Allu Arjun: పుష్ప తరువాత నిజంగానే అల్లు అర్జున్ వ్యవహార తీరు మారిందా.. గతంలో కూడా ఇంతే.. ఇదే క్లారిటీ..!

Allu Arjun: ఇటీవల సోషల్ మీడియాలో అల్లు అర్జున్ గురించి కొన్ని ఆరోపణలు వైరల్ అవుతున్నాయి. ఒక పోడ్కాస్ట్ వీడియోను ఆయన పీఆర్ టీమ్ ఒత్తిడి చేసి తొలగించిందని కొందరు ఆరోపిస్తున్నారు. ఆ వీడియోలో అల్లు అర్జున్ కలవాలంటే కొన్ని నియమాలు పాటించాలి.. ఆయన కళ్ళల్లోకి కూడా కళ్ళు పెద్ద చూడకూడదు అని ఆయన టీం చెబుతారు అని ఒక జర్నలిస్ట్ చెప్పుకొచ్చింది. స్వీకృతి అనే పోడ్కాస్టర్ చేసిన ఈ వీడియో సర్కులేట్ అయిన కొద్దిసేపటికి యూట్యూబ్ నుంచి తీసివేయబడిందని వార్తలు వచ్చాయి.

ఇదే సమయంలో అభిషేక్ కార్ పేరుతో అస్సాంలో తీసినట్టు కనిపించే ఒక క్షమాపణ వీడియో కూడా సోషల్ మీడియాలో తిరిగింది. ఆ వీడియో నకిలీదని కొందరు చెబుతున్నారు. అల్లు అర్జున్‌ పై పాజిటివ్ ఇంప్రెషన్ కోసమే ఆ వీడియోను ప్రచారం చేశారని ఆరోపణలు వినిపించాయి.

గతంలో కూడా ఇంతే..!

ఈ సందర్భంలో జర్నలిస్ట్ మూర్తి గతంలో చేసిన వ్యాఖ్యలు మళ్లీ వెలుగులోకి వచ్చాయి. ఆయన ఒక సంవత్సరం క్రితం విడుదల చేసిన వీడియోలో అల్లు అర్జున్ వ్యవహార శైలి గురించి మాట్లాడారు. సోషల్ మీడియాలో ఒక హీరోపై నెగిటివ్ కామెంట్లు రావడానికి చాలా కారణాలు ఉంటాయని ఆయన అన్నారు. పుష్ప సినిమా తర్వాత అల్లు అర్జున్ ప్రవర్తనలో మార్పు కనిపించిందని చెప్పారు.

🚨 PR games exposed 🚨#AlluArjun PR team allegedly threatened and got Sweekriti podcaster video removed 👎

Then a fake Assam apology video of Abhishek Kar was circulated as damage control for AA 👎

But Murthy thatha @sairaaj44 had already exposed Allu Arjun a year ago 🔥

So… pic.twitter.com/K9FoJ2fdpN

— Suma Kashyap (@suma_kashyap) February 10, 2026

ఆ తరువాత ఎంతో మార్పు..

పుష్ప వన్ భారీ విజయాన్ని సాధించిన తర్వాత ఆయన ప్రవర్తనలో చాలా తేడ కనిపించిందని.. పుష్ప రెండో భాగం బ్లాక్ బస్టర్ అయ్యాక మరింత మారారు అని మూర్తి తెలిపారు. ముఖ్యంగా పుష్ప ప్రమోషన్ ఈవెంట్లలో అల్లు అర్జున్ మాత్రమే స్టేజిపై ఎక్కువగా హైలైట్ అయ్యేలా ప్లాన్ చేసినట్టు కనిపించిందని అన్నారు. ఆ ఈవెంట్ల వీడియోలు చూస్తే కూడా ఆయనకే ప్రధాన ప్రాధాన్యం ఇచ్చినట్టు మనం గమనించవచ్చని చెప్పారు.

అలాగే అల్లు అర్జున్ నడక తీరు, ప్రవర్తనలో కూడా మార్పు కనిపించిందని వ్యాఖ్యానించారు. ఐకాన్ స్టార్ అనే ట్యాగ్ ఆయనకు వచ్చినా, ఎవరైనా హీరో అలా ప్రవర్తించకూడదని అన్నారు. మన ఇండస్ట్రీలో మెగాస్టార్, మెగా పవర్ స్టార్, యంగ్ టైగర్, మాస్ మహారాజా వంటి ఎన్నో బిరుదులు ఉన్నా, వాళ్లు వాటిని బయట ప్రదర్శించరని తెలిపారు.

ఇప్పుడు చాలా మంది ఒకేసారి మాట్లాడటం యాదృచ్ఛికం కాదని కొందరు అంటున్నారు. నిజం బయటకు వస్తోందని అభిప్రాయాలు వ్యక్తమవుతున్నాయి. అయితే ఈ ఆరోపణలపై స్పష్టమైన ఆధారాలు లేకపోవడంతో అధికారిక సమాచారం కోసం అభిమానులు ఎదురుచూస్తున్నారు. అల్లు అర్జున్ అంటే పడని వాళ్ళు ఇలాంటివి చేస్తూ ఉండొచ్చు అని కూడా ఆయన అభిమానులు వాదిస్తున్నారు.

ALSO READ: Swayambhu Teaser Review: నిఖిల్ ‘స్వయంభు’ సినిమా టీజర్ ఎలా ఉందంటే?.. అది ఓకే కానీ..