Allu Arjun fans::నువ్వు AA అయితే.. నేను VV.. శ్రీవిష్ణుపై బన్నీ ఫ్యాన్స్ అలక!

Allu Arjun fans: టాలీవుడ్ ఇండస్ట్రీలో విభిన్నమైన సినిమాలను ఎంపిక చేసుకుంటూ వరుస సినిమాలతో దూసుకుపోతున్న వారిలో నటుడు శ్రీ విష్ణు(Sreevishnu) ఒకరు. ఇటీవల వరుస సినిమాల ద్వారా మంచి సక్సెస్ అందుకుంటున్న శ్రీ విష్ణు త్వరలోనే విష్ణు విన్యాసం(Vishnu Vinyasam) అనే సినిమా ద్వారా ప్రేక్షకుల ముందుకు రావడానికి సిద్ధమవుతున్నారు. యదునాథ్‌ దర్శకుడిగా పరిచయమవుతున్న ఈ సినిమాకు సుమంత్ నాయుడు నిర్మాతగా వ్యవహరిస్తున్నారు. దాదాపు షూటింగ్ పనులను పూర్తి చేసుకున్న ఈ సినిమా ఫిబ్రవరిలో ప్రేక్షకుల ముందుకు రావడానికి సిద్ధమవుతోంది. ఈ నేపథ్యంలోనే చిత్ర బృందం వరుస అప్డేట్స్ తెలియజేస్తూ సినిమా ప్రమోషన్ కార్యక్రమాలను నిర్వహిస్తున్నారు.

విష్ణు విన్యాసం సాంగ్ రిలీజ్..

ఇక ఇటీవల ఈ సినిమా నుంచి “దేకో విష్ణు విన్యాసం” అనే పాటను విడుదల చేసిన సంగతి తెలిసిందే. ఈ పాటకు సంబంధించిన వీడియో సోషల్ మీడియాలో వైరల్ గా మారడంతో అల్లు అర్జున్ అభిమానులు శ్రీ విష్ణు ఫాన్స్ పై కాస్త గుర్రుగా ఉన్నారు. శ్రీ విష్ణు సినిమా పై అల్లు అర్జున్ అభిమానులు ఆగ్రహం వ్యక్తం చేయడానికి గల కారణాలు ఏంటి అనే విషయానికి వస్తే..

అల్లు అర్జున్ సిగ్నేచర్ మూమెంట్…

అల్లు అర్జున్ తన సిగ్నేచర్ మూమెంట్”AA” అంటూ చాలా స్టైలిష్ గా రాస్తుంటారు అలాగే శ్రీ విష్ణు కూడా ఈ పాటలో సిగ్నేచర్ మూమెంట్ “VV “అంటూ స్టైలిష్ గా చూపించే ప్రయత్నం చేశారు. ఈ నేపథ్యంలోనే మీరు రాసింది AA అని మాకు తెలుసు ..ఇలా బాగా కవర్ చేసారు అంటూ కొంతమంది ఈ వీడియో పై కామెంట్లు చేస్తున్నారు. ఇలా అల్లు అర్జున్ సిగ్నేచర్ మూమెంట్ స్టైల్ లో ఈయన విష్ణు విన్యాసం పాటను ప్రమోట్ చేస్తున్న ఈ వీడియో సోషల్ మీడియాలో వైరల్ అవుతుంది. ఇక ఈ వీడియో పట్ల బన్నీ అభిమానులు విభిన్న రీతిలో స్పందిస్తూ కామెంట్లు చేస్తున్నారు.

ఇలా ఈ సినిమా నుంచి విడుదల చేసిన పస్ట్ సింగిల్ ప్రస్తుతం వైరల్ అవుతుంది. హీరోకి జ్యోతిష్యంపై ఉండే నమ్మకాన్ని తెలియపరుస్తూ ఈ పాట కొనసాగుతుందని చెప్పాలి. ఈ పాటకు రామజోగయ్య శాస్త్రి లిరిక్స్ అందించగా ఈ పాటను శ్రీకృష్ణ పాడారు..ఇక ఈ సినిమాకు రధన్ సంగీతం అందించబోతున్న సంగతి తెలిసిందే. ఈ సినిమాలో నయన సారిక ,బ్రహ్మాజీ, శ్రీకాంత్ అయ్యంగార్ వంటి తదితరులు కీలకపాత్రలలో కనిపించబోతున్నారు. ఇలా శ్రీ విష్ణు ఒక వైపు సినిమాలలో నటిస్తూనే మరోవైపు ఇతర హీరోల సినిమాలలో కూడా క్యామియో పాత్రలలో నటిస్తున్న సంగతి తెలిసిందే. ఈయన శర్వానంద్ హీరోగా నటించిన నారీ నారీ నడుమ మురారి సినిమాలో కూడా గెస్ట్ పాత్రలో కనిపించబోతున్న సంగతి తెలిసిందే.

Also Read: Bandla Ganesh Padayatra:షాద్ నగర్ నుంచి తిరుమల వరకు పాదయాత్ర.. సీఎం కోసం బండ్ల గణేష్ ఎంత పని చేస్తున్నాడు?