Winter Tips: వింటర్ సీజన్‌లో జలుబు, దగ్గు, ముక్కు దిబ్బడ వంటి సమస్యలు చాలామందిని ఇబ్బంది పెడతాయి. చల్లని వాతావరణం వల్ల శ్వాస మార్గాల్లో కఫం పేరుకుపోయి అసౌకర్యం కలుగుతుంది. ఇలాంటి సమయంలో చాలామంది తక్షణ ఉపశమనం కోసం తరచూ ఆవిరి పడుతుంటారు. అయితే సరైన విధానంలో ఆవిరి పడితే ముక్కు మార్గాలు సాఫీగా మారి, ఛాతీలో కూరుకుపోయిన కఫం తగ్గే అవకాశం ఉంటుంది.
కానీ ఆవిరి పట్టే సమయంలో కొందరు తెలియకుండానే తప్పులు చేస్తుంటారు. దాంతో ఎలాంటి ప్రయోజనం లేకపోవడంతో పాటు ఇతర సమస్యలు కూడా తలెత్తవచ్చు. అందుకే ఆవిరి పట్టడం వల్ల కలిగే లాభాలు ఏమిటి? దాన్ని సరైన రీతిలో ఎలా చేయాలి.. అనే విషయాలను ఇప్పుడు తెలుసుకుందాం.
ఆవిరి పీల్చినప్పుడు వేడి ఆవిరి నేరుగా శ్వాస మార్గాల్లోకి వెళ్లి అక్కడ ఉన్న వాపును తగ్గించడంలో సహాయపడుతుంది. దీంతో ముక్కు దిబ్బడ, ఫ్లూ లక్షణాలు కొంతవరకు తగ్గుతాయి. జలుబు, దగ్గుతో బాధపడేవారికి ఇది తక్షణ ఉపశమనాన్ని ఇస్తుందని ఆరోగ్య నిపుణులు చెబుతున్నారు. అయితే ఇది శాశ్వత చికిత్స కాకపోయినా, లక్షణాలను తగ్గించడంలో ఉపయోగకరంగా ఉంటుంది.
Also Read: చలికాలంలో గడ్డ పెరుగు తినడం ఆరోగ్యానికి హానికరమా?.. వైద్య నిపుణుల అభిప్రాయం ఇదే!
స్టీమింగ్ వల్ల చర్మానికి అనేక రకాలుగా ప్రయోజనాలు చేకూరుతాయి. దీనివల్ల చర్మ రంధ్రాలు తెరుచుకుని, లోపల పేరుకుపోయిన మురికి, ధూళి బయటకు వచ్చేస్తాయి. శీతాకాలంలో చర్మం పొడిగా మారే అవకాశం ఎక్కువగా ఉంటుంది కాబట్టి.. ఆవిరి పడితే చర్మాన్ని లోతుగా శుభ్రపరచడంలో సహాయపడుతుంది. అలాగే రక్త ప్రసరణ మెరుగుపడటంలో, చర్మానికి సహజమైన మెరుపు అందించడంలో కూడా స్టీమింగ్ చక్కగా పని చేస్తుంది.
తరచూ తలనొప్పి లేదా మానసిక ఒత్తిడితో ఇబ్బంది పడేవారికి ఆవిరి పట్టడం కొంత రిలీఫ్ ఇస్తుంది. వేడి ఆవిరి శరీరాన్ని రిలాక్స్ చేయడంతో కండరాలు ఉత్తేజంగా మారుతాయి. దీని వల్ల ఒత్తిడి తగ్గి, నిద్ర నాణ్యత కూడా మెరుగుపడుతుందని నిపుణులు సూచిస్తున్నారు.
ఆవిరి పట్టాలంటే.. ముందుగా నీటిని బాగా మరిగించాలి. ఆ తర్వాత సరైన జాగ్రత్తలు తీసుకుంటూ ముక్కు ద్వారా నెమ్మదిగా, లోతుగా శ్వాస తీసుకోవాలి. అయితే ఎక్కువసేపు చేయకుండా ఒక్కోసారి 2 నుంచి 5 నిమిషాల వరకు మాత్రమే చేయడం మంచిది. ఇలా సరైన పద్ధతిలో, పరిమితంగా ఆవిరి పీల్చితే శీతాకాలంలో వచ్చే అనారోగ్యాల నుంచి ఉపశమనం పొందవచ్చు.
Also Read: శీతాకాలంలో డ్రై స్కిన్‌కు చెక్‌.. ఆముదంతో న్యాచురల్ గ్లో ఎలా తెచ్చుకోవాలంటే?
Share
Remedies For Saturday: శనివారం ఈ పనులు చేస్తే.. కష్టాలు తప్పవు
CM Chandrababu: హెల్తీ, వెల్తీ, హ్యాపీ ఆంధ్రప్రదేశ్.. చంద్రబాబు ఫోకస్..
