Bhumika Emotional at Euphoria Event: తెలుగు ప్రేక్షకులకు ఒకప్పుడు సూపర్ హిట్ హీరోయిన్గా గుర్తుండిపోయిన పేరు భూమిక చావ్లా. మిస్సమ్మ, ఒక్కడు, సింహాద్రి వంటి సినిమాలతో ఆమె స్టార్ ఇమేజ్ సంపాదించుకుంది. ఆ రోజుల్లో భూమిక అంటే హిట్ సినిమాలే గుర్తుకు వచ్చేవి. అయితే ఆ తర్వాత పెళ్లి చేసుకొని..కొంతకాలం సినిమాలకు దూరంగా ఉన్న ఆమె..నాని నటించిన ఎంసీఏ సినిమాతో మళ్లీ ప్రేక్షకుల ముందుకు వచ్చింది.
ఇప్పుడు మరోసారి భూమిక తన కెరీర్లో కీలకమైన సినిమాల్లో నటించబోతోంది. ఒక్కడు లాంటి మరపురాని హిట్ ఇచ్చిన దర్శకుడు గుణశేఖర్ తో భూమిక యుఫోరియా సినిమా చేస్తోంది. ఈ సినిమా టీజర్ విడుదలైన తర్వాత నుంచే భూమిక పాత్రపై మంచి ఆసక్తి ఏర్పడింది.
టీజర్ చూస్తేనే భూమిక ఇందులో చాలా భావోద్వేగాలు ఉన్న పాత్ర పోషిస్తున్నట్టు స్పష్టంగా అర్థమవుతుంది. ఇక ఈ సినిమా భూమికకి ఎంతలా కనెక్ట్ అయింది అన్న విషయం ఈరోజు జరిగిన ఈ సినిమా ఈవెంట్లో అందరికీ అర్థమైంది.
https://x.com/i/status/2019329259291246644
ఈ ఈవెంట్లో భూమిక మాట్లాడుతూ తన అనుభవాలను షేర్ చేసుకుంది. సినిమా షూటింగ్ సమయంలో తనకు చాలా రాత్రులు నిద్ర పట్టలేదని చెప్పింది. “కొన్ని రోజులు రాత్రి ఒకటికి లేచేదాన్ని, కొన్ని రోజులు రెండుకు లేచేదాన్ని. ఆ పాత్ర గురించే ఆలోచనలు వస్తుండేవి” అని చెప్పింది. మాట్లాడుతూనే ఆమె భావోద్వేగానికి లోనై కన్నీళ్లు పెట్టుకుంది.
ఒకసారి మాట్లాడటం ఆపి వెనక్కి వెళ్లి, మళ్లీ స్టేజ్పైకి వచ్చి మాట్లాడేందుకు ప్రయత్నించింది. కానీ తన భావాలను అదుపులో పెట్టుకోలేక మరోసారి ఏడ్చేసింది. ఆమె కన్నీళ్లు చూసిన వారంతా మౌనంగా మారిపోయారు.
ఈ సందర్భంగా యాంకర్ మాట్లాడుతూ, “ఈ సినిమా చూసిన తర్వాత భూమిక ఎందుకు ఇంతగా భావోద్వేగానికి లోనయ్యారో అందరికీ అర్థమవుతుంది” అని అన్నారు.
యుఫోరియా చిత్రం ఫిబ్రవరి 6న థియేటర్లలో విడుదల కానుంది. ఫిబ్రవరి 5న హైదరాబాద్లో.. ప్రత్యేక ప్రీమియర్ షో నిర్వహించనున్నారు. ఈ సినిమాకు గుణశేఖర్ కుమార్తె నీలిమ గుణ నిర్మాతగా వ్యవహరిస్తున్నారు. భూమికతో పాటు గౌతమ్ మీనన్, సారా అర్జున్, పృథ్వీరాజ్ ముఖ్య పాత్రల్లో కనిపించనున్నారు. కాలభైరవ సంగీతం అందించారు.
ALSO READ: The Raja Saab: ఓటీటీలోకి వచ్చేస్తున్న రాజా సాబ్.. అదిరిపోయే న్యూస్ చెప్పిన హాట్ స్టార్!
Share
Chamala Kiran Kumar Reddy: కేటీఆర్ ఒక ట్విట్టర్ టిల్లు.. బూతులకు బ్రాండ్ అంబాసిడర్ కేసీఆరే: ఎంపీ చామల కిరణ్ రెడ్డి ఫైర్
Euphoria OTT: ఈ సినిమా ఇప్పట్లో ఓటిటీలోకి రాదు..యుఫోరియా గురించి గుణశేఖర్..
