Yami Gautam: ధురంధర్ 2పై డైరెక్టర్ భార్య ఫస్ట్ రివ్యూ!

Yami Gautam:ప్రముఖ బాలీవుడ్ డైరెక్టర్ ఆదిత్య ధర్ (Aditya dhar) దర్శకత్వంలో రణవీర్ సింగ్ (Ranveer Singh) హీరోగా, సారా అర్జున్ (Sara Arjun) హీరోయిన్ గా తెరకెక్కిన స్పై యాక్షన్ థ్రిల్లర్ మూవీ ధురంధర్. భారీ అంచనాల మధ్య గత ఏడాది డిసెంబర్ 5న ప్రేక్షకుల ముందుకు వచ్చిన ఈ సినిమా ఊహించని రికార్డుల సొంతం చేసుకుని ఇండియన్ బాక్సాఫీస్ వద్ద 1400 కోట్లకు పైగా కలెక్షన్లు వసూలు చేసి రికార్డు సృష్టించింది . ఇక ఈ సినిమా ఒక ఇండియాలోనే కాకుండా దాదాపు 7 దేశాలలో నెంబర్ వన్ స్థానాన్ని దక్కించుకోవడం విశేషం. ఇక దీంతో రెండో పార్ట్ కోసం అభిమానులు ఎంతగానో ఎదురు చూస్తూ ఉండగా.. తాజాగా ఈ చిత్రంపై దర్శకుడి భార్య, ప్రముఖ హీరోయిన్ యామి గౌతమ్ (Yami Gautam) తన మొదటి రివ్యూ పంచుకున్నారు.

ధురంధర్ 2 యామీ గౌతమ్ ఫస్ట్ రివ్యూ..

ఇటీవల భారత్ సమ్మిట్ 2026 సదస్సులో పాల్గొన్న యామి గౌతమ్ ఈ సినిమా గురించి మాట్లాడుతూ సినిమాపై అంచనాలు భారీగా పెంచేశారు. “నా భర్త చాలా గొప్ప సినిమాలను తీస్తున్నారు. తన వృత్తిని ఆయన ఎంతగానో ఆరాధిస్తారు. అందుకే అలాంటి చిత్రాలు తెరపై కనిపిస్తున్నాయి. నేను ధురంధర్ 2 సినిమా చూశాను. చాలా అద్భుతంగా ఉంది. ఇది ఒక అసాధారణమైనది. ఆర్టికల్ 370 షూటింగ్లో ఉన్నప్పుడు మొదట ధురంధర్ స్క్రిప్ట్ చదివాను. చదువుతున్నంత సేపు నాకు కన్నీళ్లు ఆగలేదు. ఆ క్షణం నుంచి చాలా రోజులు నేను దేని పైన కూడా దృష్టిని కేంద్రీకరించలేకపోయాను. ప్రతి భారతీయుడు గర్వపడే సినిమా ఇది. కచ్చితంగా ఈ విషయాన్ని నేను చెప్పగలను” అంటూ యామి గౌతమ్ తన మొదటి అభిప్రాయాన్ని పంచుకున్నారు.. మొత్తానికైతే ఈమె చేసిన కామెంట్స్ సినిమాపై అంచనాలను మరింత పెంచేసాయి.

విడుదల ఆరోజే..

ఇకపోతే ఇప్పటికే షూటింగ్ పూర్తి చేసుకున్న ఈ సినిమా ప్రస్తుతం ప్రొడక్షన్ పనుల్లో బిజీగా ఉంది. మార్చి 19వ తేదీన ప్రపంచవ్యాప్తంగా ఈ చిత్రాన్ని విడుదల చేయనున్నారు. ఇదిలా ఉండగా ఈ సినిమా గురించి నిర్మాత జ్యోతి దేశ్పాండే మాట్లాడుతూ..” మొదటి భాగానికి మించి ఇది హిట్ అవుతుందనే నమ్మకం ఉంది. ఐదు భాషల్లో ఒకేసారి విడుదల చేస్తున్నాము” అంటూ ఆయన సినిమాపై మరిన్ని అంచనాలు పెంచేశారు. అలా మొత్తానికైతే ధురంధర్ 2 తమ మొదటి రివ్యూను పంచుకుంటూ సినిమాపై అంచనాలు పెంచేశారు. మరి ఈ సినిమా మొదటి భాగానికి మించి సక్సెస్ అవుతుందేమో చూడాలి.

ALSO READ:Heroine Sneha: మంచానికే పరిమితమైన హీరోయిన్ స్నేహ.. కదలలేని పరిస్థితుల్లో!

యశ్ టాక్సిక్ కి పోటీగా..

ఇదిలా ఉండగా మార్చి 19న విడుదల తేదీ అంటూ ప్రకటించడంతో అదే రోజు కన్నడ హీరో యశ్ , గీతు మోహన్ దాస్ దర్శకత్వంలో తెరకెక్కిస్తున్న టాక్సిక్ సినిమాని కూడా అదే రోజు విడుదల చేస్తున్నామని ప్రకటించడంతో ఇప్పుడు అందరి అంచనాలు ఈ రెండు చిత్రాలపైనే ఉన్నాయి ముఖ్యంగా ఈ రెండింటిలో ఏది బెడిసి కొట్టినా సరే రెండో చిత్రానికి ఊహించని ఇమేజ్ లభిస్తుందనటంలో సందేహం లేదు. మరి ఈ రెండు చిత్రాలలో ఏది మంచి విజయాన్ని సొంతం చేసుకుంటుందో చూడాలి.