Anudeep new movie : అనుదీప్ …తొలిసినిమా పిట్టగోడ అడ్డంగా కూలిపోయినా తర్వాత వచ్చిన ‘జాతిరత్నాలు’తో పెద్ద మ్యాజిక్కే చేశాడు. ఇంకేం ఇండస్ట్రీకి ఒక ప్రామినెంట్ డైరెక్టర్ దొరికాడని మురిసిపోయింది టాలీవుడ్. కానీ అది అప్పటి వరకే అంటూ ‘ప్రిన్స్’, ‘ఫంకీ’ సినిమాలతో ఆడియన్స్ పేషన్స్ కి పెద్ద టెస్టే పెట్టాడు.ఇక కామెడీ పేరుతో ఆయన తీస్తున్న ‘కిచిడీ’ సినిమాలు చూసి అనుదీప్ కెరీర్కు ‘ఎండ్ కార్డ్’ పడటం ఖాయమని ఇండస్ట్రీ వర్గాలు గట్టిగానే వార్నింగ్ ఇచ్చాయ్.అయితే ఈ సారి ఆ తప్పు జరగనివ్వను అంటూ తన ఉనికిని చాటుకోవడాని ఓ సరి కొత్త లేడీ ఓరియెంటెడ్’ రాగం అందుకున్నాడని తెలుస్తుంది .
మునిగే నావకు తోడు దొరికిందిగా ..
అయితే ఇక్కడ విశేషం ఏంటంటే, ఈ సినిమాను ప్రొడ్యూస్ చేస్తామంటూ ఎంట్రీ ఇచ్చిందట పీపుల్స్ మీడియా ఫ్యాక్టరీ. ఇప్పటికే ‘రాజా సాబ్’ లాంటి భారీ ప్రాజెక్టులతో చేతులు కాల్చుకుని, కథల విషయంలో దిక్కుతోచని పరిస్థితుల్లో ఉన్న ఆ సంస్థకు.. ఇప్పుడు అనుదీప్ తోడవటం చూస్తుంటే “మునిగే నావకు తోడు దొరికిందిగా ”అంటూసెటైర్లు వేస్తున్నారు నెటిజన్లు.అసలే ఇపుడు అనుదీప్కున్న క్రెడిబిలిటీ జీరో, పైగా పీపుల్ మీడియాకు సాలిడ్ హిట్ అవసరం. అలాంటిది వీరిద్దరూ జోడీ కట్టి ఏం ఉద్ధరిస్తారో ఏంటో అని ఫిల్మ్ నగర్లో గుసగుసలు వినిపిస్తున్నాయి.
also read:Peddi Controversy: పెద్ది స్టోరీ ట్విస్ట్..ఇది ఒరిజినల్ కాదా ?
ఇక ఈ లేడీ ఓరియెంటెడ్ కథ చాలా సీరియస్ ఇష్యూ చుట్టూ తిరుగుతుందని ఇన్ సైడ్ టాక్ . కాని అనుదీప్ అంటేనే పిచ్చి పిచ్చి కామెడీ, లాజిక్ లేని పంచ్లు. అలాంటి అనుదీప్ దగ్గర ‘సీరియస్’ అనే పదానికి చోటు ఉందా? అని ప్రశ్నిస్తున్నారు ఆడియన్స్.అనుదీప్ మార్క్ కామెడీని ఎక్స్ పెక్ట్ చేయొద్దని ఇప్పటి నుండే లీకులు ఇస్తున్నారు కానీ, అసలు ఆయన సీరియస్ గా సినిమా తీస్తే జనం థియేటర్లో కూర్చుంటారా? అన్నదే ఇక్కడ పెద్ద డౌట్.
‘జాతిరత్నాలు’లా ముగ్గురు మిత్రుల కథ
వాస్తవానికి అనుదీప్ దగ్గర ‘జాతిరత్నాలు’ లాంటి జానర్ లో ముగ్గురు మిత్రుల కథ రెడీగా ఉందట. కానీ ‘ఫంకీ’ రిజల్ట్ చూశాక, అనుదీప్ను నమ్మడానికి ఏ ఒక్క యంగ్ హీరో కూడా డేర్ చేయడం లేదని, కనీసం ఫోన్ చేస్తే కనీసం అపాయింట్మెంట్ ఇచ్చేందుకు కూడా వెనకాముందు అవుతున్నారన్న కామెంట్స్ వినిపిస్తున్నాయ్. దీంతో చేసేదేమీ లేక, తన పరువు కాపాడుకోవడానికి ఇలా లేడీ ఓరియెంటెడ్ కథను తెరపైకి తెచ్చాడట ఈ కుర్ర డైరెక్టర్.
అయితే ఈ కథకు ఒక స్టార్ హీరోయిన్ ఉంటేనే వాల్యూ వస్తుందని అనుదీప్ చెప్పడంతో పీపుల్ మీడియా ఫ్యాక్టరీ ఏదో ఒక స్టార్ హీరోయిన్ను ఒప్పించి, భారీ రెమ్యూనరేషన్ ఆశ చూపి టీమ్లోకి తీసుకురావాలని చూస్తోందట . కానీ అనుదీప్ ప్రెసెంట్ ట్రాక్ రికార్డ్ చూసి ఏ స్టార్ హీరోయిన్ అయినా గ్రీన్ సిగ్నల్ ఇస్తుందా? లేక తన కెరీర్ను రిస్క్లో పడేసుకుంటుందా? అన్నది చూడాలి.
మరో కోలుకోలేని దెబ్బ తీస్తారా?
మొత్తానికి, అనుదీప్ తనకున్న పరిచయాలన్నీ వాడి ఈ ప్రాజెక్టును పట్టాలెక్కించాలని చూస్తున్నాడు.మరి ఫ్లాపుల ఊబిలో ఉన్న పీపుల్ మీడియాను ఈ ‘లేడీ ఓరియెంటెడ్’ సినిమా గట్టెక్కిస్తుందా? లేక అనుదీప్ తన మార్క్ ‘ఫంకీ’మ్యాజిక్ ఆ సంస్థకు మరో కోలుకోలేని దెబ్బ తీస్తారా? వేచి చూడాలి!
also read:Dhurandhar 2 controversy: ‘ధురంధర్ 2’ రికార్డులపై ఒవైసీ హైదరాబాదీ పంచ్!
Share
చుక్క నూనె కూడా వద్దు.. ఆ ఒక్కటి ఉంటే చాలు, ఇంట్లోనే క్రిస్పీ ఫ్రెంచ్ ఫ్రైస్ రెడీ!
Paddy Procurement: ఏప్రిల్1 నుంచి ధాన్యం కొనుగోలు ప్రారంభం.. ఈ సారీ క్వింటాల్ ధర ఎంతో తెలుసా..?
