మంగ్లీ అనుచరుల నుంచి ప్రాణహాని.. ఆవేదన చెందిన అడ్వకేట్ సుబ్బారావు!

Advocate Subbarao: మైక్రో ఫైనాన్స్ కేసులో భాగంగా మంగ్లీ వర్సెస్ అడ్వకేట్ సుబ్బారావు అనే విధంగా వివాదం కొనసాగుతున్న సంగతి తెలిసిందే. మైక్రో ఫైనాన్స్ పేరిట సింగర్ మంగ్లీ(Singer Mangli) ఎంతో మంది నుంచి వందల కోట్ల రూపాయలు సొమ్ము చేసుకున్నారు అంటూ బాధితులు అతనిని కలవడంతో అడ్వకేట్ సుబ్బారావు ఈ అంశం గురించి మాట్లాడారు దీంతో ఈ విషయం కాస్త సంచలనంగా మారింది. తన తప్పు ఏమాత్రం లేదని సుబ్బారావు ఉద్దేశపూర్వకంగానే ఇలా చేస్తున్నారని ఆయన ఫేమస్ అవడం కోసమే నాపై నిందలు వేస్తున్నారు అంటూ వివరణ ఇచ్చుకున్నారు అయితే తాజాగా అడ్వకేట్ సుబ్బారావు డీజీపీని కలిసి తనుకు ప్రాణహాని ఉండే అంటూ ఫిర్యాదులు చేసినట్టు తెలుస్తుంది.

ఫోన్ కాల్స్ ద్వారా బెదిరింపులు..

ఈ నేపథ్యంలోనే సుబ్బారావు బిగ్ టీవీతో మాట్లాడుతూ.. తనకు మంగ్లీ అనుచరుల నుంచి ప్రాణహాన్ని ఉంది అందుకే నేను డీజీపీని కలిసి ఫిర్యాదు చేశానని సుబ్బారావు తెలిపారు. సింగర్ మంగ్లీ అనుచరులు నాకు ఫోన్ కాల్స్ చేసి బెదిరింపులకు పాల్పడుతున్నారు అదేవిధంగా సోషల్ మీడియా మాధ్యమాల ద్వారా కూడా బెదిరిస్తున్నారని మేము ఎక్కడికైనా బయటకు వెళ్తుంటే మమ్మల్ని ఫాలో అవుతూ భయభ్రాంతులకు గురి చేస్తున్నారని సుబ్బారావు తెలిపారు. అదేవిధంగా పంజాగుట్ట సిఐ నుంచి కూడా ప్రాణహానే ఉంది అంటూ ఈయన తెలిపారు. మంగ్లీను టార్గెట్ చేస్తూ విమర్శలు చేస్తున్నారు. నిజంగానే ఈ మోసం జరిగిందా అంటూ ప్రశ్న ఎదురవడంతో సుబ్బారావు మాట్లాడుతూ..

మంగ్లీ పేరును ఎక్కడ ప్రస్తావించలేదు..

మైక్రో ఫైనాన్స్ విషయంలో మంగ్లీ అక్రమాలకు పాల్పడినట్లు స్వయంగా బాధితులే తన వద్దకు వచ్చి చెప్పారని అందుకు సంబంధించిన ఆధారాలు కూడా బాధితులు బయటపెట్టినట్లు ఈయన తెలిపారు. మంగ్లీ మోసం చేసిందని బాధితులు ఆధారాలను చూపించారు అయితే తన ప్రమేయం లేదని మంగ్లీ కూడా ఆధారాలు చూపిస్తే సరిపోతుంది కదా అంటూ సుబ్బారావు మాట్లాడారు. ఈ కేసు విషయంలో తాను మంగ్లీ పేరు ఎక్కడ ప్రస్తావించలేదని, సింగర్ మంగ్లీ తన పేరును తెరపైకి తీసుకు వచ్చారని తెలిపారు.

బిగ్ టీవీతో అడ్వకేట్ సుబ్బారావు

సింగర్ మంగ్లీ అనుచరుల నుంచి నాకు ప్రాణభయం ఉంది

నేనెప్పుడూ మంగ్లీ మీద ఎప్పుడూ ఆరోపణలు చేయలేదు.. ఆవిడే నా పేరు తెరపైకి తెచ్చారు

మంగ్లీ గురించి ప్రత్యక్షంగా, పరోక్షంగా ఏనాడూ విమర్శించలేదు

నాకు గతంలో మంగ్లీతో అసలు పరిచయమే లేదు

– అడ్వకేట్… https://t.co/9SahiaSuXl pic.twitter.com/tE3ogWtNti

— BIG TV Breaking News (@bigtvtelugu) April 20, 2026

ఇదివరకు నాకు మంగ్లీతో ఎక్కడ పరిచయం లేదు బాధితులు తన వద్దకు వచ్చి వారి బాధను బయటపెట్టుకున్నప్పుడు మంగ్లీ స్వయంగా ఈ కేసు విషయంలో నన్ను బెదిరించింది అంటూ సుబ్బారావు తెలిపారు. సినిమాల పరంగా మీకు మంగ్లీ గారితో పరిచయం ఉందా అనే ప్రశ్న కూడా ఎదురవడంతో తనకు మంగ్లీతో ఏమాత్రం సంబంధం లేదని ,అసలు ఆమెను నేనెప్పుడూ నేరుగా కూడా కలవలేదని తెలిపారు. ఇక ఆమె అనుచరులు మాత్రం నాతో ఫోన్లో మాట్లాడుతూ బెదిరింపులకు పాల్పడ్డారని సుబ్బారావు తెలిపారు. మంగ్లీ అనుచరుల నుంచి తనకు ప్రాణహాని ఉంది అంటూ ఈయన చేసిన కామెంట్స్ ప్రస్తుతం వైరల్ అవుతున్నాయి. మరి ఈ వ్యాఖ్యలపై మంగ్లీ స్పందన ఏంటి అనేది తెలియాల్సి ఉంది.

Also Read: మెగాఫోన్ పట్టబోతున్న రామ్ పోతినేని… సాహసం చేస్తున్న హీరో..ఇప్పుడు అవసరమా అంటూ!