Deewana Teaser: అది నా పిల్ల.. అది ఇది అని నేనంటా!.. ‘దీవాన’ టీజర్ ఎలా ఉందంటే?

Deewana Teaser: ‘శుభం’ సినిమాతో మంచి సక్సెస్ అందుకున్న యంగ్ యాక్టర్ హర్షిత్ రెడ్డి (Harshith Reddy) హీరోగా నటిస్తున్న సినిమా ‘దీవాన’ (Deewana). ఈ సినిమాతో స్మేహ మణిమేగలై (Smeha Manimegalai) హీరోయిన్‌గా తెలుగు ప్రేక్షకులకు పరిచయమవుతోంది. ఈ చిత్రాన్ని అర్హ మీడియా, వీ స్టూడియోస్ బ్యానర్ పై వాసుదేవ్ కొప్పినేని, శ్రీదేవి కార్యంపూడి గ్రాండ్‌గా నిర్మిస్తున్నారు. బ్యూటిఫుల్ లవ్ స్టోరీతో దర్శకుడు శ్రీకాంత్ సంగిశెట్టి రూపొందిస్తున్న ఈ సినిమాను ఈ వేసవికి థియేటర్లలోకి తీసుకువచ్చేందుకు మేకర్స్ సన్నాహాలు చేస్తున్నారు. ప్రస్తుతం చిత్ర ప్రమోషన్స్‌ని మేకర్స్ స్టార్ట్ చేశారు. ఈ క్రమంలో చిత్ర టీజర్‌ని గురువారం (మార్చి 12) విడుదల చేశారు. ఈ టీజర్ ప్రస్తుతం సోషల్ మీడియాలో వైరల్ అవుతోంది. ఇంకా చెప్పాలంటే ఈ టీజర్ (Deewana Teaser) చూస్తుంటే మణిరత్నం సినిమా ఫీల్‌ని ఇస్తోంది.

Also Read- Anant Sriram: టాలీవుడ్‌లో సరస్వతీ పుత్ర వివాదం.. అనంత శ్రీరామ్ వ్యాఖ్యలు వైరల్..!

‘దీవాన’ కాన్సెప్ట్ తెలిసిపోతుంది

టీజర్‌‌ని గమనిస్తే.. ఒక పెళ్లి వేడుకలో హీరోయిన్‌ని చూసి లవ్ ఎట్ ఫస్ట్ సైట్ అన్నట్లు ప్రేమలో పడతాడు హీరో. అప్పటి నుంచి ఆ అమ్మాయే లోకంగా బతుకుతుండగా.. ఆ అమ్మాయి తరుపు వాళ్లతో ప్రమాదమని స్నేహితులు చెబుతుంటారు. అయినా సరే హీరో వినిపించుకోడు. ఆ అమ్మాయే సర్వస్వం అనేలా జీవిస్తుంటాడు. ఆ అమ్మాయి కోసం ప్రయత్నాలు చేస్తుంటాడు. మరి అతని ప్రేమ ఆ అమ్మాయికి తెలిసిందా? ఆ అమ్మాయి ప్రేమ అతనికి దక్కిందా? లేదా? అనేదే ఈ సినిమా అనేది ఈ టీజర్ తెలియజేస్తోంది. ‘చస్తావా రా దాని కోసం’ అని స్నేహితుడు అంటే.. ‘అది ఇది అని అనవద్దు.. అది నా పిల్ల.. నేను మాత్రమే అనాలి’ అని హీరో చెప్పడం ‘అర్జున్ రెడ్డి’ని తలపిస్తుంది.

Also Read- Youth First Look: ‘యూత్’ ఫస్ట్ లుక్ వదిలిన యంగ్ హీరో.. మరో లిటిల్ హార్ట్స్!

టీజర్‌ హైలెట్స్ ఇవే..

ఇంకా ఈ టీజర్‌లో ‘ఇది ప్రేమ ఇది ప్రేమ గుండెల్లోన సడిరేపేదే ప్రేమ…’ అనే సాంగ్ బీజీఎం హార్ట్ టచింగ్‌గా ఉంది. టీజర్ చివరలో.. ‘ఎంత అందంగా ఉంటే అంత సతాయిస్తర్ర ఈ పోరీలు, అది నీ పానం పీక్కతినకపోతే నన్ను అడుగురా..’ అనే డైలాగ్స్ ఈ టీజర్‌కే హైలెట్ అనేలా ఉన్నాయి. మొదటి నుంచి, ఇందులోని డైలాగ్స్‌ సినిమాపై స్పెషల్ అటెన్షన్‌ని తీసుకువస్తున్నాయి. ఇందులో ఒక ఇంటెన్స్ బ్యూటిఫుల్ మ్యూజికల్ లవ్ స్టోరీ ఉన్నట్లుగా టీజర్‌ అయితే క్లారిటీ ఇచ్చేస్తోంది. యూత్‌కి బాగా కనెక్ట్ అయ్యే కంటెంట్ ఉన్నట్లుగా ఈ టీజర్ ఇంపాక్ట్ క్రియేట్ చేస్తోంది. టీజర్‌లో ప్రతి సన్నివేశం, విజువల్స్.. రియలెస్టిక్‌గా, బ్యూటిఫుల్‌గా ఉన్నాయి. హీరో హీరోయిన్స్ జంట ఫ్రెష్‌గా కనిపిస్తోంది. టాలీవుడ్‌లో మంచి హిట్ అయ్యే లక్షణాలు ఈ సినిమాకు ఉన్నట్లుగా తెలియజేయడంలో ఈ టీజర్ 100 శాతం సక్సెస్ అయిందని మాత్రం చెప్పుకోవచ్చు.