Chiranjeevi Wish: సుస్మిత కొణిదెలపై మెగాస్టార్‌కు ఎంత ప్రెమంటే?.. ఈ పోస్ట్ చూస్తే అర్థమవుతుంది..

Chiranjeevi Wish: మెగాస్టార్ చిరంజీవి కేవలం వెండితెరపైనే కాదు, నిజ జీవితంలోనూ ఒక గొప్ప తండ్రి అని మరోసారి నిరూపించుకున్నారు. తన పెద్ద కుమార్తె సుస్మిత కొణిదల పుట్టినరోజును పురస్కరించుకుని, ఆమె పట్ల తనకున్న ప్రేమనంతా కురిపిస్తూ ఒక అద్భుతమైన సందేశాన్ని పంచుకున్నారు. చిరంజీవి తన పోస్ట్‌లో సుస్మిత ఎదుగుదల గురించి ప్రస్తావిస్తూ.. ఒకప్పుడు తన వేలు పట్టుకుని నడిచిన చిన్నారి, ఈరోజు ఇంత బాధ్యతాయుతమైన స్త్రీగా ఎదగడం చూస్తుంటే చాలా ఆనందంగా ఉందన్నారు. ముఖ్యంగా ఒక తండ్రిగా తనకు అత్యంత గర్వకారణమైన విషయం గురించి ఇలా రాసుకొచ్చారు.

ఒకప్పుడు తన సినిమాలను చూస్తూ ఎంజాయ్ చేసిన కూతురు, ఈరోజు తనే నిర్మాతగా మారి తనకు ఒక మెమరబుల్ బ్లాక్‌బస్టర్ అందించడం చాలా ప్రత్యేకమని పేర్కొన్నారు. సుస్మితను ఎంతో ఇష్టంగా ‘హనీ పాప’ అని పిలుస్తూ తన ఆశీస్సులు అందజేశారు. ఈ సందేశంతో పాటు చిరంజీవి షేర్ చేసిన ఫోటోలు మెగా అభిమానులను ఆకట్టుకుంటున్నాయి. సుస్మిత చిన్నప్పటి అరుదైన ఫోటోలతో పాటు, ప్రస్తుతం ఆమె సాధించిన విజయాలను ప్రతిబింబించే చిత్రాలను ఆయన జత చేశారు. “నా వేలు పట్టుకుని నడిచిన చిన్నారి నుంచి, ఈరోజు ఒక బాధ్యతాయుతమైన మహిళగా ఎదిగిన నీ ప్రయాణం నాకు ఎంతో గర్వకారణం.” అంటూ రాసుకొచ్చారు.

మెగాస్టార్ చేసిన ఈ పోస్ట్‌కు సోషల్ మీడియాలో భారీ స్పందన వస్తోంది. “తండ్రీకూతుళ్ల బాండింగ్ అంటే ఇదే” అని కొందరు, “హ్యాపీ బర్త్‌డే సుస్మిత” అని మరికొందరు కామెంట్స్ చేస్తున్నారు. సుస్మిత ప్రస్తుతం గోల్డ్ బాక్స్ ఎంటర్టైన్మెంట్స్ బ్యానర్‌పై పలు వెబ్ సిరీస్‌లు, సినిమాలతో బిజీగా ఉన్న సంగతి తెలిసిందే. సంక్రాంతి సందర్భంగా మెగాస్టార్ హీరోగా వచ్చిన మన శంకరవరప్రసాద్ గారు ఏ రేంజ్ హిట్ సాధించిందో అందరికీ తెలిసిందే.

Happy Birthday my precious @sushkonidela ❤️

From the little girl who once held my finger and walked beside me, to the strong, graceful and responsible woman you are today.

One of the most special moments for me as a father was seeing you watching my films, now producing a film,… pic.twitter.com/Z8FwhsXUrQ

— Chiranjeevi Konidela (@KChiruTweets) March 10, 2026