Single Life: ఒకప్పుడు చదువు పూర్తయింది.. ఉద్యోగం వచ్చింది.. ఇక పెళ్లి చేసుకోవాలి అనే ఆలోచన ఉండేది. కానీ ఇప్పుడు యూత్ ఆలోచన మారుతోంది. పెళ్లి గురించి ఇంట్లో వాళ్లు అడిగితే.. “ఇప్పుడే ఎందుకు? ఇంకొంచెం టైమ్ ఉంది కదా!” అని చెప్పేస్తున్నారు. మరికొందరైతే అసలు పెళ్లి కంటే సింగిల్గా ఉండటమే బెటర్ అని ఫీల్ అవుతున్నారు. దీనికి అసలు కారణం ఏంటి? చూసేద్దాం!
మొదటిది కెరీర్. ఇప్పుడు యూత్కు ముందు మంచి ఉద్యోగం కావాలి. మంచి జీతం రావాలి. తమ కాళ్లపై తాము నిలబడాలి. జీవితంలో ఒక స్థాయికి వెళ్లిన తర్వాతే పెళ్లి గురించి ఆలోచిద్దాం అనుకుంటున్నారు.
చిన్న వయసులోనే పెళ్లి చేసుకుని బాధ్యతలు తీసుకోవడం కంటే.. ముందు కెరీర్పై ఫోకస్ చేయడం మంచిదని భావిస్తున్నారు.
మరో కారణం ఫ్రీడమ్. సింగిల్గా ఉంటే మనకు నచ్చినట్టు ఉండొచ్చు. ఎక్కడికి వెళ్లాలి, ఎవరిని కలవాలి, ఏం చేయాలి అనేది మనమే నిర్ణయించుకోవచ్చు.
కానీ రిలేషన్షిప్లోకి వెళ్లిన తర్వాత కొన్ని విషయాల్లో సర్దుకుపోవాలి. పార్ట్నర్కు టైమ్ ఇవ్వాలి. వాళ్లను అర్థం చేసుకోవాలి. కొందరికి ఇవన్నీ ఓకే అనిపిస్తాయి. కానీ మరికొందరు మాత్రం ప్రస్తుతం ఆ బాధ్యతలు వద్దని అనుకుంటున్నారు.
ఇక బ్రేకప్ల ప్రభావం కూడా ఉంది. సోషల్ మీడియాలో రోజూ బ్రేకప్ స్టోరీలు, రిలేషన్షిప్ గొడవలు, మోసాల గురించి చూస్తూనే ఉన్నాం.
ప్రేమలో పడి చివరికి బాధపడటం కంటే.. అసలు రిలేషన్షిప్లోకి వెళ్లకపోతేనే బెటర్ కదా అని కొందరు ఫీల్ అవుతున్నారు. ముఖ్యంగా తమ చుట్టూ జరిగిన కొన్ని సంఘటనలు కూడా ఈ ఆలోచనకు కారణమవుతున్నాయి.
డబ్బు కూడా పెద్ద కారణమే. ఇప్పుడు ఖర్చులు బాగా పెరిగిపోయాయి. జీతం వచ్చిన వెంటనే రెంట్, EMI, షాపింగ్, ట్రావెల్ అంటూ డబ్బంతా ఖర్చైపోతుంది.
ఇలాంటి పరిస్థితుల్లో పెళ్లి చేసుకుని కొత్త బాధ్యతలు తీసుకోవడం కొంతమంది యువతకు భయంగా అనిపిస్తోంది. ముందు కొంత డబ్బు సేవ్ చేసుకుని, సొంతంగా సెటిల్ అయిన తర్వాత పెళ్లి చేసుకుంటే మంచిదని అనుకుంటున్నారు.
ఇంకో విషయం.. ఇప్పటి యూత్ లైఫ్ను ఎంజాయ్ చేయాలని కూడా అనుకుంటోంది. ట్రావెల్ చేయాలి, కొత్త ప్రదేశాలు చూడాలి, ఫ్రెండ్స్తో టైమ్ స్పెండ్ చేయాలి, తమకు నచ్చిన పనులు చేయాలి.
పెళ్లి తర్వాత ఇవన్నీ చేయొచ్చు కానీ.. ఇప్పుడున్న స్వేచ్ఛను ఎందుకు వదులుకోవాలి అనే ఆలోచన కూడా ఉంది.
సోషల్ మీడియా వల్ల కూడా ఈ ఆలోచన పెరుగుతోంది. సింగిల్గా ఉంటూ హ్యాపీగా లైఫ్ ఎంజాయ్ చేస్తున్న వాళ్లను చూస్తున్నారు.
కొందరు ఒంటరిగా ట్రావెల్ చేస్తున్నారు. మరికొందరు కెరీర్లో బాగా ఎదుగుతున్నారు. ఇంకొందరు తమ హాబీస్కు ఎక్కువ టైమ్ ఇస్తున్నారు. దీంతో “సింగిల్గా ఉంటే లైఫ్ బోర్ కాదు కదా!” అనే ఫీలింగ్ వస్తోంది.
అయితే సింగిల్గా ఉండటం అంటే ప్రేమ వద్దని కాదు. సరైన వ్యక్తి దొరికితే పెళ్లి చేసుకోవడానికి చాలామంది సిద్ధంగానే ఉంటారు. కానీ తొందరపడి రిలేషన్షిప్లోకి వెళ్లడం మాత్రం ఇష్టం లేదు.
అందుకే ఇప్పుడు చాలామంది యువత మాట ఒక్కటే..“ముందు నా లైఫ్ నేను చూసుకుంటా.. పెళ్లి సంగతి తర్వాత చూద్దాం!”
చివరికి సింగిల్గా ఉండాలా, పెళ్లి చేసుకోవాలా అనేది పూర్తిగా వ్యక్తిగత నిర్ణయం. కానీ ఇతరులు ఏమనుకుంటారో అని కాకుండా.. మనకు ఏది సంతోషాన్ని ఇస్తుందో ఆ నిర్ణయం తీసుకోవడమే ముఖ్యం.
ALSO READ:ఫ్రెండ్స్ వేలల్లో.. మనసు మాత్రం ఒంటరిగా!
సింగిల్గా ఉన్నా హ్యాపీగా ఉండొచ్చు.. మంచి పార్ట్నర్తో ఉన్నా హ్యాపీగా ఉండొచ్చు. ఏదైనా మన ఆలోచనలోనే ఉంటుంది.మరి మీరేం ఆలోచిస్తున్నారు?
Share
ప్రభాస్ ఫ్యాన్స్కు నిరాశేనా? ‘ఫౌజీ’ విషయంలో ట్విస్ట్!
ఆసుపత్రి బిల్లు కాదు భూతం.. ఆర్థిక ఒత్తిడితో లబోదిబో మంటున్న 90 శాతం కార్పొరేట్ ఉద్యోగులు..
