Jio Plans: ప్రముఖ టెలికాం దిగ్గజం రిలయన్స్ జియో షాకింగ్ నిర్ణయం తీసుకుంది. బడ్జెట్ లో చాలా పాపులర్ అయిన రూ.249 ప్లాన్ ను నిలిపివేసింది. దీంతో రీఛార్జ్ ఫ్లాట్ ఫామ్స్ నుంచి ఈ ప్లాన్ కనిపించడం లేదు. ఫలితంగా ఎంతో కాలంగా ఈ ప్లాన్ రీఛార్జ్ చేస్తూ వస్తున్న జియో కస్టమర్లు ప్రస్తుతం ఆందోళన చెందుతున్నారు. అయితే రూ. 249 ప్లాన్ పోయినందుకు యూజర్లు ఎలాంటి టెన్షన్ తీసుకోవాల్సిన పనిలేదని జియో వర్గాలు చెబుతున్నాయి. ప్రస్తుతం ఈ ప్లాన్కు ప్రత్యామ్నాయంగా అందుబాటులో ఉన్న చౌకైన ప్లాన్స్, వాటి వల్ల కలిగే ప్రయోజనాలు ఏంటో ఈ కథనంలో తెలుసుకునే ప్రయత్నం చేద్దాం.
రూ.249 ప్లాన్ లో లభించిన ప్రయోజనాలే కోరుకుంటే.. రూ.299 ప్లాన్ ను ఎంచుకోవచ్చని జియో వర్గాలు పేర్కొంటున్నాయి. 28 రోజుల వ్యాలిడిటీ కలిగిన ఈ ప్లాన్ కింద.. ప్రతీ రోజూ 1.5GB డేటా, అపరిమిత కాల్స్, రోజుకు 100 SMSలు పొందొచ్చు.
గత ప్లాన్ లో ఇచ్చిన బెనిఫిట్స్ లో కోత విధిస్తూ.. కొత్త వెర్షన్ రూ.249 ప్లాన్ ను జియో తీసుకొచ్చింది. ఇందులో 28 రోజుల పాటు రోజుకు 1 GB డేటా లభిస్తుంది. పాత రేటుకే రీఛార్జ్ చేయాలనుకునే వారికి ఇది బెస్ట్ ఆప్షన్. అయితే అంత బడ్జెట్ పెట్టలేమని భావించే వారికి రూ.209 ప్లాన్ ను జియో ఆఫర్ చేస్తోంది. 22 రోజుల వ్యాలిడిటీ కలిగిన ఈ ప్లాన్ లోనూ ప్రతీ రోజూ 1GB డేటా పొందొచ్చు.
డేటా అవసరం ఎక్కువ ఉన్న వారి కోసం జియో ఈ ప్లాన్ ఆఫర్ చేస్తోంది. ఈ ప్లాన్ ను రీఛార్జ్ చేసుకుంటే 28 రోజుల వ్యాలిడిటీతో ప్రతీ రోజూ 2జీబీ డేటా లభిస్తుంది. ఒకవేళ మీరు 5G నెట్వర్క్ ఉన్న ప్రాంతంలో ఉంటే ఈ ప్లాన్తో అన్లిమిటెడ్ 5G డేటాను ఉచితంగా పొందొచ్చు.
Also Read: Jio యూజర్లకు పండుగే.. తక్కువ ధరలో ఎక్కువ బెనిఫిట్స్ ఇచ్చే.. టాప్-5 ప్లాన్లు ఇవే!
3 నెలల పాటు రీఛార్జ్ అవసరం లేని చౌకైన జియో ప్లాన్ ను కోరుకుంటే ఇది బెస్ట్ ఆప్షన్ గా నిలుస్తుంది. ఈ ప్లాన్ కింద 84 రోజుల పాటు రోజుకు 1.5 GB డేటా లభిస్తుంది. నెలకు సగటున రూ. 266 మాత్రమే ఖర్చవుతుంది కాబట్టి.. ఇది లాంగ్ రన్ లో ఈ ప్లాన్ డబ్బును ఆదా చేస్తుంది.
Also Read: బీజేపీలో భగీరథ్ ప్రకంపనలు.. సొంత పార్టీలో వినిపిస్తున్న అసమ్మతి స్వరం.. డైలమాలో కీలక నేతలు!
Share
పిల్లలతో ఇలాంటి సమయంలో కోపంగా మాట్లాడకూడదు.. పసి మనుసులపై తీవ్ర ప్రభావం
బయట ఎండలో తిరిగి ఇంటికి రాగానే ఈ తప్పులు చేస్తున్నారా? ఈ ఆరోగ్య సమస్యలకు కారణాలు ఇవే
