సమ్మర్‌లో ‘వాటర్ ఆపిల్’ తింటే అద్భుతాలు.. ఆరోగ్యానికి అమృతం ఈ పండు

Water apple benefits: ఎండలు మండిపోతున్న వేళ శరీరాన్ని చల్లబరిచే.. పండ్ల కోసం మనం వెతుకుతుంటాం. పుచ్చకాయ, తాటిముంజుల తర్వాత మనకు తక్కువ ధరలో, ఎక్కువ పోషకాలతో లభించే అద్భుతమైన పండు వాటర్ ఆపిల్. దీనినే రోజ్ ఆపిల్ లేదా బెల్ ఫ్రూట్ అని కూడా పిలుస్తారు. ఇందులో దాదాపు 90 శాతం కంటే.. ఎక్కువ నీరు ఉండటం వల్ల ఇది సహజసిద్ధమైన ఎలక్ట్రోలైట్‌లా పని చేస్తుంది. వేసవిలో వచ్చే డీహైడ్రేషన్ సమస్యలను దూరం చేయడమే కాకుండా.. శరీరానికి అవసరమైన విటమిన్లు, మినరల్స్ అందించడంలో వాటర్ ఆపిల్ కీలక పాత్ర పోషిస్తుంది. ఈ పండు వల్ల కలిగే ఆరోగ్య ప్రయోజనాలు ఏంటో ఇప్పుడు తెలుసుకుందాం.

వాటర్ ఆపిల్ వల్ల కలిగే 6 ప్రధాన ఆరోగ్య ప్రయోజనాలు:
1. శరీరానికి హైడ్రేషన్ :
వేసవిలో చెమట రూపంలో శరీరం నుంచి నీరు, లవణాలు బయటకు పోతాయి. వాటర్ ఆపిల్‌లో ఉండే అధిక నీటి శాతం శరీరానికి తక్షణమే శక్తిని ఇస్తుంది. ఇది డీహైడ్రేషన్ ను తగ్గించడమే కాకుండా శరీర ఉష్ణోగ్రతను నియంత్రణలో.. ఉంచుతుంది.

2. బరువు తగ్గడానికి సహకారం:
బరువు తగ్గాలనుకునే వారికి వాటర్ ఆపిల్ ఒక వరప్రసాదం. ఇందులో క్యాలరీలు చాలా తక్కువగా ఉంటాయి. ఫైబర్ (పీచు పదార్థం) ఎక్కువగా ఉంటుంది. ఇది తిన్న తర్వాత కడుపు నిండుగా ఉన్న అనుభూతిని కలిగిస్తుంది. తద్వారా అనవసరమైన ఆహారం తీసుకోకుండా నియంత్రిస్తుంది.

3. రోగనిరోధక శక్తి పెరుగుదల:
వాటర్ ఆపిల్‌లో విటమిన్-సి, విటమిన్-ఏ పుష్కలంగా ఉంటాయి. ఇవి శరీరంలోని తెల్ల రక్త కణాల పనితీరును మెరుగు పరుస్తాయి. వేసవిలో వచ్చే వైరల్ ఇన్ఫెక్షన్లు, జలుబు, దగ్గు వంటి సమస్యల నుంచి మనల్ని కాపాడుతాయి.

4. జీర్ణక్రియ మెరుగుపడుతుంది:
వేసవిలో సాధారణంగా వచ్చే.. మలబద్ధకం, గ్యాస్ సమస్యలను వాటర్ ఆపిల్ దూరం చేస్తుంది. ఇందులో ఉండే ఫైబర్ కంటెంట్ జీర్ణ వ్యవస్థను శుభ్రపరుస్తుంది. పేగుల కదలికలను మెరుగు పరిచి జీర్ణ ప్రక్రియ సాఫీగా సాగేలా చూస్తుంది.

5. గుండె ఆరోగ్యానికి మేలు:
వాటర్ ఆపిల్‌లో పొటాషియం, ఇతర యాంటీ ఆక్సిడెంట్లు ఉంటాయి. ఇవి రక్తపోటును నియంత్రించడంలో సహాయ పడతాయి. చెడు కొలెస్ట్రాల్‌ను తగ్గించి గుండె జబ్బుల ప్రమాదాన్ని నివారిస్తాయి.

6. చర్మ సౌందర్యం:
ఎండ వల్ల చర్మం కమిలిపోవడం సర్వ సాధారణం. వాటర్ ఆపిల్‌లో.. ఉండే యాంటీ ఆక్సిడెంట్లు చర్మ కణాలను దెబ్బ తినకుండా కాపాడతాయి. ఇది చర్మాన్ని లోపలి నుంచి తేమగా ఉంచి, ముడతలు పడకుండా యవ్వనంగా కనిపించేలా చేస్తుంది.