Actors Married in 2025: 2025లో పెళ్లి చేసుకుని ఇంటివాళ్లు అయిన సెలబ్రిటీలు వీళ్లే..

Actors Married in 2025: 2025వ సంవత్సరం మరికొన్ని గంటలలో పూర్తి కానుంది. ఈ తరుణంలోనే కొత్త సంవత్సరానికి కూడా స్వాగతం పలకబోతున్నాము. ఇప్పటికే కొత్త సంవత్సరానికి స్వాగతం పలకడం కోసం పెద్ద ఎత్తున ఏర్పాట్లు కూడా చేసుకున్నారు. ముఖ్యంగా సెలబ్రిటీలు అయితే ఇప్పటికే ఫ్యామిలీతో కలిసి విదేశాలకు వెకేషన్ వెళ్లిన సంగతి తెలిసిందే. ఈ నేపథ్యంలోనే 2025వ సంవత్సరం మరికొన్ని గంటలలో పూర్తి కానున్న నేపథ్యంలో ఈ ఏడాది ఇండస్ట్రీలో జరిగిన సంఘటనలకు సంబంధించి చర్చలు జరుగుతున్నాయి. ముఖ్యంగా 2025వ సంవత్సరంలో ఎంతోమంది సెలబ్రిటీలు పెళ్లిళ్లు చేసుకొని కొత్త జీవితంలోకి అడుగుపెట్టిన సంగతి తెలిసిందే. మరి ఆ జంటలు ఎవరో ఓ లుక్ వేసేద్దాం..

2025లో పెళ్లి చేసుకున్న సెలబ్రిటీలు..

అఖిల్ – జైనాబ్: అక్కినేని వారసుడు అఖిల్ ఈ ఏడాది జూన్ 6వ తేదీ తన ప్రేయసి జైనాబ్ ను ప్రేమించి పెద్దల సమక్షంలో ఎంతో ఘనంగా వివాహం చేసుకున్నారు.

సమంత – రాజ్: సినీనటి సమంత ఈ ఏడాది రెండోసారి వివాహం చేసుకొని మరో కొత్త జీవితాన్ని ప్రారంభించారు. ఈమె డిసెంబర్ ఒకటవ తేదీ దర్శకుడు రాజ్ ను వివాహం చేసుకున్నారు.

అవికా గోర్ – మిలింద్: చిన్నారి పెళ్లికూతురు ఫేమ్ నటి అవికా గోర్ తన ప్రియుడు మిలింద్ చంద్వానితో కలిసి సెప్టెంబర్ 30వ తేదీ ఒక టీవీ షోలో ఎంతో ఘనంగా వివాహం జరుపుకున్నారు.

నారా రోహిత్ – సిరి: ప్రముఖ టాలీవుడ్ హీరో నారా రోహిత్ సినీనటి సిరిలెల్లాను ప్రేమ వివాహం చేసుకున్నారు. గత ఏడాది నిశ్చితార్థం జరుపుకున్న ఈ జంట ఈ ఏడాది అక్టోబర్ 30వ తేదీ ఎంతో ఘనంగా వివాహం జరుపుకున్నారు.

సాక్షి అగర్వాల్ – నవనీత్: ప్రముఖ సినీ నటి సాక్షి అగర్వాల్ తన చిన్ననాటి స్నేహితుడు నవనీత్ ను జనవరి 2 గోవాలో ఎంతో ఘనంగా జరుపుకున్నారు.

అభినయ – కార్తీక్: సినీనటి అభినయ తెలుగు తమిళ భాషలలో సినిమాలు చేస్తూ ఎంతో మంచి గుర్తింపు సంపాదించుకున్నారు. అయితే నటి అభినయ తన చిన్ననాటి స్నేహితుడు కార్తీక్ ను ఈ ఏడాది ఏప్రిల్ 17వ తేదీ వివాహం చేసుకున్నారు.

