Fatty Liver: ఫ్యాటీ లివర్ సమస్యా ? ఇవి తింటే సమస్య దూరం

Fatty Liver: ఫ్యాటీ లివర్ (కాలేయంలో కొవ్వు పేరుకుపోవడం) అనేది ప్రస్తుత కాలంలో చాలా మందిని వేధిస్తున్న సమస్య. దీనిని నివారించడంలో అంతే కాకుండా కాలేయ ఆరోగ్యాన్ని మెరుగుప రచడంలో మెగ్నీషియం కీలక పాత్ర పోషిస్తుందని ఆరోగ్య నిపుణులు చెబుతున్నారు. మెగ్నీషియం శరీరంలోని ఇన్సులిన్ సెన్సిటివిటీని పెంచుతుంది. అంతే కాకుండా కాలేయంలో మంటను తగ్గిస్తుంది. మెగ్నీషియం పుష్కలంగా లభించే టాప్ 6 ఆహార పదార్థాలను గురించిన పూర్తి వివరాలను ఇప్పుడు తెలుసుకుందాం.

1. పాలకూర, ఆకుకూరలు :

పాలకూర వంటి ముదురు ఆకుపచ్చని ఆకుకూరలు మెగ్నీషియానికి పవర్‌హౌస్ వంటివి. వీటిలో క్లోరోఫిల్ అధికంగా ఉంటుంది. ఇది కాలేయం నుంచి విషతుల్యాలను బయటకు పంపడానికి సహాయ పడుతుంది. ఒక కప్పు ఉడికించిన పాలకూరలో శరీరానికి అవసరమైన మెగ్నీషియం గణనీయంగా అందుతుంది.

2. గుమ్మడి గింజలు :

గింజ ధాన్యాలలో గుమ్మడి గింజలు మెగ్నీషియానికి అత్యుత్తమ వనరు. కేవలం ఒక చిన్న గుప్పెడు గుమ్మడి గింజలు తిన్నా.. మీ రోజు వారీ మెగ్నీషియం అవసరంలో దాదాపు 30-40% వరకు అందుతుంది. ఇవి కాలేయంలో కొవ్వు ఆక్సీకరణను నిరోధించి.. ఫ్యాటీ లివర్ ప్రమాదాన్ని తగ్గిస్తాయి.

3. బాదం, జీడిపప్పు:

బాదం, జీడిపప్పు , బ్రెజిల్ నట్స్‌లో మెగ్నీషియంతో పాటు ఆరోగ్యకరమైన కొవ్వులు ఉంటాయి. ఇవి కాలేయం చుట్టూ పేరుకు పోయిన అనవసరపు కొవ్వును కరిగించడంలో తోడ్పడతాయి. రోజుకు 5-6 నానబెట్టిన బాదం పప్పులు తీసుకోవడం కాలేయానికి ఎంతో మేలు చేస్తుంది.

4. డార్క్ చాక్లెట్ :

చాక్లెట్ ప్రియులకు ఇది ఒక మంచి వార్త. 70% కంటే ఎక్కువ కోకో ఉన్న డార్క్ చాక్లెట్‌లో మెగ్నీషియం, యాంటీ ఆక్సిడెంట్లు మెండుగా ఉంటాయి. ఇవి కాలేయంలోని కణాల నష్టాన్ని అరికట్టి, రక్త ప్రసరణను మెరుగు పరుస్తాయి. అయితే.. దీనిని మితంగా (చిన్న ముక్క) తీసుకోవడం ముఖ్యం.

5. అవకాడో :

అవకాడో ఒక సూపర్ ఫుడ్. ఇందులో మెగ్నీషియంతో పాటు విటమిన్ E , విటమిన్ C ఉంటాయి. ఇవి కాలేయానికి రక్షణ కవచంలా పని చేస్తాయి. అవకాడోలోని ఒమేగా-3 ఫ్యాటీ యాసిడ్స్ కాలేయంలో వాపును తగ్గించి.. ఫ్యాటీ లివర్ సమస్య తీవ్రతరం కాకుండా చూస్తాయి.

6. తృణధాన్యాలు:

ఓట్స్, క్వినోవా, బ్రౌన్ రైస్ వంటి తృణధాన్యాలలో మెగ్నీషియం అధికంగా ఉంటుంది. ఇవి రక్తంలో చక్కెర స్థాయిలను స్థిరంగా ఉంచుతాయి. చక్కెర స్థాయిలు అదుపులో ఉంటే.. కాలేయం అదనపు గ్లూకోజ్‌ను కొవ్వుగా మార్చే ప్రక్రియ తగ్గుతుంది.

Also Read: మితిమీరిన దాహం.. ఇది కేవలం డీహైడ్రేషన్ మాత్రమే కాదు, అంతకు మించి !

కాలేయ ఆరోగ్యానికి మెగ్నీషియం ఎందుకు అవసరం ?

పరిశోధనల ప్రకారం.. శరీరంలో మెగ్నీషియం స్థాయిలు తక్కువగా ఉన్నవారిలో ‘నాన్-ఆల్కహాలిక్ ఫ్యాటీ లివర్ డిసీజ్’ వచ్చే అవకాశం ఎక్కువగా ఉంటుంది. మెగ్నీషియం కాలేయ ఎంజైమ్‌ల పని తీరును క్రమబద్ధీకరిస్తుంది. అంతే కాకుండా ఇన్సులిన్ రెసిస్టెన్స్‌ను తగ్గిస్తుంది. తద్వారా కాలేయంపై ఒత్తిడి తగ్గుతుంది.

ఫ్యాటీ లివర్ నుంచి బయట పడాలంటే కేవలం మందులు మాత్రమే సరిపోవు. పైన పేర్కొన్న మెగ్నీషియం అధికంగా ఉండే ఆహారాలను మీ రోజు వారి భోజనంలో భాగం చేసుకోవాలి. వీటితో పాటు క్రమం తప్పకుండా వ్యాయామం చేయడం, చక్కెర, జంక్ ఫుడ్ తగ్గించడం వల్ల కాలేయాన్ని ఆరోగ్యంగా ఉంచుకోవచ్చు.