం, తలనొప్పి వస్తాయి. రోజంతా క్రమం తప్పకుండా నీళ్లు తాగండి.
ఎండలో నుంచి వచ్చిన వెంటనే నూనెలు, మసాలాలు, మాంసాహారం ఎక్కువగా ఉన్న భోజనం చేయడం జీర్ణక్రియను దెబ్బతీస్తుంది. తేలికపాటి ఆహారం లేదా పండ్లు తినండి.
చెమటలు పట్టిన బట్టలు శరీరంపై ఉంచడం వల్ల చర్మ సమస్యలు, దుర్వాసన వస్తాయి. ఇంటికి వచ్చిన వెంటనే శుభ్రమైన, ఫ్రెష్ బట్టలు మార్చుకోండి.
Also Read: చాణక్య నీతి.. స్త్రీలో ఈ గుణాలుంటేనే ఇంట్లో సుఖ, సంతోషాలు
కొంతసేపు చల్లబడిన వెంటనే మళ్లీ ఎండలోకి వెళ్లడం వల్ల అలసట, డీహైడ్రేషన్ పెరుగుతాయి. మధ్యాహ్నం ఎండలో అవసరం లేని పనులు చేయకండి.
Share
జియో యూజర్లకు భారీ షాక్.. రూ. 249 ప్లాన్ క్లోజ్.. ప్రత్యామ్నాయ బెస్ట్ ప్లాన్లు ఇవే!
తెలంగాణ విద్యుత్ సంస్థల్లో.. ఆస్తుల విభజనకు రంగం సిద్ధం!
