Asin Daughter: సౌత్ సినీ ఇండస్ట్రీలో సీనియర్ హీరోయిన్ గా ఎంతో మంచి గుర్తింపు సంపాదించుకున్న వారిలో ఆసిన్(Asin) ఒకరు. గజిని అమ్మానాన్న ఓ తమిళమ్మాయి వంటి సూపర్ హిట్ సినిమాలతో ఎంతో మంచి సక్సెస్ అందుకున్న ఆసిన్ పెళ్లి తర్వాత పూర్తిగా ఇండస్ట్రీకి దూరం అవుతూ తన వైవాహిక జీవితంలో ఎంతో సంతోషంగా గడుపుతున్నారు. ఇక ఈమె రాహుల్ శర్మ(Rahul Sharma) అనే వ్యక్తిని వివాహం చేసుకున్నారు. ఈయన మైక్రో మ్యాక్స్ కో ఫౌండర్ గా పనిచేస్తున్నారు. ఇక పెళ్లి తర్వాత ఆసిన్ సోషల్ మీడియాలో కూడా చాలా తక్కువగా కనిపిస్తున్నారు.
ఇదిలా ఉండగా తాజాగా ఆసిన్ భర్త రాహుల్ శర్మ ఒక ఇంటర్వ్యూలో పాల్గొన్నారు. ఈ ఇంటర్వ్యూ సందర్భంగా ఈయన తన కుమార్తె అరిన్ రేన్ శర్మ (arin rayn sharma)గురించి మాట్లాడుతూ చేసిన కామెంట్స్ ప్రస్తుతం వైరల్ అవుతున్నాయి. తమ కుమార్తెకు ప్రస్తుతం ఏడు సంవత్సరాల వయసు అని తెలిపారు. అయితే ఇంత చిన్న వయసులోనే ఆమె ఏకంగా 12 భాషలను మాట్లాడగలరని తెలిపారు. విదేశీ భాషలు కూడా అనర్గళంగా మాట్లాడుతుందని, తనకు ఆసిన్ ఇద్దరికీ రెండు భాషలు మాట్లాడటమే కష్టం మేమిద్దరం ఇంగ్లీష్ హిందీ వరకు మాత్రమే పరిమితమయం కానీ తమ కూతురు మాత్రం 12 భాషలు మాట్లాడుతుందని తెలిపారు.
ప్రస్తుతం తన కుమార్తె రెండో తరగతి చదువుతున్న కూడా ఆమెకు ఎనిమిది తొమ్మిది తరగతి పుస్తకాలు కూడా మా ఇంట్లో ఉన్నాయని తెలిపారు. అయితే తన కుమార్తె ఇంత చిన్న వయసులోనే ఇలాంటి టాలెంట్ పొందడానికి కారణం మా ఇంట్లో ఇప్పటివరకు సెల్ ఫోన్, టీవీ ఆమెకు చూపించకపోవటమే కారణమని తెలిపారు. ఇలా తనకు టీవీ మొబైల్ కంటే కూడా ఎక్కువగా పుస్తకాలను అలవాటు చేశామని మా ఇల్లు మొత్తం ఒక లైబ్రరీ లాగా పుస్తకాలతో నిండి పోయిందని తెలిపారు.
తన కుమార్తె ఇంత మంచి టాలెంట్ కలిగి ఉండడానికి తన భార్య ఆసిన్ కారణమని తెలిపారు. ఈ క్రెడిట్ మొత్తం ఆసిన్ కు దక్కుతుందని రాహుల్ శర్మ తెలిపారు. ఇక ఈయన ఆసిన్ గురించి కూడా మాట్లాడుతూ తాను తన జీవితంలో ఏదైనా ఒక మంచి నిర్ణయం తీసుకున్నాను అంటే అది ఆసిన్ ను పెళ్లి చేసుకోవడమేనని తెలిపారు.క్లిష్ట పరిస్థితుల్లో తన వెన్నంటి నిలిచి, నిరంతరం ప్రోత్సహించే శక్తి ఆసిన్ అని కొనియాడారు. ఆమె అండగా ఉండటం వల్లే వ్యాపారంలో ఎదురయ్యే సవాళ్లను సులువుగా ఎదుర్కోగలుగుతున్నానని చెప్పారు. ఇలా రాహుల్ శర్మ తన కుమార్తె టాలెంట్ గురించి ఈ సందర్భంగా మాట్లాడటంతో ఆసిన్, రాహుల్ తమ కూతురిని చాలా అద్భుతంగా పెంచుతున్నారని, గ్రేట్ పేరెంటింగ్ అంటూ కామెంట్లు చేస్తున్నారు.
Also Read: థియేటర్లలో సక్సెస్ ఫుల్ రన్.. ఓటీటీలోకి వచ్చేస్తున్న జైలర్ 2?
Share
సైబర్ నేరగాళ్లు వాట్సాప్నే ఎందుకు టార్గెట్ చేస్తున్నారు? అసలు కారణాలు ఇవే!
ముఖేష్ కి ఏమైంది.. ఆమెను టార్గెట్ చేస్తూ మరీ దారుణంగా!
