SPIRIT : సందీప్ రెడ్డి వంగ స్పిరిట్ సినిమాకి బ్రేక్, జపాన్ వెళ్తున్న ప్రభాస్

SPIRIT : ప్రస్తుతం తెలుగు ఫిల్మ్ ఇండస్ట్రీలో తెరకెక్కుతున్న భారీ ప్రాజెక్టులలో సందీప్ రెడ్డి వంగ దర్శకత్వంలో వస్తున్న స్పిరిట్ ఒకటి. యానిమల్ తర్వాత సందీప్ దర్శకత్వం వహిస్తున్న సినిమా కాబట్టి విపరీతమైన క్యూరియాసిటీ ఉంది. అంతేకాకుండా ప్రభాస్ కు ప్రపంచవ్యాప్తంగా ఏ రేంజ్ గుర్తింపు ఉందో ప్రత్యేకించి చెప్పాల్సిన అవసరం లేదు. వీరిద్దరి కాంబినేషన్ అనౌన్స్ చేసినప్పుడే విపరీతమైన హైప్ క్రియేట్ అయింది. ఈ సినిమాలో పోలీస్ ఆఫీసర్ పాత్రలో కనిపించనున్నాడు ప్రభాస్.

ఈ సినిమాకి సంబంధించిన పూజ కార్యక్రమానికి మెగాస్టార్ చిరంజీవి అతిథిగా విచ్చేసి ఆశీర్వదించారు. ఇకపోతే ఈ సినిమా షూటింగ్ కూడా ఆల్రెడీ మొదలైపోయింది. ఈ సినిమా షూటింగ్ నేటితో బ్రేక్ పడనున్నట్లు సమాచారం వినిపిస్తుంది. కోటి ఉమెన్స్ కాలేజీలో ఈ షూటింగ్ మొదలుపెట్టారు. ప్రభాస్ మరియు హీరోయిన్ త్రిప్తి మధ్య కొన్ని సీన్స్ కూడా తీశారు. సినిమాకి సంబంధించి 80% వరకు మ్యూజిక్ కంప్లీట్ అయిపోయినట్లు తెలుస్తుంది. సందీప్ రెడ్డి వంగ లోకేషన్ లోనే మ్యూజిక్ ప్లే చేసి మరి సీన్స్ షూట్ చేస్తుంటారు.

స్పిరిట్ సినిమాకి బ్రేక్

రీసెంట్ గానే షూటింగ్ మొదలుపెట్టిన సందీప్ ఈ సినిమా ఫస్ట్ షెడ్యూల్ కంప్లీట్ చేశాడు. సందీప్ రెడ్డి వంగ సినిమా మొదలుపెట్టడానికి టైం తీసుకుంటాడు గాని ఒకసారి షూటింగ్ మొదలైంది అంటే దానిని చాలా స్పీడ్ గా ఫినిష్ చేస్తాడు. స్వతహాగా సందీప్ రెడ్డి వంగ లో ఎడిటర్ ఉండటంతో ఏ సీన్ వరకు సరిపోతుందో, అనే క్లారిటీతో షూటింగ్ చేస్తూ ఉంటాడు. అందుకే యానిమల్ లాంటి సినిమాను కూడా కేవలం 100 రోజుల్లో షూటింగ్ పూర్తి చేశాడు.

ఇకపోతే ప్రస్తుతం హీరో ప్రభాస్ జపాన్ కు బయలుదేరారు. ఈ సినిమాకి సంబంధించిన నెక్స్ట్ షెడ్యూల్ డిసెంబర్ 15వ తారీకు తర్వాత ఉండబోతున్నట్లు తెలుస్తుంది. ఈ సినిమాను 2026లో విడుదల చేయడానికి సిద్ధం చేస్తున్నట్లు తెలుస్తుంది. ఈ సినిమాకి సంబంధించిన డైరెక్షన్ డిపార్ట్మెంట్ లో త్రివిక్రమ్ శ్రీనివాస్ తనయుడు మరియు రవితేజ కొడుకు కూడా పనిచేస్తున్నారు.

హై ఎక్స్పెక్టేషన్స్

ఈ సినిమా మీద భారీ ఎక్స్పెక్టేషన్స్ ఉన్నాయి. ఈ సినిమా గురించి అనౌన్స్మెంట్ టీజర్ తోనే మంచి హైప్ క్రియేట్ అయిపోయింది. ప్రకాష్ రాజ్, వివేక్ ఓబెరాయ్ కూడా ఈ సినిమాలో కీలక పాత్రలో కనిపించనున్నారు. అయితే ప్రభాస్ ఒక సిన్సియర్ పోలీస్ ఆఫీసర్ పాత్రలో కనిపిస్తాడు అని అనౌన్స్మెంట్ రాగానే ఈ సినిమా మీద క్యూరియాసిటీ మరింత పెరిగింది. అనిమల్ సినిమా మాదిరిగానే ఈ సినిమాలో మొత్తం 3 గెటప్స్ లో ప్రభాస్ కనిపించనున్నారు.

Also Read: Nagabandham : పెదకాపు హీరో కోసం భారీ బడ్జెట్, కేవలం క్లైమాక్స్ కోసమే 20 కోట్లు