Chitra Rai: తెలుగు సీరియల్ ప్రియులకు ప్రత్యేకంగా పరిచయం అవసరం లేని పేరు చైత్ర రాయ్. తెలుగులో అష్టాచమ్మా అనే సీరియల్ ద్వారా బుల్లితెరపైకి అడుగుపెట్టి.. అందం, అభినయంతో ఫ్యామిలీ ప్రేక్షకులను విపరీతంగా ఆకట్టుకున్న ఈమె.. తెలుగులో అత్తారింట్లో అక్కచెల్లెళ్ళు , ఒకరికి ఒకరు, దట్ ఈజ్ మహాలక్ష్మి , రాధకు నీవేరా ప్రాణం వంటి సీరియల్స్ లో నటించి తెలుగు ప్రేక్షకులను ఆకట్టుకున్న ఈమె కన్నడలో అనేక సీరియల్స్ లో నటించి నటిగా మరింత పాపులారిటీ దక్కించుకుంది.
జూనియర్ ఎన్టీఆర్ హీరోగా నటించిన దేవర సినిమాలో కీలక పాత్ర పోషించింది చైత్ర రాయ్. డైరెక్టర్ కొరటాల శివ దర్శకత్వం వహించిన ఈ సినిమాలో జాన్వీ కపూర్ హీరోయిన్ గా నటించిన విషయం తెలిసిందే. ఎటువంటి అంచనాలు లేకుండా వచ్చిన ఈ సినిమా సైలెంట్ గా 600 కోట్ల క్లబ్లో చేరి సక్సెస్ సాధించింది. దేవర పార్ట్ 2 లో కూడా చైత్ర రాయ్ కనిపించనున్న విషయం అందరికీ తెలిసిందే. ఇదిలా ఉండగా ఈమె తాజాగా పండంటి బిడ్డకు జన్మనిచ్చింది. ఇక్కడ మరో విశేషమేమిటంటే రెండవసారి కూడా అమ్మాయికి జన్మనిచ్చింది. అంతేకాదు ఈరోజు తమ 9వ పెళ్లిరోజు కూడా కావడం గమనార్హం.
ఈ విషయాన్ని చైత్ర రాయ్ తన ఇంస్టాగ్రామ్ ఖాతా ద్వారా అభిమానులతో పంచుకుంటూ..” ఒక అందమైన రహస్యం.. ఒక నిశ్శబ్ద అద్భుతం.. కృతజ్ఞతతో నిండిన హృదయం.. మా జీవితంలోకి దేవుడు ఇచ్చిన మరో ఆశీర్వాదాన్ని మేము స్వాగతించాము. రెండవసారి మరో అందమైన అమ్మాయి మా జీవితంలోకి వచ్చింది. మేం ఇద్దరం కాస్త ఇప్పుడు నలుగురం అయ్యాము. అలాగే ఈరోజు మా తొమ్మిదవ వివాహ వార్షికోత్సవం కూడా.. ఈ సందర్భంగా మా ఆనందాన్ని ప్రపంచంతో పంచుకుంటున్నాము. మా జీవితాల్లోకి మరో యువరాణి అందులోనూ ఈ వివాహ వార్షికోత్సవం సందర్భంగా రావడం.. మా జీవితానికి సంపూర్ణ పరిపూర్ణతలా అనిపిస్తోంది” అంటూ తన ఆనందాన్ని అభిమానులతో పంచుకుంది చైత్ర రాయ్.
మొత్తానికైతే మరో యువరాణికి జన్మనిచ్చాను అంటూ ఇన్స్టాగ్రామ్ వేదికగా నలుగురు చేతులను ఫోటోగా పంచుకోవడంతో అభిమానులు సంతోషం వ్యక్తం చేస్తూ.. చైత్ర రాయ్ కి శుభాకాంక్షలు తెలియజేస్తున్నారు. ప్రస్తుతం ఇందుకు సంబంధించిన ఫోటో సోషల్ మీడియాలో వైరల్ గా మారుతోంది.
also read:Bollywood: భారీ ఊరట.. 20 రోజుల్లోనే 1000 కోట్ల క్లబ్లోకి!
చైత్ర రాయ్ విషయానికి వస్తే.. చైత్ర రాయ్ విషయానికొస్తే.. కర్ణాటకలోని కూర్గులో బీడీ వాసు రాయ్, శ్రీమతి గులాబీ రాయ్ దంపతులకు జన్మించింది. ప్రముఖ ఇంజనీర్ ప్రసన్న శెట్టితో ఏడు అడుగులు వేసిన ఈమె తన భర్తతో కలిసి కర్ణాటకలోని మంగళూరు లో నివసిస్తోంది. బ్యాచిలర్ ఆఫ్ హోటల్ మేనేజ్మెంట్లో తన విద్యాభ్యాసం పూర్తి చేసిన ఈమె.. వివాహమైన మరుసటి ఏడాది నవిష్క శెట్టి అనే అమ్మాయికి జన్మనిచ్చింది.
ఇప్పుడు రెండవ కూతురికి కూడా జన్మనిచ్చింది చైత్ర రాయ్. ఈమె తన నటనతో ఉత్తమ నటిగా స్టార్ పరివార్ అవార్డును అందుకోవడమే కాకుండా జీ తెలుగు బెస్ట్ డెబ్యూ జి కుటుంబం అవార్డును అందుకుంది.. అలాగే ఉత్తమ నటిగా కూడా జీ కుటుంబం అవార్డును సొంతం చేసుకుంది.
Share
Harley-Davidson: చిన్న షెడ్డు నుంచి ప్రపంచ యుద్ధాల దాకా, హార్లే-డేవిడ్సన్ చరిత్ర మామూలుగా లేదు భయ్యా!
Harish Rao: రాష్ట్రంలో యూరియా కొరత.. సీఎం రేవంత్ రెడ్డిపై హరీశ్ రావు మండిపాటు
