Aura of Ustaad: పవన్ కళ్యాణ్ అభిమానులకు షాక్.. ‘ఉస్తాద్ భగత్ సింగ్’లో ఆ సాంగ్ అసలు లేదా?

Aura of Ustaad: పవర్‌ స్టార్‌ పవన్‌ కల్యాణ్‌, మాస్‌ డైరెక్టర్‌ హరీష్‌ శంకర్‌ కాంబినేషన్‌లో వస్తున్న మోస్ట్‌ అవేటెడ్‌ మూవీ ‘ఉస్తాద్‌ భగత్‌ సింగ్‌’ (UBS). ఈ సినిమాపై ఇప్పటికే భారీ అంచనాలు ఉండగా, తాజాగా సోషల్‌ మీడియాలో ఒక వార్త వైరల్‌ అవుతోంది. చిత్రంలోని సెకండ్‌ సింగిల్‌గా విడుదలైన ‘ఆరా ఆఫ్‌ ఉస్తాద్‌’ పాటను కేవలం ప్రమోషన్ల కోసమే వాడతారని, సినిమాలో ఈ సాంగ్‌ ఉండదని ప్రచారం జరుగుతోంది. ఈ సినిమా నుంచి విడుదలైన రెండు పాటలు ఏ రేంజ్ హిట్ సాధించాయో అందరికీ తెలిసిందే. అయితే ఇప్పటికే ఈ సినిమా నుంచి మూడో సాంగ్ కూడా లోడింగ్ లో ఉంది. దేవీ శ్రీ ప్రసాద్ అందించిన పాటలు ఏ రేంజ్ ట్రెండ్ అవుతాయే అందరికీ తెలిసిందే. అయితే.. ఆరా ఆఫ్ ఉస్తాద్ అంటూ విడుదలైన సాంగ్ పవర్ స్టార్ మేనరిజాన్ని ఎలివేట్ చేస్తుంది. అలాంటి సాంగ్ సినిమాలో లేదని తెలిసి ఫ్యాన్ ఒక్క సారిగా నిరాశకు గురవుతున్నారు. ఇప్పటికే ఈ సినిమా సెన్సార్ కూడా పూర్తి చేసుకుంది.

కేవలం ప్రమోషనల్‌ సాంగ్‌?: ఈ పాట పవన్‌ కల్యాణ్‌ సినీ, రాజకీయ ప్రస్థానాన్ని ప్రతిబింబించేలా ఉంది. అందుకే దీనిని సినిమాలోని కథలో భాగంగా కాకుండా, థియేటర్లలో ఎండ్‌ క్రెడిట్స్‌ (సినిమా అయిపోయిన తర్వాత) వేస్తారని లేదా కేవలం ప్రమోషన్లకే పరిమితం చేస్తారనే టాక్‌ వినిపిస్తోంది. పవన్‌ కల్యాణ్‌ రాజకీయాల్లో బిజీగా ఉండటం వల్ల షూటింగ్‌ షెడ్యూల్స్‌లో జరిగిన మార్పుల కారణంగా కొన్ని సన్నివేశాలకు బదులుగా ఈ పాటను ప్రమోషనల్ పద్ధతిలో రూపొందించారని సమాచారం. ఇప్పటికే ఈ పాటలో “నేను మెడ ముట్టుకుంటే తొడ కొట్టినట్టే” అనే డైలాగ్ ఫ్యాన్స్‌లో పూనకాలు తెప్పించింది. ఒకవేళ ఇది సినిమాలో లేకపోతే అభిమానులు నిరాశ చెందే అవకాశం ఉంది.

అయితే, ఈ విషయంపై చిత్ర యూనిట్‌ నుంచి ఇంకా అధికారిక ప్రకటన రాలేదు. సాధారణంగా ఇలాంటి ఎలివేషన్ సాంగ్స్‌ను డైరెక్టర్ హరీష్ శంకర్ వదులుకోరు. ‘గబ్బర్ సింగ్’లో లాగే ఇందులో కూడా పవన్ స్టార్‌డమ్‌ను పీక్స్‌లో చూపించేందుకు ఈ పాటను ఒక ప్రత్యేక సందర్భంలో వాడే అవకాశం ఉందని మరో వర్గం అంటోంది. ఈ గందరగోళం నడుస్తుండగానే, మేకర్స్ మార్చి 12న ‘కాలరే ఎత్తరా’ అనే మూడో మాస్ సాంగ్‌ను విడుదల చేయడానికి సిద్ధమయ్యారు. సినిమా విడుదలకు కేవలం కొన్ని రోజులే సమయం ఉండటంతో, ‘ఆరా ఆఫ్ ఉస్తాద్’ ఉంటుందా లేదా అనేది థియేటర్లో చూడాల్సిందే. ఒకవేళ అది సినిమాలో లేకపోయినా, పవన్ మేనరిజమ్స్‌తో హరీష్ శంకర్ నెక్స్ట్ లెవల్ యాక్షన్ సీక్వెన్స్ ప్లాన్ చేశారని టాక్. ఈ సినిమా ప్రపంచ వ్యాప్తంగా మార్చి 19, 2026న థియేటర్లలో విడుదల కానుంది.