Dacoit: వరుస బ్లాక్బస్టర్లతో దూసుకుపోతున్న అడివి శేష్ (Adivi Sesh) హీరోగా, ఈ మధ్యకాలంలో నిత్యం వార్తలలో ఉంటున్న మృణాల్ ఠాకూర్ (Mrunal Thakur) హీరోయిన్గా నటిస్తున్న ప్రతిష్టాత్మక చిత్రం ‘డెకాయిట్’. ఇప్పటి వరకు ఈ సినిమాకు సంబంధించి వచ్చిన ప్రమోషనల్ కంటెంట్ సినిమాపై ఎలాంటి అంచనాలను క్రియేట్ చేశాయో తెలియంది కాదు. మొదటి శృతి హాసన్ కొంతమేర షూటింగ్ చేసి, తప్పుకున్న ఈ చిత్రంలోకి మృణాల్ ఎంటరైంది. శృతిపై చేసిన చిత్రీకరణ మొత్తం మరోసారి మృణాల్తో చేయాల్సి రావడంతో.. ఈ సినిమా అనుకున్న టైమ్ కంటే ఎక్కువ తీసుకుందనేలా టాక్ నడుస్తోంది. మార్చి 19న చిత్రాన్ని ప్రపంచవ్యాప్తంగా గ్రాండ్గా విడుదల చేసేందుకు మేకర్స్ సన్నాహాలు చేస్తున్నారు. ఈ క్రమంలో చిత్ర ప్రమోషన్స్పై మేకర్స్ దృష్టి పెట్టారు. ఫస్ట్ సింగిల్ (Dacoit First Single) ‘రుబరూ’ని విడుదల చేయబోతున్నట్లుగా అధికారిక ప్రకటనను విడుదల చేశారు. ఆ వివరాల్లోకి వెళితే..
Also Read- Aaya Sher Song: బాబోయ్, బక్కోడు ఆ సాంగ్ని దించేశాడుగా.. అడ్డంగా దొరికేశాడు!
ఇప్పటివరకు హై వోల్టేజ్ యాక్షన్తో అలరించిన ‘డెకాయిట్’ మేకర్స్, ఇప్పుడు హార్ట్ఫెల్ట్ రొమాన్స్తో సినిమా మ్యూజికల్ జర్నీని స్టార్ట్ చేస్తున్నారు. ‘డెకాయిట్’ ఫస్ట్ సింగిల్ ‘రుబరూ’ను ఫిబ్రవరి 27న విడుదల చేయబోతున్నట్లుగా మేకర్స్ అధికారికంగా ప్రకటిస్తూ ఓ పోస్టర్ విడుదల చేశారు. ఈ పోస్టర్ ప్రస్తుతం వైరల్ అవుతోంది. ఈ సాంగ్ అనౌన్స్మెంట్ పోస్టర్ని గమనిస్తే.. శేష్ ప్రశాంతమైన, ఇంటెన్స్ లుక్లో ఉండగా, మృణాల్ సున్నితమైన నవ్వుతో కనిపిస్తోంది. ఈ పోస్టర్ చూస్తే సినిమాలోని యాక్షన్ నేపథ్యానికి సమాంతరంగా ఓ టెండర్ రొమాంటిక్ ట్రాక్ నడుస్తుందనే విషయం స్పష్టమవుతోంది. ‘డెకాయిట్’ కథ ‘డేంజర్, రా, యాక్షన్’ చుట్టూ తిరిగినా.. ఈ ‘రుబరూ’ (Rubaroo) మాత్రం ఎమోషనల్ టచ్తో కొత్త ఫీల్ ఇవ్వబోతుందని తెలుస్తోంది. లీడ్ పెయిర్ మధ్య కెమిస్ట్రీని హైలైట్ చేస్తూ, వారి ప్రయాణాన్ని ఈ పాట ప్రజెంట్ చేయబోతుంది. భీమ్స్ సిసిరోలియో సంగీతాన్ని అందిస్తున్న ఈ ఆల్బమ్పై ఇప్పటికే మంచి అంచనాలున్న విషయం తెలిసిందే.
ఈ తెలుగు-హిందీ ద్విభాషా చిత్రంతో షానియల్ డియో సినీ ఇండస్ట్రీకి దర్శకుడిగా పరిచయం అవుతున్నారు. సుప్రియా యార్లగడ్డ ఎంతో ప్రతిష్టాత్మకంగా నిర్మిస్తున్న ఈ చిత్రానికి సునీల్ నారంగ్ సహ నిర్మాతగా వ్యవహరిస్తున్నారు. అన్నపూర్ణ స్టూడియోస్ సమర్పణలో రూపొందుతున్న ఈ సినిమాలో అడివి శేష్, మృణాల్ ఠాకూర్తో పాటు అనురాగ్ కశ్యప్ కీలక పాత్రలో కనిపించనున్నారు. తెలుగు, హిందీలో ఒకేసారి తెరకెక్కుతున్న ఈ చిత్రాన్ని పాన్-ఇండియా స్థాయిలో విడుదల చేసేందుకు సన్నాహాలు చేస్తున్నారు.
A heart that once loved deeply ❤️
A soul that once believed in forever ✨Before he became a Dacoit, there was #Rubaroo 🎶#Dacoit First Single Out on February 27.@AdiviSesh @mrunal0801 @anuragkashyap72 @Deonidas @zaynmarie #KamakshiBhaskarla @atul_kulkarni #BheemsCeciroleo… pic.twitter.com/ecR9rmTr1e
— Annapurna Studios (@AnnapurnaStdios) February 23, 2026
Also Read- Lavanya Tripathi: సెకండ్ ప్రెగ్నెన్సీ పై లావణ్య త్రిపాఠి కామెంట్స్.. మరో గుడ్ న్యూస్ రాబోతోందా?
Share
Sridevi Apalla: లేత అందాలతో ఊపిరి తీస్తోన్న జాబిలి.. ఫోటోలు వైరల్!
Goyaz New Showroom: హైదరాబాద్ దిల్సుఖ్నగర్లో గోయాజ్ కొత్త షోరూం ప్రారంభం
