Akhanda 2 pre Release: అఖండ 2 ప్రీ రిలీజ్.. లాస్ట్ మినిట్ లో హ్యాండ్ ఇచ్చిన బన్నీ…అదే కారణమా?

Akhanda 2 pre Release: నందమూరి బాలకృష్ణ (Balakrishna)బోయపాటి (Boyapati)కాంబినేషన్లో రాబోతున్న అఖండ 2 (Akhanda 2)సినిమా విడుదలకు కేవలం 10 రోజుల సమయం మాత్రమే ఉంది. ఈ సినిమా డిసెంబర్ ఐదవ తేదీ పాన్ ఇండియా స్థాయిలో ప్రేక్షకుల ముందుకు రాబోతున్న నేపథ్యంలో డిసెంబర్ 4వ తేదీనే పెయిడ్ ప్రీమియర్స్ వేయబోతున్నారు. ఒకరోజు ముందుగానే ఈ సినిమా థియేటర్లలోకి రాబోతున్న నేతంలో బాలయ్య అభిమానులు ఎంతో సంతోషం వ్యక్తం చేస్తున్నారు. ఈ సినిమాకు కేవలం పది రోజుల సమయం మాత్రమే ఉన్న నేపథ్యంలో ప్రమోషన్ కార్యక్రమాలను కూడా వేగవంతం చేస్తున్నారు.

అఖండ 2 ప్రీ రిలీజ్ ఈవెంట్..

ఇప్పటికే ముంబై, బెంగళూరు, హైదరాబాద్ వంటి ప్రాంతాలలో పెద్ద ఎత్తున సినిమా ఈవెంట్స్ నిర్వహిస్తూ వరుస అప్డేట్స్ తెలియజేస్తున్న సంగతి తెలిసిందే. ఇప్పటికే ఈ సినిమా నుంచి విడుదలైన పాటలు, టీజర్ ,ట్రైలర్ వంటివి సినిమా పట్ల మంచి అంచనాలనే పెంచేసాయి .ఇక ఈ సినిమా ప్రీ రిలీజ్ బిజినెస్ కూడా భారీగా జరుపుకుందని తెలుస్తోంది. ఈ సినిమా ప్రీ రిలీజ్ వేడుకను(Pre Release Event) ఎంతో ఘనంగా నిర్వహించబోతున్నారని తెలుస్తోంది. ఈ కార్యక్రమాన్ని హైదరాబాద్ యూసఫ్ గూడాలో ఈనెల 28వ తేదీ నిర్వహించబోతున్నట్లు పెద్ద ఎత్తున వార్తలు బయటకు వచ్చాయి.

ముఖ్య అతిథిగా రేవంత్ రెడ్డి..

ఈ కార్యక్రమానికి తెలంగాణ ముఖ్యమంత్రి రేవంత్ రెడ్డి(Revanth Reddy)తో పాటు ఐకాన్ స్టార్ అల్లు అర్జున్(Allu Arjun) ముఖ్య అతిథులుగా పాల్గొనబోతున్న నేపథ్యంలో ఈ కార్యక్రమం ఎంతో ఆసక్తికరంగా మారింది. ఇలా ఈ వేడుకకు ఇద్దరు ముఖ్య అతిథులుగా రాబోతున్నారనే విషయం అభిమానులలో మరింత సంతోషాన్ని కలిగించింది అయితే తాజా సమాచారం ప్రకారం ఈ సినిమా వేడుకకు బన్నీ దూరంగా ఉండబోతున్నట్లు సమాచారం. అల్లు అర్జున్ ప్రస్తుతం ముంబైలో అట్లీ సినిమా షూటింగ్ పనులలో బిజీగా ఉన్నారు. ఇలా తన బిజీ షెడ్యూల్ కారణంగా ఈ కార్యక్రమానికి అల్లు అర్జున్ రావడం లేదని తెలుస్తుంది.

ప్రీ రిలీజ్ వేడుకకు దూరంగా బన్నీ..

ఇలా అల్లు అర్జున్ ఈ కార్యక్రమానికి దూరంగా ఉన్న నేపథ్యంలో కేవలం తెలంగాణ ముఖ్యమంత్రి రేవంత్ రెడ్డి మాత్రమే హాజరు కాబోతున్నట్లు సమాచారం. అయితే ప్రీ రిలీజ్ వేడుకకు దూరంగా ఉన్న బన్నీ సక్సెస్ మీట్ కార్యక్రమంలో పాల్గొనబోతున్నట్టు తెలుస్తోంది. మరి ఈ వార్తలలో ఎంతవరకు నిజముందనేది తెలియాలి అంటే చిత్ర బృందం ప్రీ రిలీజ్ ఈవెంట్ గురించి అధికారక ప్రకటన వెల్లడించాల్సి ఉంది. ఇక ఈ సినిమాలో బాలకృష్ణ ద్విపాత్రాభినయంలో నటించబోతున్న సంగతి తెలిసిందే. ఈ సినిమా సనాతన ధర్మ పరిరక్షణ నేపథ్యంలో ప్రేక్షకుల ముందుకు రాబోతుందని తెలుస్తోంది. ఇక ఈ సినిమాలో సంయుక్త మీనన్ హీరోయిన్ గా నటించగా, ఈ చిత్రాన్ని 14 రీల్స్ పతాకంపై గోపి అచంట రామ్ ఆచంట ఎంతో ప్రతిష్టాత్మకంగా నిర్మిస్తున్నారు.

Also Read: Spirit Release : సందీప్ రెడ్డి షాకింగ్ డెసిషన్… సంక్రాంతి బరిలో ప్రభాస్ మూవీ