Anurag Accident: సూసైడ్ అటెమ్ట్‌ను ఇన్‌స్టాలో లైవ్ స్టీమ్ చేసిన బిగ్ బాస్ కంటెస్టెంట్.. ఏం జరిగిందంటే?

Anurag Accident: ప్రముఖ యూట్యూబర్, ‘బిగ్ బాస్ 17’ (హిందీ) కంటెస్టెంట్ అనురాగ్ డోభాల్ (UK07 రైడర్) ఇటీవల తన ఇన్‌స్టాగ్రామ్ లైవ్ స్ట్రీమ్ సమయంలో కారు ప్రమాదానికి గురయ్యారు. కొద్ది రోజుల క్రితం, అనురాగ్ తన యూట్యూబ్ ఛానల్‌లో దాదాపు రెండు గంటల నిడివి గల ఒక వీడియోను విడుదల చేశారు. అందులో ఆయన తన కుటుంబ సభ్యులు, ముఖ్యంగా తల్లిదండ్రులు మరియు సోదరుడు తనను మానసిక హింసకు గురిచేస్తున్నారని ఆరోపించారు. తాను ప్రేమించి పెళ్లి చేసుకున్న రితికతో బంధాన్ని తన కుటుంబం అంగీకరించలేదని, కులాంతర వివాహం కారణంగా వారు తనను, తన భార్యను అవమానించారని ఆయన ఆవేదన వ్యక్తం చేశారు. ఆస్తి తగాదాలు మరియు కుటుంబ కలహాలతో తాను తీవ్రమైన డిప్రెషన్‌లోకి వెళ్ళానని, ఆ వీడియో తన “చివరి వీడియో” కావచ్చునని ఆయన అందులో పేర్కొన్నారు.

లైవ్ స్ట్రీమ్‌లో

మార్చి 7, 2026న ఇన్‌స్టాగ్రామ్ లైవ్‌లో ఉన్నప్పుడు, అనురాగ్ తీవ్ర భావోద్వేగంతో కనిపించారు. తన తల్లిని ఉద్దేశించి “తర్వాతి జన్మలోనైనా నాకు ప్రేమను ఇవ్వండి” అని వేడుకుంటూ, కారును గంటకు 150 కిలోమీటర్ల వేగంతో నడిపారు. ఇది తన “చివరి ప్రయాణం” అని పేర్కొంటూ కారును వేగంగా తీసుకెళ్లారు. ఆ సమయంలో లైవ్ చూస్తున్న వేలాది మంది అభిమానులు ఒక్కసారిగా షాక్‌కు గురయ్యారు. ఆ తర్వాత వెంటనే ఆయన కారు డివైడర్‌ను బలంగా ఢీకొట్టింది.

ప్రస్తుత పరిస్థితి

ప్రమాదం జరిగిన వెంటనే స్థానికులు మరియు అక్కడున్న వారు అనురాగ్‌ను రక్షించి, వెంటనే సమీపంలోని ఆసుపత్రికి తరలించారు. ప్రస్తుతం ఆయన చికిత్స పొందుతున్నారు. ఈ ఘటన ప్రమాదమా లేక ఆత్మహత్యాయత్నమా అనే అంశంపై పోలీసులు విచారణ జరుపుతున్నారు. సోషల్ మీడియాలో ఈ వీడియోలు వైరల్ కావడంతో, ఆయన అభిమానులు ఆందోళన వ్యక్తం చేస్తున్నారు. ఈ ఆరోపణలపై అనురాగ్ సోదరుడు కలమ్ ఇంక్ స్పందిస్తూ, ఈ ఆరోపణలు అవాస్తవమని, కేవలం సోషల్ మీడియాలో వ్యూస్ కోసం, సానుభూతి కోసం అనురాగ్ ఇలాంటి డ్రామాలు ఆడుతున్నారని కొట్టిపారేశారు.

Look at the car of Anurag Dobhal, aka UK07 Rider. Imagine how dangerous and severe the accident was. Despite that, luckily, he sustained minor injuries and a fracture. https://t.co/W83Y68CXI6 pic.twitter.com/ptd1Wq8JvI

— Krishna Chaudhary (@KrishnaTOI) March 7, 2026