Mega 158 Film: మెగాస్టార్ చిరంజీవి ఈ ఏడాది సంక్రాంతి పండుగ సందర్భంగా మన శంకర్ వరప్రసాద్ గారు అనే సినిమా ద్వారా ప్రేక్షకుల ముందుకు వచ్చి ఎంతో అద్భుతమైన విజయాన్ని అందుకున్నారు. అనిల్ రావిపూడి దర్శకత్వంలో ప్రేక్షకుల ముందుకు వచ్చిన ఈ సినిమా సుమారు 350 కోట్లకు పైగా కలెక్షన్లను రాబట్టి ఎంతో మంచి విషయాన్ని అందుకుంది. ఈ సినిమా మంచి సక్సెస్ కావడంతో చిరంజీవి తదుపరి సినిమాపై భారీగా అంచనాలు ఏర్పడ్డాయి. ఈయన తన 158వ సినిమాని బాబి డైరెక్షన్లో చేయబోతున్న సంగతి తెలిసిందే.
ఈ సినిమాని అధికారకంగా ప్రకటించారు. కెవిఎన్ ప్రొడక్షన్ బ్యానర్ పై ఈ సినిమా ప్రేక్షకుల ముందుకు రాబోతోంది. నిజానికి ఈ సినిమా గత ఏడాదే షూటింగ్ పనులను ప్రారంభించుకోవాల్సి ఉండగా కొన్ని అనివార్య కారణాల వల్ల వాయిదా పడుతూ వస్తోంది. ఈ నేపథ్యంలోనే ఏప్రిల్ నెలలో ఈ సినిమాకు ముహూర్తం ఫిక్స్ చేసినట్టు తెలుస్తోంది. ఈ సినిమా ఏప్రిల్ 11వ తేదీ ఎంతో ఘనంగా పూజ కార్యక్రమాలను జరుపుకోబోతున్నారు. అలాగే ఏప్రిల్ 20వ తేదీ నుంచి రెగ్యులర్ షూటింగ్ పనులను జరుపుకోబోతున్నట్టు సోషల్ మీడియాలో వార్తలు హల్చల్ చేస్తున్నాయి.
ఇలా ఈ సినిమా పూజా కార్యక్రమాలు రెగ్యులర్ షూటింగ్ కి సంబంధించిన అప్డేట్ రావడంతో మెగా అభిమానులు ఎంతో సంతోషం వ్యక్తం చేస్తున్నారు. ఇక త్వరలోనే ఈ విషయానికి సంబంధించి కెవిఎన్ ప్రొడక్షన్స్ అధికారకంగా ప్రకటించబోతున్నట్టు సమాచారం. ఈ సినిమా కలకత్తా బ్యాక్ డ్రాప్ లో ప్రేక్షకుల ముందుకు రాబోతుందని, ఇందులో చిరంజీవి గ్యాంగ్ స్టర్ పాత్రలో కనిపించబోతున్నారని సోషల్ మీడియాలో వార్తలు హల్చల్ చేస్తున్నాయి. ఇక ఈ సినిమాలో సీనియర్ నటుడు మోహన్ లాల్ కూడా బాగమవుతున్న సంగతి తెలిసిందే. చిరంజీవి జోడిగా సీనియర్ నటి ప్రియమణి హీరోయిన్గా నటించగా వీరి కూతురు పాత్రలో అనస్వర రాజన్ నటించబోతున్నట్టు సమాచారం.
విడుదలకు సిద్ధంగా విశ్వంభర…
ఇలా ఈ సినిమాకు సంబంధించి ఈ వార్తల పట్ల ఇప్పటివరకు చిత్ర బృందం ఎక్కడ అధికారకంగా ప్రకటించలేదు కానీ ఈ వార్తలు మాత్రం వైరల్ అవుతున్నాయి. చిరంజీవి ఇప్పటికే డైరెక్టర్ వశిష్ట దర్శకత్వంలో నటించిన విశ్వంభర సినిమా ప్రేక్షకుల ముందుకు రావడానికి సిద్ధమవుతుంది. ఈ సినిమా గత ఏడాది విడుదల కావాల్సి ఉండగా విఎఫ్ఎక్స్ పనులు కారణంగా ఈ సినిమా ఇప్పటికీ విడుదలకు నోచుకోలేదు. మంచి క్వాలిటీతో ఈ సినిమాని ప్రేక్షకుల ముందుకు తీసుకురావాలన్న ఉద్దేశంతోనే సినిమాని ఆలస్యం చేస్తున్నారని తెలుస్తోంది. చిరంజీవికి జోడిగా ఇక ఈ సినిమాలో త్రిష హీరోయిన్ గా నటించిన సంగతి తెలిసిందే.
Also Read: వైయస్ జగన్ ‘మావిగన్’ ..సినిమా టైటిల్ రిజిస్టర్ చేసుకున్న నిర్మాత?
Share
కేంద్రమంత్రి గడ్కరీతో డీకే అరుణ భేటీ.. అభివృద్దికి భారీ స్కెచ్!
Vastu tips: నీటితో నిండిన మట్టి కుండను ఇంట్లో ఈ దిశలో ఉంచితే డబ్బే డబ్బు
