Actress Death:ప్రస్తుత కాలంలో సెలబ్రిటీల మరణాలు ఏ రేంజ్ లో ఉన్నాయో ప్రత్యేకంగా చెప్పాల్సిన పనిలేదు. ఒకరి మరణం మరువకముందే మరొకరి మరణం అందరినీ భయభ్రాంతులకు గురిచేస్తోంది. ఈ క్రమంలోనే కొంతమంది అనారోగ్య సమస్యలతో మరణిస్తే.. ఇంకొంతమంది వృద్ధాప్య లక్షణాలతో మరణిస్తున్నారు. ఇప్పుడు ఇంకొక నటి ఏకంగా గుండెపోటుతో మరణించింది. మరి ఆమె ఎవరు అనే విషయం ఇప్పుడు చూద్దాం..
ఆమె ఎవరో కాదు ప్రముఖ నటి , నేపథ్య గాయని అయిన సులక్షణ పండిట్ (Sulakshana pandit). 71 సంవత్సరాల వయసులో గురువారం గుండెపోటుతో ఆమె తుదిశ్వాస విడిచినట్లు కుటుంబ సభ్యులు తెలిపారు. గుండెలో నొప్పి ఉందని కుటుంబ సభ్యులతో తెలుపగా.. ఆమెను దగ్గర్లోనే నానావతి ఆసుపత్రికి తరలిస్తూ ఉండగా.. మార్గం మధ్యలోనే చనిపోయినట్లు ఆమె సోదరుడు లలిత్ పండిట్ (Lalith pandit) తెలిపారు. ప్రస్తుతం ఈమె మరణం ఇండస్ట్రీలో విషాదాన్ని నింపింది. సులక్షణ పండిట్ మరణానికి పలువురు సంతాపం తెలియజేస్తూ.. వారి కుటుంబానికి ప్రగాఢ సానుభూతి తెలుపుతున్నారు.
సులక్షణ కెరియర్ విషయానికి వస్తే.. 1970 దశకం ప్రారంభంలో నటిగా భారీ పాపులారిటీ సొంతం చేసుకుంది. 1970లో జితేంద్ర, రాజేష్ ఖన్నా, వినోద్ ఖన్నా, సంజీవ్ కపూర్, శశి కపూర్, శత్రుఘ్న సిన్హా వంటి ఎంతోమంది అగ్ర నటులతో కలిసి పని చేసిన ఈమె.. 1975లో సంజీవ్ కుమార్ సరసన సస్పెన్స్ థ్రిల్లర్ ఉల్జాన్ మూవీ ద్వారా నటనా ప్రస్తానాన్ని మొదలుపెట్టింది. పరినీతి నవల ఆధారంగా వచ్చిన సంకోచ్ అనే చిత్రంలో లోలితా పాత్ర పోషించిన ఈమె ఆ తర్వాత పలు చిత్రాలలో నటించి నటిగా మంచి ఆదరణ సొంతం చేసుకుంది. అలాగే బెంగాలీ చిత్రం బాండి లో కూడా నటించింది. ఇందులో ఉత్తమ్ కుమార్ హీరోగా నటించారు.
సులక్షణ పండిట్ నటనతో పాటు సింగర్ గా కూడా తన వృత్తిని కొనసాగించింది. 1967లో వచ్చిన తక్ దీర్ లో లతా మంగేష్కర్ తో కలిసి “సాత్ సముందర్ పార్ సే” అనే ప్రసిద్ధ పాటను పాడి బాల గాయకురాలిగా తన గాన జీవితాన్ని కూడా మొదలుపెట్టింది.. ఒరియా, గుజరాతి, హిందీ, బెంగాలీ, మరాఠీ భాషలలో పాటలు పాడి పేరు దక్కించుకుంది. ముఖ్యంగా లతా మంగేష్కర్ , మహమ్మద్ రఫీ, యేసుదాస్, మహేంద్ర కపూర్, ఉదిత్ నారాయణ వంటి గాయకులతో పాటలు పాడి సింగర్ గా పేరు సొంతం చేసుకుంది. సులక్షణ కళ్యాణ్ జి ఆనంద్ జి, బొప్పిలాహరి ఉష ఖన్నా, లక్ష్మీకాంత్, శంకర్ జై కిషన్, రాజేష్ ఖయ్యుం , రాజ్ కమల్ వంటి సంగీత దర్శకుల దగ్గర పాటలు పాడింది.
ALSO READ:Pan India Movies: బడా బడ్జెట్ చిత్రాలు.. బాక్స్ ఆఫీస్ అంచనాలు ఇవే!
Share
T20 World Cup 2026: టీ20 వరల్డ్ కప్ షెడ్యూల్, వేదికలు ఖరారు..ఇండియాకు రాబోమంటున్న పాకిస్తాన్ ?
Viral Video: తెల్లజాతి మహిళకు నల్ల కవలలు, తన పిల్లలు కారంటూ తండ్రి రచ్చ, నెట్టింట వీడియో వైరల్!
