Breast Cancer: క్యాన్సర్.. ఈ పదం వినగానే గుండెల్లో ఎక్కడో ఓ భయం మొదలవుతుంది కదూ. ఈ మహమ్మారిని పూర్తిగా నిరోధించడానికి వైద్యశాస్త్రం ఎంత పురోగమించినా, కొన్ని రకాల క్యాన్సర్లు మాత్రం వైద్యులకు, రోగులకు పెను సవాలుగా మారుతుంటాయి. ముఖ్యంగా ‘ట్రిపుల్ నెగెటివ్ బ్రెస్ట్ క్యాన్సర్’ (TNBC) గురించి తెలిస్తే ఈ భయం మరింత పెరుగుతుంది. ఇది చాలా వేగంగా వ్యాపిస్తూ, చికిత్సకు అంత సులభంగా లొంగదు. అయితే, ఈ మొండి క్యాన్సర్‌కు చెక్ పెట్టే దిశగా శాస్త్రవేత్తలు ఒక ఆశాజనకమైన ముందడుగు వేశారు. ఆ వివరాలేంటో ఇప్పుడు చూద్దాం.
సాధారణంగా బ్రెస్ట్ క్యాన్సర్‌ను ప్రారంభ దశలో గుర్తిస్తే నయం చేయడం సులభం. కానీ ఈ టీఎన్‌బీసీ కథ వేరు. ఇది ప్రాథమిక దశలోనే శరీరంలోని ఇతర భాగాలకు పాకేస్తుంది. పైగా దీనిపై సాధారణ మందులు పెద్దగా ప్రభావం చూపవు. ఒకవేళ చికిత్స తీసుకున్నా, కొన్నాళ్ల తర్వాత మళ్లీ తిరగబెట్టే ప్రమాదం ఎక్కువగా ఉంటుంది. ఇలా మళ్లీ వ్యాధి బయటపడినప్పుడు రోగిలో రోగనిరోధక శక్తి బాగా క్షీణించి, శరీరం మరింత బలహీనపడిపోతుంది.
Also Read: పురుషుల్లోనే ఎక్కువగా జుట్టు రాలడానికి గల 4 ప్రధాన కారణాలు ఇవే!
ఇలాంటి క్లిష్ట పరిస్థితుల్లో మెడికల్ యూనివర్సిటీ ఆఫ్ సౌత్ కరోలినా పరిశోధకులు ఓ అద్భుతమైన పరిష్కారాన్ని కనుగొన్నారు. కణితి పెరగడానికి కారణమయ్యే ప్రత్యేక ప్రొటీన్‌ను గుర్తించి, దాన్ని అడ్డుకునేలా శక్తివంతమైన యాంటీబాడీని అభివృద్ధి చేశారు. ఇది ఆ ప్రొటీన్‌ను అణచడమే కాదు.. దెబ్బతిన్న రోగనిరోధక వ్యవస్థను తిరిగి ఉత్తేజపరుస్తుంది. దీంతో మన శరీరం తనంతట తానుగా క్యాన్సర్ కణాలతో పోరాడేలా చేస్తుంది.
ఈ కొత్త చికిత్స కేవలం రొమ్ము క్యాన్సర్ కణాలనే కాకుండా.. కీమోథెరపీకి కూడా లొంగని కణాలను సమర్థవంతంగా నాశనం చేసింది. ఊపిరితిత్తులకు వ్యాపించే క్యాన్సర్ కణాలను సైతం అడ్డుకోవడం విశేషం. ఈ ప్రయోగాలు విజయవంతమైతే, భవిష్యత్తులో ఇతర ప్రాణాంతక క్యాన్సర్ల నివారణలోనూ ఇది ఒక కీలక మలుపు అవుతుందని నిపుణులు భావిస్తున్నారు. అయితే, మందులతో పాటు వ్యాధిని జయించగలననే ఆత్మవిశ్వాసం రోగికి కొండంత అండగా నిలుస్తుందని పరిశోధకులు గుర్తుచేస్తున్నారు.
Also Read: బరువు తగ్గాలా? గుండె హెల్దీగా ఉండాలా? అయితే రోజూ 15 నిమిషాలు స్కిప్పింగ్ చేయండి చాలు!
Share
Allu Arjun -Atlee: అల్లు అర్జున్ సినిమాలో మరో టాలీవుడ్ స్టార్...ఏమన్నా ప్లాన్ చేసావా అట్లీ?
Pragya Jaiswal: ఎద అందాలతో గుబులు పుట్టిస్తున్న ప్రగ్యా జైస్వాల్!
