Dhuarandhar Re-release : రీరిలీజ్ కి సిద్ధమైన ధురంధర్.. వారం ముందే మొదలుకానున్న సందడి..

Dhuarandhar Re-release: ధురంధర్ సీక్వెల్ విడుదలకు ముందు మొదటి భాగాన్ని మళ్లీ థియేటర్లలో విడుదల చేయాలని మేకర్స్ నిర్ణయించారు. ఈ విషయాన్ని రణవీర్ సింగ్ సోషల్ మీడియాలో ప్రకటించడంతో అభిమానుల్లో ఆసక్తి పెరిగింది.

బాలీవుడ్ స్టార్ హీరో రణవీర్ సింగ్ నటించిన భారీ హిట్ చిత్రం “ధురంధర్” మరోసారి ప్రేక్షకుల ముందుకు రాబోతోంది. ఈ సినిమా సీక్వెల్ విడుదలకు ముందు మొదటి భాగాన్ని మళ్లీ థియేటర్లలో విడుదల చేయాలని చిత్ర బృందం నిర్ణయించింది. ఈ విషయాన్ని స్వయంగా రణవీర్ సింగ్ సోషల్ మీడియా ద్వారా వెల్లడించాడు. దీంతో సినిమా అభిమానుల్లో మంచి ఆసక్తి ఏర్పడింది.

మార్చి12 నుంచే మొదలు..!

ఈ చిత్రానికి సీక్వెల్‌గా తెరకెక్కిన ధురంధర్: ది రివెంజ్ సినిమా మార్చి 19న విడుదల కానుంది. అందుకు ముందు ప్రేక్షకులకు మొదటి భాగాన్ని గుర్తు చేసేలా మేకర్స్ రీ-రిలీజ్ ప్లాన్ చేశారు. భారత్‌లో మార్చి 12 నుంచి ఈ సినిమాను సుమారు 250 థియేటర్లలో ప్రదర్శించనున్నారు. ఇక ప్రపంచవ్యాప్తంగా మార్చి 13 నుంచి మరో 250 స్క్రీన్లలో విడుదల చేయబోతున్నారు.

మొత్తంగా ఈ సినిమా ప్రపంచవ్యాప్తంగా 1000కి పైగా స్క్రీన్లలో ప్రదర్శించబడనుంది. రోజుకు 1200కి పైగా షోలు వేయాలని మేకర్స్ ప్లాన్ చేశారు. ముఖ్యంగా ఉత్తర అమెరికాలో కూడా ఈ సినిమాకు మంచి స్పందన వస్తుందని భావిస్తున్నారు. అక్కడ దాదాపు 185 స్క్రీన్లలో ఈ చిత్రాన్ని ప్రదర్శించనున్నట్లు సమాచారం.

“ధురంధర్” సినిమా గత ఏడాది విడుదలై భారీ విజయాన్ని సాధించింది. దర్శకుడు ఆదిత్య ధర్ తెరకెక్కించిన ఈ స్పై థ్రిల్లర్ ప్రేక్షకులను బాగా ఆకట్టుకుంది. ప్రపంచవ్యాప్తంగా ఈ చిత్రం దాదాపు రూ.1300 కోట్లకు పైగా వసూళ్లు సాధించింది. అందులో భారతదేశంలోనే దాదాపు రూ.1000 కోట్ల కలెక్షన్లు రావడం విశేషం. ఈ విజయంతో ఈ చిత్రానికి సీక్వెల్ పై భారీ అంచనాలు ఏర్పడ్డాయి.

ఇప్పుడు రాబోతున్న “ధురంధర్: ది రివెంజ్” కథ మరింత ఉత్కంఠగా ఉండబోతుందని చెబుతున్నారు. కథలో అంతర్జాతీయ సంఘటనలు, గ్యాంగ్ వార్స్, టెర్రర్ ఆపరేషన్ల నేపథ్యం ఉండబోతుందని సమాచారం. ఇందులో రణవీర్ సింగ్ పోషించిన హమ్జా అలీ మజారీ అనే పాత్ర కథకు ప్రధానంగా ఉండబోతోంది.

ఈ సినిమాలో ఆర్. మాధవన్, అర్జున్ రాంపాల్, సంజయ్ దత్ వంటి ప్రముఖ నటులు కూడా ముఖ్య పాత్రల్లో కనిపించనున్నారు. అంతేకాదు, ఈసారి సినిమాను తెలుగు, తమిళం, కన్నడ, మలయాళ భాషల్లో కూడా విడుదల చేయాలని మేకర్స్ నిర్ణయించారు.

మొత్తం పైన.. సీక్వెల్ విడుదలకు ముందు మొదటి భాగాన్ని మళ్లీ థియేటర్లలో చూపించడం ద్వారా ప్రేక్షకుల్లో మరింత ఉత్సాహం పెంచాలని చిత్ర బృందం భావిస్తోంది. దీంతో “ధురంధర్: ది రివెంజ్” విడుదలకు ముందు నుంచే మంచి హైప్ ఏర్పడింది.

ALSO READ: Deewana Teaser: అది నా పిల్ల.. అది ఇది అని నేనంటా!.. ‘దీవాన’ టీజర్ ఎలా ఉందంటే?