నర్గీస్ ఫక్రి – టోనీ బెయిగ్: నటి నర్గీస్ పక్రి అమెరికాకు చెందిన ప్రముఖ వ్యాపారవేత్త టోనీ బెయిగ్ ను 2025 ఫిబ్రవరిలో లాస్ ఏంజల్స్ లో రహస్యంగా వివాహం జరుపుకున్నారు.

హీనా ఖాన్ – రాఖీ జైస్వాల్: ప్రముఖ నటి హీనా ఖాన్ మరో నిర్మాత రాఖీ జైస్వాల్ ను 2025 జూన్ 4వ తేదీ వివాహం జరుపుకున్నారు.

నార్నే నితిన్ – శివాని: నటుడు నార్ని నితిన్ శివానిల వివాహం కూడా ఈ ఏడాది ఎంతో ఘనంగా జరిగింది ఈ జంట పెద్దల సమక్షంలో అక్టోబర్ 10వ తేదీ ఎంతో ఘనంగా వివాహం జరుపుకున్నారు.

సింగర్ రాహుల్ సిప్లిగుంజ్ – హరిణ్య: సింగర్ రాహుల్ తన ప్రేయసి హరిణ్యాతో కలిసి ఈ ఏడాది ఏడడుగులు వేశారు. ఈ జంట పెద్దల సమక్షంలో ఈ ఏడాది నవంబర్ 27వ తేదీ ఎంతో ఘనంగా వివాహం జరుపుకున్నారు.

2025లో నిశ్చితార్థం జరుపుకున్న సెలబ్రిటీలు:

ఈ ఏడాది ఎంతో మంది సెలబ్రిటీలు పెళ్లిళ్లు చేసుకుని కొత్త జీవితంలోకి అడుగుపెట్టడమే కాకుండా మరి కొంతమంది నిశ్చితార్థం జరుపుకొని కొత్త ఏడాదిలో పెళ్లి చేసుకోవడానికి సిద్ధంగా ఉన్నారు. మరి కొత్త ఏడాదిలో ఒకటి కాబోతున్న ఆ సెలెబ్రెటీలు ఎవరనే విషయానికి వస్తే..

రష్మిక – విజయ్ దేవరకొండ: గత కొంతకాలంగా రిలేషన్ లో ఉన్న ఈ జంట 2025 అక్టోబర్లో రహస్యంగా కుటుంబ సభ్యుల సమక్షంలో నిశ్చితార్థం జరుపుకున్నారు. ఈ జంట 2026 ఫిబ్రవరిలో పెళ్లి చేసుకోబోతున్నారని తెలుస్తోంది.

అల్లు శిరీష్ – నైనిక: ప్రముఖ టాలీవుడ్ నిర్మాత అల్లు అరవింద్ కుమారుడు అల్లు శిరీష్ తన ప్రేయసి నైనిక రెడ్డితో కుటుంబ సభ్యుల సమక్షంలో అక్టోబర్ 30వ తేదీ ఎంతో ఘనంగా నిశ్చితార్థం జరుపుకున్నారు. ఈ జంట మార్చి ఆరవ తేదీ వివాహం జరుపుకోబోతున్నారు.

విశాల్ – సాయి దన్సిక: ప్రముఖ కోలీవుడ్ హీరో విశాల్ తన 47వ పుట్టినరోజు తన ప్రేయసి నటి సాయి దన్సికతో నిశ్చితార్థం జరుపుకున్నారు. ఈ ఏడాది వీరి వివాహం జరగబోతోంది.

కార్తీక్ వర్మ దండు – హరిత: విరూపాక్ష ఫేమ్ డైరెక్టర్ కార్తీక్ వర్మ దండు హరిత అనే అమ్మాయితో ఈ ఏడాది నిశ్చితార్థం జరుపుకున్నారు. కొత్త ఏడాదిలో వీరి వివాహం జరగబోతున్న సంగతి తెలిసిందే.

Also Read: Anaganaga Oka Raju: అనగనగా ఒక రాజు రన్ టైం లాక్.. నిడివి ఎంతంటే?